هنا

[مرتضى علي]

قصيدة : منين ألاگيك
للشاعر : علي عبود العبودي
الرادود : علي الفرطوسي

فيديو




كلمات القصيدة

منين ألاگيك .. ملگه ما بيك
وينه صدرك من گفاك ؟!
آنه گدامك ؟ وراك !!
منين ألاگيك
------------------------------
الدنيا ظلمة و ما عرفت منين اجيك
اتّبعت خطواتك و دلّني بيك
خطوة خطوة من الخيم جابنّي ليك
هنانه چنك يا علي استخدمت اديك

ماشي منا .. و زاحف هنا
واگف و طايح شجاك
آنه گدامك ؟ وراك !!
------------------------------
من الظهر ليهسّه احسّ بروحي نار
آنه ما متعلمة اعوفك نص نهار
يمته لحَّگ ينترس لونك سمار
يبني نايم عالرمل ما عدنه دار !

عدمن تنام .. مامش خيام
بهيمة نايم يالملاك
آنه گدامك ؟ وراك !!
------------------------------
خاف الچمك يا علي بدلّالي خوف
ساعة و آنه بجثّتك ألزم و اعوف
ما أحضنك يبني راح اگضيهه شوف
وابقه بس افتر على اكتارك واطوف

خلّك بعيد .. كل شي ما اريد
واكتفي بشمة هواك
آنه گدامك ؟ وراك !!
------------------------------
بين راسك و الجسد ما ظلّي راي
أعتنيلك راسك يعاين وراي
أمشي عنك نحرك يصيّح تعاي
ثنينكم چنكم تدورون اعله ماي

احتارت الروح .. إلمن تروح
هذا راسك و انت ذاك
آنه گدامك ؟ وراك !!
------------------------------
جيتك بلهفة أسير بگلبه نوح
فكّو من ايده الحبل گالوله روح
من كثر ما تاكل بگلبي الجروح
وي كل شهگة نفس تطلعلي روح

جروحك ثگال .. گوه تنشال
تعّبن گلبي وغلاك
آنه گدامك ؟ وراك !!
------------------------------
كون تطلع روحي و بجثتك تفوت
حتى اعيش احساسك و بعدين اموت
وارد ادورك بلكت الله الگالي صوت
ما أريدن يخلص وداعك سكوت

بداعة رباي .. سولف وياي
و الله مشتاگة لصداك
آنه گدامك ؟ وراك !!
------------------------------

mp3




لتحميل mp3 .. إضغط هنا

[Suzana]

شكرا جزيلا مرتضى

[مرتضى علي]

الشكر لله ..
و شكرا لمرورك ست سوزان ^_^

[عازف]

مأجور اخي مرتضى

[مرتضى علي]

مأجور اخي مرتضى

تسلم أخي الطيب ^_^
نورتني فــــــــشكرا

[هيلــه]

شكراً مرتضى

[مرتضى علي]

شكراً مرتضى

الشكر لله ^_^
و شكرا لمرورك فبرونيا