الحمد لله باقي بسنيني عمر
أحسب أيام لمحرم وأنتظر
ما أريد الدنيا هايه ردت عاشورك يهل
ياجبير ابلا منازع ... يالعرفتك من يهل
يابخيت الدمع عينه الخاطر مصابك يهل
لو دمع عينك طاح وتذكر الطف
باجر هناك تشوف نص الحمل خف
ربك ... يقدر دمعتك بالعزاء
يصيح دخلو عبدي جنة كربلاء
جنة حسين العمر ... الحمدُ لله والشكر
شمحله عمرك لو تخلصه بالمجالس والحرم
وتبجي من تسمع مخيم محترك فوك الحرم
ياحلال الله يعشگي .. يالعشگ غيرك حرم
ما أريد أوصفك ماي خاف الجم متون
أنتَ أهم من الشوف عد هاي العيون
شلي بعيوني إذا ماواستك
حسين خليني أضل بخدمتك
عمري خيمة ابلا جمر ... الحمدُ لله والشكر
هواي بيك من المحنه حسين يا أول وطن
يا أثر ربك ابا أرضه كلهن اليومك وطن
حسين أحلفك بالقراهن والبجه عليهن وطن
صاح عله زينب صوت بين نلطم الهام
من قرى بنص الخوف يا زينب الشام
من قرى زينب خذو منها گمر
نامت عيونك وعيني للسهر
كون أواسي البليسر .. الحمدُ لله والشكر
عايش بخيرك حياتي ماردت غيرك هوى
فاز اليسمونه خادم والنسه حسينه هوى
سامع الآية الكريمة في ذوي القربى هو
مختصر بالقرآن شفت الإمامة
أنتَ الأصل يحسين والطف علامة
غيري الحسين الأصل والمحتوى
المايعرفك هو والماكو سوى
بدرب الحسين استقر .. الحمدُ لله والشكر
يحسين يا دنيا محنه مجلسك لازم أمر
شهد بين الريج حبه لو حصل منه الأمر
شما عشت أبقى آنا خادم تحت تنفيذ الأمر
يحسين الف هنيال كلمن يخدمك
وبدفتر الخدام ... صار اسمه يمك
دفتر الخدمة إذا أسمي أنذكر
الف هنيالي عشت هذا الفخر
بخدمتك كون أستمر ... الحمدُ لله والشكر
رد مع اقتباس
