أجيت ونخيته ودمعتي بالعين
حتى من اصد ارجع الك يحسين
اجيتك بالبواجي وامسح دموعي
عندك يبو السجاد موضوعي
بسم الله وباسمك ياحسين وبسم الجروح
ميت اجيتك ياحبيبي رد الي الروح
مهموم شايل بالقلب كل همومي الثكيلة
ما اكدر اهرب سيدي والله ما عندي حيلة
جيتك وانت مقصدي وانت باب الفضيلة
افتحلي كلبك مالي غيرك وسيلة
دنياتي صحاري تصبح ابلياك
عطشانة المشاعر روهه بمحياك
يالعارض همومي وكلبي وجراحه
بطرواك شكر انا اشعر براحة
أجيت ونخيته ودمعتي بالعين
حتى من اصد ارجع الك يحسين
اجيتك بالبواجي وامسح دموعي
عندك يبو السجاد موضوعي
واذكر محب ذريه راد وخل دمعته
وبعام ثاني اجالك وبحضانه بنته
اليحبك ماخسر حسين والله فايز
بعيوني شاهد بالشفت هواي شايف معاجز
اتذكر الكَام ومشه وهو بالمشي عاجز
الاعمى نظر , الأخرس نطق وياك كل شي جائز
احجي ومؤمن بكل كلمة كايلها
شاهد عالمعاجز وانت صاحبها
ما اتعجب بأعجاز عاينته
وانت عالرمح قرآن رتلته
أجيت ونخيته ودمعتي بالعين
حتى من اصد ارجع الك يحسين
اجيتك بالبواجي وامسح دموعي
عندك يبو السجاد موضوعي
والماعرفك وجرب يجيلك لحاجات
لو ميت ترد روحه يا باب الكرامات
رحمتك حتى اعله العدو اللي بأفعاله اجرم
خايف عليه لو يحاربك يمشي وينجوي من جهنم
وشلون انا اللي العشت بحسين عمري مغرم
ابقى اعله ذكرك كل وقت مو فقط في محرم
ادري مثكل بطلباتي بالغالي
بس انت حنون هواي وتبالي
تتأخر عليه ودوم تلكاني
متيقن حبيبي محال تنساني
أجيت ونخيته ودمعتي بالعين
حتى من اصد ارجع الك يحسين
اجيتك بالبواجي وامسح دموعي
عندك يبو السجاد موضوعي
جيت بعيوني حاجتي واطلبها يمك
واقسم قسم غالي عليك بظلع امك
وياك عشره من الصغر ما تكسر الخواطر
معروف طبعك سيدي وبكل مصيبة انت حاضر
يحسين تدري بالألم وانت اصل المشاعر
اهواك وانت بكل كسر بيه يالغالي جابر
منك ما امل ياحبي الاقدم
متعود اجيلك من احس بالهم
حتى اللي طلبته انساه واسمعني
بيوم القيامة اهناك اذكرني
أجيت ونخيته ودمعتي بالعين
حتى من اصد ارجع الك يحسين
اجيتك بالبواجي وامسح دموعي
عندك يبو السجاد موضوعي
رد مع اقتباس
المشاركة الأصلية كتبت بواسطة نغمة على وتر♫
