هنا

[فقار الكرخي]

على ظهر الهوه وديتلك صوت
احلف بالشريعهالضيعت خل

اخو لابس الموت اوطوله للشام
كمر من يبتسم من يزعل يشل

اله راية بيمينه وحين تندار
تعبر عالشمس وتخضر الظل

اخو شايل وعد كد صبر الحسين
رضه جفوفه تطيح وعاند الذل

ومن ثكل الاخوهالعنده عباس
من يمشي اعله طرفه الكاع تهدل

اريد اليوم اذكره بخوته وياي
وكله اليوم مو للماي تنزل

شممني حرب مختنكه عباس
كض طرف الطفوف وحيل زلزل

ياعزة سكينه وذلت الماي
موذله العطش بس فكدك ايذل

غايب ما اضن وتاملك جاي
بحضورك من اباوع خصمك يقل

عوف الماي ورجع خويه عباس
تعال انه بحنان الخوه ارويك

اعذره حسين اذا ماياذن اتروح
الحسين يريد ظهره شلون ينطيك

يا اخر عطش بعيون الحسين
باوع على اطفاله الجلبت بيك

وظل يم النهر بس ديرلي عيون
اوحك الزهره يمكن دم ابجيك

انا انجر سبيه ومتني ينصاب
وشمر يتعده حدي وما يهم بيك

من ابسوط انطك ازعل هواي
وكلهم جاي اخوي وابقه اتانيك

ويطول انتظاري واشبع اسياط
جفك وده ليه انجان مابيك

خويه شلون اذا ماترجع اوياي
باجر انسال يالكافل اعليك

ومامتعوده اصعد وحدي عالنوك
اذا اغفه جنت باحلامي اماشيك

جنت اتخاف اذا ينشاف لي خيال
وهسه لاتخاف اوضعي يرضيك

خذت من نور وجهك فصلت ثوب
وكبل نيته اليشوف ايذبحه طاريك

ورغم غربه ودمع وجروح وعيون
وحكك كمت ادوسنهن وناديك

ها عباس اخوي اليوم الوداع
ولو اعرف مسير الشام ياذيك

طول الشام طولك ومشي ماخاف
اذا للشام اروح اهناك الاكيك









الشاعر علي السعيدي

[Haidar Iraq]

احسنت
شكرا لك

[سمراء من قوم عيسى]

السلام عليك يا ابا الفضل العباس

[فقار الكرخي]

منورين