طال الغياب ..من الله وعدي منتظر
عايش عذاب.. وبغربه قضّيته العمر
حسره بإثر حسره
وعدي الي انتظره
------------------
أنه الامام المنتظر يا شيعة المهدي
ادعي لربي بالفرج ويعجل لوعدي
عمي بو فاضل رايته ترفرف على يدّي
واطلب بثار المنذبح بطف كربله جدي
ويلي انگطع نحره
ودمه على الغبره
--------------------
انه الغريب بلا وطن بغربة اعيش سنين
يا شيعة گوموا لنصرتي وعدي ارتقب هالحين
نحر الحسين بكربله ينشد يمهدي وين
وعدك يغايب تنتظر وثارك ينادي سنين
طال الوعد امره
من الله ننتظره
--------------------
كم راية تنشدني العجل من كربله للثار
بعيني المخيم يحترگ وخيامه تلهب نار
يذكرني بمصاب الضلع ونار التشب بالدار
ما انسى ضلع الي انهشم والعصره والبسماره
هجموا على الزهره
وضلع الورد كسره
----------------------
كم صورة تلزم دمعتي وتهيج الآلام
ابكي الگمر يم النهر وبصدره صابه سهام
يمه يساره ويمنته وتبددت الاحلام
ابكي الخدر ستره انكشف من كربله للشام
حجاب الله وستره
للطاغي متيسره
------------------------
رد مع اقتباس
المشاركة الأصلية كتبت بواسطة فقار الكرخي
