هنا

[هيلــه]

صحنه مثل ام البنين ..اغله كل غالي حسين

~~~~~~~~
طاري الحسين اليحبه ..روحه دوماً هايمه
مقترن موته وحياته ..كل سنه بمحرمه
ام البنين المدرس كل حسيني تعلمه
كيف تصبح خادم انته وهي أول خادمة
كالت بدرس الحنين ..اغله كل غالي حسين

صحنه مثل ام البنين ..اغله كل غالي حسين
~~~~~~~~
نذوب بحسين وحروفه وبطعم كلشي تحس
واليريد يعيش عابس خله منهه يقتبس
ياحلاهه عالخدامه لمن تموت النفس
بالعشك هيج اليوفي دكله ناجح بالدرس

كلمة السر بالسنين ..اغله كل غالي حسين

صحنه مثل ام البنين ..اغله كل غالي حسين


~~~~~~~~
جوشن الحب الحسيني كولشي بيه تتملكه
حروف قديسيه الحفظه عمره الله يباركه
حزن ام البنين اليوم كلنه نشاركه
صارت بعالم الخدمه كل حسيني الملكة

وضحت للعاشقين ..اغله كل غالي حسين

صحنه مثل ام البنين ..اغله كل غالي حسين

~~~~~~~~~
اليقتدي بيهه بحياته الله لازم يرفعه
مرجعيه للمدامع هذه ام الأربعة
قصرت دكول لحبيبي شكد لعد متواضعه
اني لحسين وبنيني نروح فدوه لأصبعه

كتبت بدمعه العين ...اغله كل غالي حسين

صحنه مثل ام البنين ..اغله كل غالي حسين
~~~~~~~~

اليخلص بحبه مثلهه الزمن اسمه يدونه
بالعمل بالخدمة دوم حسين ميحب الأنا
وصت بهاي الوصيه كل محرم لو دنه
ايد وحده نصير كلنه بالمواكب كل سنه

افهموا هالجلمه زين ..اغله كل غالي حسين

صحنه مثل ام البنين ..اغله كل غالي حسين
~~~~~~~

شكراً لام البنين العلمتنه الحب صدك
بالخدامه الحسينيه هي أستاذ العشق
مثل حركتهه بكلبهه الكلب لازم بحترك
شرف النه كل محرم عالصدر اله ندك

نهتف وياهه بونين ..اغله كل غالي حسين

صحنه مثل ام البنين ..اغله كل غالي حسين

.......
حاتم صبري الكاظمي

Mp3

[Mohammed K.F]

سلام الله على ام البنين
شكرا مشرفتنا على المجهود القيم

[سمراء من قوم عيسى]

السلام على مولاتي ام البنين