هنا

[ღ عِشق ღ]

ياگـلب وين الحبايب عني ماشين
ليش من ايمر ذكرهم تدمع العين

سافروا عني وجفوني
وذبل اجفوني السهر
والله تخنگـني عبرتي
من اگلب بالصور
الما مفارگ غالي انصحه
لايسولف ع السفر
اعيوني مشبوحه الـدربهم
وانتظر منهم خبر

اصرخ وبس الصدى
ترجعه الحياطين
ليش من ايمر ذكرهم
تدمع العين

ليش من ايمر ذكرهم
​ تدمع العين

ويازمن بلله اعله كيفك
توني نومت الجرح
تدري من كثر الانتظاري
گمـت كل ساعة انذبح
ياحمام الدنيه وينك
ماشفت وجه الصبح
ع الرمح ماريد اسولف
اشگـد اكرهنـه الرمح

لان باچر راح يرفع
راس الحسين
ليش من ايمر ذكرهم
تدمع العين

ليش من ايمر ذكرهم
​ تدمع العين

بـاهته النسمات احسها
الـما تمر ابـ ريتـه
حبـه شاطي وروحي نورس
حطت ابصف گبتـه
ام البنين وولدها حسين
دوم ابخدمته
كـشخة العباس حلوة
من يعلـگ رايته

الخوه باچر من تشح
ينطيها چـفين
ليش من ايمر ذكرهم
تدمع العين

ليش من ايمر ذكرهم
​ تدمع العين

انه لجل حسين ابني
كبرت خوش اربعه
ادري بالعباس نشمي
ماتطيحه المشرعه
كبـرياء الماي ذلـه
وعهده بالدم وقعه
نهر چـان ابـزوده يمشي
وابوفاضل ضيعه

وينهه المثلي صحت
عدها گـمر وين
ليش من ايمر
ذكرهم تدمع العين

ليش من ايمر ذكرهم
​ تدمع العين

ياگـلب وين الحبايب عني ماشين
ليش من ايمر ذكرهم تدمع العين


كلمات الشاعر ~ تحسين الخفاجي
اداء الرادود ~ حسين فيصل


تدوٌينـہ الكـلماتہ # زهـرآء آلعبيـدي


لتحميل القصيدة mp3 صوتي """اضغط هنا"""


مشاهدة فيديوو



منتديات درر العراق

[Suzana]

تسلمين زهراء

[ღ عِشق ღ]

تسلمين زهراء

نــورتي عـزيـزتـي Suzana
❤

[قـَســم ✞]

شكراً زهوره

[ღ عِشق ღ]

شكراً زهوره

نورتي وردة مـلاک

[هيلــه]

شكراً زهرائي

[ღ عِشق ღ]

شكراً زهرائي

نورتي غلا فبرونيا ❤