هنا

[فقار الكرخي]

سار الظعن والمــــــــوت ويانة يسري
لرض العراق امشيت ودموعي تجري

هاي الارض يحســــين لجمت دليلي
خـــــبرني عنها بساع بــــرد غليلي
تربتها يلـــــــوفاي ريـــــحة كفيلي
كلما اشم الكاع يخنكــــــني صدري

يحســـين هـــاي الكاع يرويها دمك
كل الشبيبة اتطيح ياخـــــــوية يمك
عن الطفوف اسرار كــــالــتلي امك
ياخوية هاي الــكاع تسلبلي خدري

ياكــــــربلاء ظــيوف عندج دخلنة
وبهيبـت اهــــل البيت بلطف نزلنة
ياكــــــــــــربلة هيهات واحد يذلنة
وبهل ترب يحسين حفرولي كبري

خــــــطار اجينة الــــــيوم للغاظرية
نصــــبو الخيام يصيح ابن الزجية
نستوطن احـــنة اهنا هاي المسية
وبخدمتج عـــــباس ياخيتي امري

كلما اديـــــــــر العين ونظر زلمهم
ياخوية هــاي الكوم باعت ذممهم
والخـــــانو الكــــــرار لتئمن الهم
اندب وصيح بصوت خاين يدهري

هاي البشر يحسين همة الدعونة
كالولك احنة انصار وستوحدونة
عكبك يراعي الزود بلنار اجونة
وية الهواشم ريت كطعولي نحري




منقول

[سمراء من قوم عيسى]

شكرا ع النقل

[فقار الكرخي]

منورة .