هنا

[هيلــه]

ودعوني ..وبللت لحيت ابوي بدمعتي
ودعوني ..وايدي ماتركت عبايه عمتي
وكلهم اتوسلت بيهم ..ودنكت بوست اديهم
ماخذوني ..ما خذوني
~~~
من درت باجر سفرهم
روحي باتت هايمه
والصبح كعدو لكوني
عالهوادج نايمه
ركبو سكنه الطمت عيني وبجيت
ركبوا خوله وع الكاع انجفيت
وصلوا العمتي زينب ونعميت
ابجي واركض وجرحيت الكاع من كد عثرتي
وشلت اديه لجن مامدولي اديهم اخوتي
ليش عفتوها حزينه التسموهه حنينه

ما خذوني ..ما خذوني
~~~~~~
ودعوني ..وبللت لحيت ابوي بدمعتي
ودعوني ..وايدي ماتركت عبايه عمتي
وكلهم اتوسلت بيهم ..ودنكت بوست اديهم
ماخذوني ..ما خذوني
~~~~~
حضرو نوك الضعينه
واني يمهم كاعده
تعجبت محد سألني
لهسه شو ما صاعده
وانتظر من والدي كلمه تعاي
يله عالميمون صعدوها أبكفاي
بنيتي وين تروح لو ظلت وراي
وأتركوني وكام عبد الله ينوح ويلتفت
جن يكلهم الضعن وكفوه انه مضيعلي أخت
اشلون اعيش الدنيه بعده ..اخذوني اناغيه واهز مهده

ما خذوني ..ما خذوني
~~~
ودعوني ..وبللت لحيت ابوي بدمعتي
ودعوني ..وايدي ماتركت عبايه عمتي
وكلهم اتوسلت بيهم ..ودنكت بوست اديهم
ماخذوني ..ما خذوني


~~~~~
انه أخاف لوحدي اضلن
بويه فدوه اخذوني
اوين ماشفتوني اتعب
امشو اوعوفوني
بالدرب خدامتك يابويه اصير
حتى لو يلفاني موتي بالمسير
ما اتعبك بالحفر كبري زغير
​من سمعني حسين ضل صافن عليه ابلا حجي
ومدلي ادينه وطاح من ميمونه من كثر البجي
ركضو اخواني عليه وكلت اروحن هاي هيه
ما خذوني ..ما خذوني

ودعوني ..وبللت لحيت ابوي بدمعتي
ودعوني ..وايدي ماتركت عبايه عمتي
وكلهم اتوسلت بيهم ..ودنكت بوست اديهم
ماخذوني ..ما خذوني
~~~~~~
تأكدت انه ورقيه
بعد ما نتلاكه
من مشو ذبت عليه
روحها من الناكه
أختي واتنفسهه أكثر من هواي وبويه متعوده من اديها اخذ دواي
اتركهه يمي تكودني وتنطيني ماي
كل خواتي يمي ليليه كبل يتسامرن
ها يروحي اشلون بيج الوحدج وكلهن مشن
حلفت اهلي بغلاتي ..خل اروحن وي خواتي
ما خذوني ..ماخذوني
ودعوني ..وبللت لحيت ابوي بدمعتي
ودعوني ..وايدي ماتركت عبايه عمتي
وكلهم اتوسلت بيهم ..ودنكت بوست اديهم
ماخذوني ..ما خذوني

~~~~~~
ياابو فاضل واعدتني
تحطني بين اعيونك
وهسه عمي احسبني جربه
وشدني فوك امتونك
وانته ماتحمل غيابي
انه ادري بيك يالحنين
جنت اعوف امي واجيك افتحلي ذرعانك أريد اشبك عليك
وياك أخذني حتى من تتوضه اكض اعمامتك اعليك اسوالف وامسح اتراب السفر عن وجنتك واجانه الحسين وحضنه
وكمنه نبجي وماسكتنه
. .ماخذوني. ....ماخذوني

ودعوني ..وبللت لحيت ابوي بدمعتي
ودعوني ..وايدي ماتركت عبايه عمتي
وكلهم اتوسلت بيهم ..ودنكت بوست اديهم
ماخذوني ..ما خذوني
-------

mp3
~~~~~~
الشاعر علي عويز الشويلي

[نغمة على وتر♫]

شكرا عمري