مثل الاسد لو صال ، شعر شعبي حسيني
للخيمة طــب حسين شاف ام الاكبر
تدعـــي ودمــعها ادموم علخد تناثر
يالـــيلة ابـــنج ليث مـــــحد يصدة
سبعين الف هل كوم طالعلة وحدة
وبــركبة الظــــلام ســـيفة يـــحدة
ابنــج يليلة اليوم علــحومة سيطر
سيطر على الميدان طشر زلمهم
مثل الاسد لو صال شتت عزمهم
بجدامة ليث الكون ساحك علمهم
شب بالحرب نيران ابنج غضنفر
يوليدي هـــاي الكوم نكرت نسبنة
شهرت علينة سيوف رادت ركبنة
ماردنة احنة تقوم هاذي حـــربنة
يوليدي ذولة انذال منـــهم تحذر
سبعين الف ملعون شــاهر حسامة
يلاكبر اعلة اعـداك قـــوم القيامة
راوي العساكر سيف ولد الشهامة
حمزة الطلع للكوم لــو هـــذا حيدر
محتارة هـــــاي الــكوم يــاهو اليقاتل
منهو الي حز الروس جنة ابو فاضل
موت اوعله الفرسان بلحومه نـــازل
يطلبكم ابـــــثارات ظـــــلعي التــكسر
دارو على ابن حسين ولد الدعية
ياليلة ابـــــنج طــاح فوك الوطية
شــاب اووكـــع مجتول بلغاظرية
ياوسفة علـــــتربان جسمة توذر
منقول
رد مع اقتباس
