ما انساك ابد حالف لحد الموت
انت اول حبيب إلعرف عنواني
ما اكلك اكرهك بالعكس حبيت
يل طبعك عسل مجنون خلاني
بس طبعي وكلمتي ما تصير اثنين
وتدري انت الزمان شلون اذاني
وحظي اني عرفتة ما نصف وياي
ما جابك الية في وقت ثاني
ما مقسوم احبك وابتدي وياك
بس مكتوب دوم بحبك اعاني
ما اكلك انساني بس اكلك روح
وياك الوكت محتار خلاني
اعتب عالزمان الما جمعني وياك
وبدرب السراب شلون مشاني
بعد كل البنيتة وبية ما ضل حيل
اجة بلحظة الزمان وهدم بنياني
لا صاحب تركتة ولا حبيب وياي
وعلى صفحة حزن خطيت عنواني
الف مبروك اكلك من كلب ولسان
مو كلمة واجتني بطارف لساني
والف مليون احبك وعمري ما انساك
وانت براحتك لو ردت تنساني —
رد مع اقتباس
