نشدت الريح عن اهل الحميه
شفت ياريح حرب الغاظريه
مو انته التهب منهم عليه
دنگ وانحنه الريح//گلتله بدمعي اليطيح
خير اشصار وانه افرك بديه
////////////////////////////////
سولفلي الگمر من هد عليهم
گال الريح لو تسمع بچيهم
ملك الموت ما لحگ يجيهم
قبظهم قبله عباس / توكل يقطع انفاس
دنگ وانحنه الريح /گلتله بدمعي اليطيح
يعني الجيش،ما طب للثنيه
شفت ياريح حرب الغاظريه
/////////////////////////////////
حاچيني بعرس وسط الميادين
گال معزب وكثره المطاعين
لوله الموت چا وذر ملايين
شعلهه المعركه بهم /وحنه العسكر بدم
دنگ وانحنه الريح /گلتله بدمعي اليطيح
سر حسين والزهره الزچيه
شفت ياريح حرب الغاظريه
/////////////////////////////////
شبيه المصطفئ،اشسوه بنزاله
گال ابساع من حيدر خصاله
ظج الكون من عزمه وقتاله
خله الوادم اتلول /وحده ابعسكر ايصول
دنگ وانحنه الريح/گلتله بدمعي اليطيح
بيدرهم جثث فوگ الوطيه
شفت ياريح حرب الغاظريه
/////////////////////////////////
گلت وحسين سولفلي وتبختر
گال تريد تسمع بالغظنفر
ثلث ايام صايم ويتشكر
ربه وتدمع العين / راظي بحكمك حسين
دنگ وانحنه الريح / گلتله بدمعي اليطيح
من اجل النبي سيد البريه
شفت ياريح حرب الغاظريه
/////////////////////////////////
گال الريح بالحسره الطويله
بكل الكون مايوجد مثيله
واخته ام الخدر ذيج العقيله
شافت بالخيم نار / حمدت ربهه عالصار
دنگ وانحنه الريح /گلتله بدمعي اليطيح
عگب عزهه مشت زينب سبيه
شفت ياريح حرب الغاظريه
/////////////////////////////////
شفت ياريح طفله بلا تراچي
ثلث اسنين وتناشغ بواچي
يعرفهه الگمر حلوة محاچي
شفته اصفن اهواي/وگال الچلمه بهداي
دنگ وانحنه الريح /گلتله بدمعي اليطيح
شلون اتحملت هاي الرزيه
شفت ياريح حرب الغاظريه
//////////////////////////////////
فاضل الغريباوي
رد مع اقتباس
