ياشهر عاشور اقرحت الجفون
واسبلت فوك الوجن دمع العيون
ننعاك طول الدهر
ذكراك طول دهر
يالـ ابحزنك وشحت كل الشهور
نهر دمعك زاخر ابكل العصور
يا الم ماطاب يجرح كل شعور
من مصابك كلي ياجرح اليهون
ننعاك .. طول الدهر
ذكراك .. طول الدهر
.....................
يامصيبة اتهون يا لوعه وألم !
وانته حته الطفل منك ماسلم
صرح دين الله الكبل عالي انهدم
لا هله ابملكاك ياشهر الشجون
ننعاك .. طول الدهر
ذكراك .. طول الدهر
....................
لاتظن تلتام لو تبره الجروح
على حسين اكلوب ما زالت تنوح
حته لو دنيانه تنزال وتروح
مايزول العشك والحب والجنون
ننعاك .. طول الدهر
ذكراك .. طول الدهر
........................
ياعاشور مايطفي الدمع
جمره ال بنص الكلب تلسع لسع
كسروا من حسين تدري اشجم ضلع
وبلطف يدعيلهم كلبه الحنون
ننعاك .. طول الدهر
ذكراك .. طول الدهر
...........................
اهلال حزنك بعد ما يطلع عسه
ذكرياتك منهه ياشيعي النسه ؟
ننسه حرك الخيم لو سبي النسه
لوشنم حيدر علي وضرب المتون
ننعاك .. طول الدهر
ذكراك .. طول الدهر
............................
ع الصدور الخيل مازالت تدوس
لإن حب حسين متّملك النفوس
مايكفي اللطم لو طبر الرؤوس
سهل كطع النفَس لاكطع الظنون
ننعاك .. طول الدهر
ذكراك .. طول الدهر
.........................
ماكطعنه الظن من حسين الذبيح
والمثلث جم كلب منه جريح
نظل يامظلوم ياضامي نصيح
لمن راعي الثار واصحابه يجون
...........................
كلمات الشاعر - السيد سعيد الصافي الرميثي
اداء الحاج باسم الكربلائي - ليلة 2 محرم 1440
.........................
Zahraa Al obaidi
رد مع اقتباس
المشاركة الأصلية كتبت بواسطة Rose peace
