اتغزل بعيونك
ردت اكتب قصيده وبيهه اوصفك كون
وردت مـن القصيده اتسولف بكونك
كظيت القلم واعليـه اسولف بيك
وكتله اكتب احبك مويحبونك
غافلني القلم تدري شطلع مكتـــوب
مـاكاتب احبـك كاتب عيونك
.................
اعيونك لواعيونك ذني الله اعليك
لافــدوه صدك خافنهن اعيونك
يمعودجريمه اعليك هيج عيون
وصوره اتظــل خيال ومايكتبونك
تدري اجمل قصيده اعله المنصه تصير
والاجمل بعد بعيونـي يقرونك
يارقة الماي اعله الورد لوطاح
بوكه تبوك لـونه وينحسب لونك
ياومضة خيال وفلسفة طاغور
ياليلة زمانك وانــه مجنونك
ساحرني وعلي وماريد اكلك غير
(خيعونك عليك وبيك خيعــونك)
اتشخبط شخبطاني استغفرالله وراح
حط كـل العسل بشفاف ماعونك
شلونك لاتكلي شلوني مامش لون
ولاتعطف عليــه بجلمة شلونك
اذابيهامجال شويه صير اهناه
واوكف عالحقيقة وشوف مسجـونـك
يمعود كطعنــي العطش وانت الماي
وانت العافيه بوجه اليشربونك
بعيوني شكثر شايف كبل حلوين
كلهم من اقـارن مايلحكونك
احطهم بالسره ويتغالبون اوياك
واطيهم مجال ومايغلبونك
تتشابه الناس اوانت مدري منين
واحــد مالكيـــت من اليشبهونك
يوصفونك حلو وبالعين من شافوك
شيره اعلـه العسل كامو يحطونك
رد مع اقتباس
