هنا

[ارجع يازمان]

))االمستهل((

لمن صال الاكبر
ارتج المعسكر

مدري اشظنت الناس
حيدر مدري عباس

صاحوا الله يستر
لمن صال الاكبر

))::::::((

يشبه رسول الباري خلقه واخلاق
راد الشهاده وشوكه شوك العشاق
هذا اشتياقه ومن يرد المشتاق
كلهم اقزام وهو وحده العملاق

الأكبر كَبر بيهم
زلزال وطك اعليهم

خله الموت امحضر
لمن صال الاكبر


:::::

لا ميمنه اولا مسيره الخلاها
مسطفه غاد ابصولته وطشاها
هيهات منا الذله من كالاها
ضرباته هنه الترجمن معناها

ابن احسين النبراس
ماشي ابزود العباس

وحسين ايتبشر
لمن صال الاكبر

:::::

بكر ابن غانم ينعد امن الشجعان
يطلب امبارز للاجاهم عطشان!
حسين ضلت عينه بس عالميدان
كلها يليله الابنج ادعي الرحمن

لا بمصابه ايأذينه
كون ايرد سالم لينه

جندل فرسان الشر
لمن صال الاكبر

::::::

جاب النصر وعلومه تحجيله ابهاي
وتلكته امه اتكله شمعة دنياي
لكن علي ابجائزته يطلب بلماي
راد امن ابوه ويرجع ابنفس الراي

حجيك كلش أذاني
جدك يوليدي ايتاني

هسه ابماي الكوثر
لمن صال الاكبر
:

حسين االساعدي

[سمراء من قوم عيسى]

احسنت النشر

[فقار الكرخي]

بارك الله بيك

[هيثم الغراوي]

قصيده جميله
شكرا