ذكرتني بال شنكَل بانةوالمشاركة الأصلية كتبت بواسطة انسان ثاني
ذكرتني بال شنكَل بانةو
صار بس اكل وارجع حتى استرسل زينسوزانا
احممممممممممممممممممممممم م
نورتي جداً
سوزانا
سؤالي
شنو احلى كتاب قريتي
ممنونه الغالية اسينات كلماتج الها وقع كبير على قلبيست سوزانا.
منورة الكرسي ياوردة ♥
كم طفل لديك سوزان ...
سؤال ...ما سر الكاريزما التي بين جنبي روحك ؟وسؤالي الثاني ماذا لو قذف بك في مدينة تضج بالصم والبكم كيف ستتصرفين بالتعبير عن نفسك
انه اجيت
الرحلة طويلة ومنهكة جداسوزانا
بعدما اقتربت القوات الامنية للتحرير وصار قصف كولش قوي اتجهنا نحو القائم
حوالي الساعة الرابعة فجرا اتجهنا نحو القائم مايقارب ٤٠٠كيلو متر عن المدينة اللي اسكنها وطريق صحراوي ترابي طويل
بعد ماوصلنا اهناك بچيت كولش
بقينا شهرين اهناك مابين البو كمال بسوريا وبين القائم بهالاثناء لا ظلت جامة لاشي دگ صواريخ من تجي الطيارة يعني اتوقع باي لحظة تموت ،والمهربين اغلبهم عدموهم الدواعش اعدامات جماعية واخيرا لگالي مهرب وراد مليونين حتى يطلعني لمكان أمن (الرمادي)كانت محررة وهي اقرب شي لبغداد ..
افلوس ماكو كانتلانه رواتب انقطعت وايضا حوالات ماكو للمناطق الساخنة .المهم دبرت حواله ونطيناها للمهرب وكان الموعد
الساعة السادسة صباحا كان الاتفاق ان نتواجه في نقطة ما قريبا ع الحدود السورية بعيدا عن انظار داعش ..وصعدت بالسيارة وهي عبارة عن كيا حمل واتجهنا لسوريا ونمشي بالصحراء ولحگتنا سيارة داعش والاخ تيه الطريق وغاصت السيارة بالصحراء ولزگت كولش ماتطلع بعد
احنا تقريبا عشرة مااعرفهم طبعا وانحاول نرفعها وماكو والطيارات فوكانه من تقترب كولش نتفرق خوفا من القصف ومن تبتعد نرجع انحاول نرفع السيارة وبدون جدوى واخيرا وجد السايق سيارة للبدو بعد ٣ساعات من الانتظار وانرفعت السيارة ومشت دقيقتين تقريبا وراحوا البدو ورجعت غاصت ..
المهم بعدها بمحاولات عديدة رفعناها ومشينا ع الحدود ومن ثم للرطبة بهلاثناء اهواي احداث مرعبة صارت ،تجينا اخباريات البدو ديربالكم سيطرة داعش كدامكم غيروا طريقكم ووصلنا للعلم العراقي وعود كلبي اطمئن دگونا حاسبة ونزلوا كم رجل وگالولنا امشوا ..وصلت الرمادي تقريبا بالسبعة مساءا ونزلوا الناس الوياي راحوا لاقاربهم و طبيعي اني ماعندي احد حاولوا وياي بس كلتلهم لا اوصل بغداد..
وصلت للجسر المنفذ الوحيد اللي كان بين بغداد والانبار حوالي الساعة التاسعة مساءا وكالولي الجيش ممنوع تدخلين عدنا امر من قائد العمليات اي شخص من الانبار مايدخل
زين اني شاسوي الحقيقة بجيت بالسيارة، اتوسلت ،اهلي ابغداد، هذه بطاقة سكنهم مصورة، وكولشي مايفيد كالولي محد يدخل وشفتي بعينج حتى المنتسبين مايدخلون ،انتظري لباجر الصبح ويصير خير..
بوقتها شافني واحد من الضباط ع الجسر وكالي تعالي باتي يم الحجية ورحت يمها معاملتهم كانت لطيفة جدا عشا وكذا بالوقت اللي ١٦ساعة مماكلة شي ههههه..
خابرت اخوية بهالاثناء هو بوزارة الداخلية وكالي الصبح اجيج .
واجا وايحاول ويمعودين وماكو فايدة ممنوع تدخل اووف بهالاثناء رحت كعدت ع الشط واباوع على هالناس بالالاف تنتظر وماكو ، اخوية ايس كولش لل١٢يحاول وماكو بهالاثناء شاف واحد عرف من المنطقة وكال خل تمشي وراي واتغلس ومشيت وراه وعبرت الجسر واتجهت لأهلي ..
هاي ملخص للقصة..
ومباشرة كنكت ودخلت المنتدى
بعد هالغياب الطوووويل ولكيت رسائل كومة هع
