نقطة 8 سبب تصويتي الهة بمسابقة التحفياتالمشاركة الأصلية كتبت بواسطة انسان ثاني
صباح الخير ست سوزان
ممكن اسألك في سؤال ؟ انتِ بتحبي فـ قصة حُب ^__^
شنو رأيج نعوف الاسئلة التقليدية ونحاول نتعرف عليج عن قُرب ؟
١ _ ليش افكارج لادينية ؟ مو هيچ حرام ؟ ^__*
٢ _ ذكرتي بكلامج الكل اصدقائج ، يعني كلهم تحبيهم بنفس الدرجة ؟ خليج صريحة
٣ _ شنو ردج على الاشخاص الي يعتبرون المُنفصلة (عذراً على التعبير) سيئة سُمعة ؟
٤ _ شنو رأيج بـ الاعضاء المتدينين ويدعون او يصدرون صورة عنهم على اساس مُلحدين ؟
٥ _ شون ممكن ان توصلين الى نتيجة مع المتزمتين (القافلين) بالدين ؟ اقصد من خلال النقاش
٦ _ كلنه نعرف خلال السنتين السابقات سامر چان مشغول و مبتعد عن المُنتدى مما دعاه لتسليمج القيادة الادارية ، ومن خلال منحك جميع الصلاحيات چنتي تصعدين وتنزلين مشرفين ومراقبين ونواب بكيفج ، السؤال هنا ، هم حسيتي انچ نادمة على منح بعض الاعضاء لثقتچ وما كانوا گد المسؤولية او خلي نگول اصبحوا عبء على الكادر الاداري ؟ وفي نفس الوقت هم ندمتي على اعضاء اكفاء استبعدتيهم من الادارة ؟ ، ليش ما قبلتي تسويني مشرف اهئ اهئ
٧ _ بداية الصداقة بيناتنه من چنتي راجعة للدرر وبعدچ من اهل الدار ، و سبب تعرفچ عليّه هو انچ تقومين بدور رقابي من خلال التعرف على شخصيتي الحقيقة و تردين تتاكدين هل اني عضو قديم وراجع بعضوية جديدة ام فعلاً جديد ، السؤال هنا ، ليش ترعبكم فكرة اذا كان عضو مُنسحب وقرر يرجع بشخصية جديدة ؟ ماتعتقدين هاي حُرية شخصية ؟
٨ _ من خلال مراقبتي الچ اكتشفت شيء بيچ ، انه اي عضو يدخل بخصومة معك بالنهاية اما يُنفى باللون الاسود او يغيب لـ اسباب مجهولة او يترك عضويته ويرجع بشخصية جديدة بمعنى اصح ذيبين مايعيشون بقفص واحد ، ممكن تفسريلي هل شيء و تفنديه اذا كان خطأ ؟
٩ _ انتِ سوزان بنت بغدادية الطباع و معتدلة الميول ، شون قبلتي بيوم من الايام ترتبطين بشخص مُتطرف ؟ و اذا گتيلي الحُب راح اگلچ ماتشوفين نفسج مُندفعة جداً في مشاعرك ؟ (طبعاً ماچنت راح ادخل بموضوع الزواج لو ما شفتچ حچيتي بي بدون قيود)
١٠ _ سؤال ظريف ولطيف مثلي تماماً ... مرة سمعتج تگولين احب رياض احمد و الاصوات الريفية الطربية ، زين من تسمعيهم هم لازم تاكلين رارنج و ملح و جاجيك ؟ ^_*
١١ _ شنو تعنيلج داعش ؟ ^__^ ، بعتبارج خالطتيهم و كلنه نعرف من عاشر القوم اربعين يوم صادق بتهم هع العفو صار منهم ^______*
١٢ _ والدتچ شنو تعنيلچ ؟ واني اعرف انچ مقيمة يمها حتى تداريها و اكيد هذا اجر عظيم عند الله
١٣ _ الاستقلال شنو يعنيلچ ؟ و اني اعرف عندج مشروع تشترين بيت وسيارة و اتمنى من الله يرزقچ ، مراودتچ فكرة ان تعيشين وحدچ في يوماً ما ؟
