يابوية خالي البيت ، شعر حسيني
حرموني نوم اليل اهلي بسفرهم
وتنــطر اعلة الباب يرجع خبرهم
راح الظـــعن والعين ظلت تتـاني
طفلة وجسم نــحلان اة يازمــاني
يابوية خالي البيت مـــحد اجاني
والـــفارك الـــخلان لازم يمرهم
اصرخ يبوية الخوف سيطر علية
اتنطرك علباب صـــــــبح ومسية
والغــالي يمتة يــــعود للهاشمية
وتنطر الاخبار يرجــــــع ظعنهم
دمعاتي تلهب نار وانـي العـــــليلة
لو راحو الوليان يـاهو اشـتـــكيلة
يابوية لية اتــعود ويـــــة العقيلة
طارش يصل ياريت وقبل عذرهم
مشتاكة ياهـــــل ناس وحسب ليالي
غير المصايب ليش ماكو اعلة بالي
فاركت ابو السجاد وغلى الـــغوالي
وسط الكلب ياناس يسعر جـــمرهم
لويوصل المرســـــال لخـــتي رقية
كلبي عليها يلوع يـــــهل الحـــمية
كلولي فوك الـــنوك راحـــت سبية
وليانج اعـــلة الكــاع ظلت جثثهم
اتمنئ لو بلسيف كطعولي نحري
اتمنى لو بلخيل داسولي صدري
بس يرجع المظلوم افديلة عمري
وهلي المشو لبعيد ياهو الغدرهم
حيدر الكعبي
رد مع اقتباس