للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي
____________
عاشـگ حسيني گـبل لا يخلقوني
وآنه طين وع الخيم صبن عيوني
آنه جيت من المهد واضح جنوني
امن ابچي ابـصورة حسين ايسكتوني
يعشـگ العباس نوحي
وتحسب الحوراء ونيني
انته حر اختار دينك
وآنـه راس حسين ديني
خل يـخسف ضـلعي چفـي
الك دينك والي طفي
____________
للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي
____________
مو لجل مال وبنون من ادعي ربي
ادعي يرزقني حوافر ترض صدري
مدة القدرِ لحد طلعة الفجرِ
ومدةَ اجنوني لحد طلعت المهدي
الناس تتمنه المعالي
ودها تصعد للثريه
وآنـه اول امنياتي
اتراب تسحگـني رقيه
وتمطر اسياط اعله چـتفي
الك دينك والي طفي
____________
للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي
____________
آنه لا عربي ولا عجمي الهويه
آنه جنسيتي قصيده منبريه
تابعوا اصلي ولگـوا بالغاضريه
عبد من ظهر السلاله العابسيه
اسياط ودموع ويتامه
مو دمه تنزف جروحي
جدي عابس شـگ قميصه
وآنه اشـگ لـحسين روحي
ويترس التاريخ نزفي
الك دينك والي طفي
____________
للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي
____________
آنـه عمري اكبر بعد مـوهذا عمري
ومنـولد بالواحد وسـتين هجري
كافي لاتسألني وين امخلي عقلي
عقلي زنجيل الأدك بيه اعله ظهري
من ارتل آيات حبي
اشعر من الـگـاع طاير
ومن تضيع الگـاها روحي
وي الحمام اعله المناير
العشـگ فاضحني شأخفي
الك دينك والي طفي
____________
للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي
____________
كلبي ماكو ابصدري لمن دوريته
والله مدري ابـ يا حسينية نسيته
ابـحب الحسين آنه كلش جننيته
وهاجراله وما يرد لضلوعي ريته
ركز وتلگـاني خيمه
واضح ابطولي سوادي
وخولي بالعاشر حرگـني
قرب و اشتم رمادي
اتركني أوچ ابناري واطفي
الك دينك وإلي طفي
____________
للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي
____________
كلمات الشاعر المبدع - علي عويز الشويلي
اداء الرادود - عمار الكناني
___________
كـتـابة ~ زهراء العبيدي
Video
لتحميل القصيدة صوتي mp3 ""اضغط هنا""
للذي ابنحره اشتراني .. اضعف الإيمان دمعي
رد مع اقتباس
المشاركة الأصلية كتبت بواسطة Suzana