١٤ _ شنو تعنيلچ الدجيل ؟ و چنتي موجودة بوقت مجزرة الدجيل ايام الحكم البائد ؟
١٥ _ اني اگدر اعيش بدونك لكن ما اريد هذا الشيء واريدك تبقى ويايه ، المن تگوليها غير والدتچ ؟
١٦ _ علاقتچ بالمرحوم والدچ شون چانت ؟ يگولون البنية بنت ابوها ... صدگ ؟
١٧ _ بيچ صفة جداً تعجبني ، انچ ماتنكرين العشرة ، وهذه الصفة تجسدت بيچ اثناء خلافك مع سامر و اعفاءك من المهام الادارية و رغم هذا چنتي دائماً تصفية امامي بالملاك و ابد ما تنطين بي ، احسچ هوايه متأثرة بشخصية سامر و احس اله هوايه لمسات بتعديل شخصيتچ نحو الافضل ، تگدرين توصفيلي سامر الصديق بعيداً عن عملكم المشترك في الادارة ؟
١٨ _ دائماً تگليلي انت انسان طبقي و تمييز بين الاعضاء و تصفيني بالمغرور ، طبعاً كلامچ كله بالشقة ، لكن يگولون الي نستحي نگله شيء بوجهة نحاول نگوله بطريقة المزاح ، السؤال هنا ، ما تعتقدين ان فعلاً الطبقية احياناً تنطي انطباع اولي عن المُقابل ؟ ماتعتقدين اكو مُسلمات مهما تغاضينا عنها بالنهاية تبقى واضحة و الاعوج يبقى اعوج مايحتاج نجمل الصورة ؟
١٩ _ عندج شعبية واسعة بالدُرر و تكاد تطغى هذه الشعبية على كل الاعضاء ، ماتعتقدين هذا عبء عليچ يجبرج ان تسايرين الكل و تنجبرين تتغاضين عن بعض الكلمات الجارحة في سبيل الصالح العام ؟ وهم فكرتي بيوم انچ تخافين تروح هذه الشعبية ؟ و هل فكرتي اذا شراح تسوين ؟
٢٠ _ عوفي منصبچ وتعاي گعدي بصفي و خلينه نسولف كـ اصدقاء ، اريد اراويچ لوحة فنية من مكاني هذا و اني گاعد بـ اخر كرسي بالمسرح ، تذكرين احنه الاعضاء قبل سنتين شون چنه نشتكي من ادارة الدرر و نصفها بالتعنت و المحسوبية ؟ زين تذكرين من اجت سوزان و صارت نائبة شون كلنه فرحنا و گلنه واخيراً اكو بادرة امل ؟ و تذكرين بعدها شون عشنه بفترة رخاء على مستوى الحريات و شون رجع النشاط كلش قوي و صارت مرونة بالقوانين بل وتغيرت بعض القوانين بعهدها ؟ زين شنو الي صار هسه ؟ شو سوزان بعدها بـ ادارة لكن نحس صار تغير ؟ زين گليلي يا صديقتي معقولة كل الطرق تؤدي الى انه مُقبلين على فترة العجاف الي چانوا يعانون منها الدرر سابقاً ؟ شتگولين نبقى بالدرر لو المكان صار ما يوسعنا ؟ ...... (طبعاً هذا حوار بيني و بين صديقتي ^__^ )
٢١ _ لا هذا السؤال ترك و اعتبرية فُسحة تجرين بيها نفس حتى نكمل المشوار ^__^
٢٢ _ كملنه ... شنو رأيچ بهاي الرحلة ؟ خو چانت سريعة و خفيفة مثل دمي العسل مو صحيح ؟ ^__^ ... صدگ بنهاية الموضوع تمنيلي اُمنية من كل گلبچ ^_*
تحياتي الچ نجمة الجماهير
و تحياتي لزنوبة على الاستضافة الرائعة
الي جرت بيناتكم بوكتهة جنت حديث العهد و
الجو حار والقاط الاسود يمتص الحرارة فما
حبيت البسه
هذا السمايل بصمتك الافتراضية تجيدين وضعه بأماكن الكلمات المناسبة