عباس وفه لخوته وباع النفس لحسينه ، شعر حسيني
عباس وفه لخوته وباع النفس لحسينه
ضحى لجل سبط النبي وعن عرضه وعن دينه
ماشرب ماي من لنهر جاب الماي لسكينه
يانفس كاللها اصبري لكاس النبي ومعينه
وياحيف كطعو يمنته ويسرته وطفو عينه
شال اللوى بصدره الكمر وطر الجمع صوبينه
والعمد منطر هامته وسال الدمى اعلا اجبينه
وسط العدى طاح الكمر وصاح بصوت لحسينه
ماكال جلمة يااخي طول العمر وسنينه
كالاها من حس بالاجل وعدوانه محيطينه
احتاج اخوه بهل الامر يودعه ويسكن انينه
احسين اجاه محني الظهر وحط راس اخوه بحظينه
حاجاه ودموعه تهل عباس ياوالينه
لاتمشي عنا وترتحل وسط العدى تخلينه
عكبك وحيد انا اظل ياحامي الظعينه
هسى شمت بينا العدو والحيله قلت بينه
جنت انت سوري والسند وعكبك صدك ذلينه
م
رد مع اقتباس
