يا حسين
الهسه طافح بينه خيرك
گطعوك
و لملمت دنيا بضميرك
احمد العبيدي
*******
يحسين استحي اتعناك
احس بروحي مامضلوم
عقيل العرد
*****
لجمنه أجروحنه بعاشور
كلمن يبجي لحسينه
عامر عاصي
******
يحسين
بيه حچي ما ينحچي لغيرك
لو ما اشوفك
وطن چا ماصرت طيرك
- عقيل العرد
.
*******
يا حسين انته حنين انته منهلنه
وحنه فقره ودوم نهوه البي محنه
انته بأجر
والخلك كلهه أمس
انته رب الصوت
والوادم همس
عيني مشدوده اعله دربك
ليل اليتانون مو ليلة عرس
وياك أخذني روحي ما بيهه صبح
وياك أخذني راسي يبجي اعله الرمح
وياك أخذني لا يشدني
مغازل اعيونك وعبدك ونفضح
حيدر_الحمداني
*******
حسين علمني المواقف ماتموت
وكلي تعله شما تدوس جراحك
وكلي صفه ولا تعلمه اعله الرفيف
شما تصف ينهاب طوله جناحك
وكلي طيح الرمح يكتل من يطيح
كبال شامت لاتكض صفاحك
سيد غزوان الغالبي
******
الحسين !!
من عرشك لحد حسين
جان حسين ينزف طف!
وجانت عينك من اتطوف كل ركضة رمح توگف!
تشبه يانهر مذبوح؟
شومابيك موقف جف؟
مناراتك ولا تنلاح
جنهن راسك العالي
ومنكد الغلات البيك يرخص يمّك الغالي!
وسام سباهي
*****
ياحبيبي ياحسين
يالموتك
خلاص من الظلم والحيف
وكبرك باب كعبه وكبتك مصحف
يبن ذاك المغيث .الغوث أجيت أنخاك
أريدك بالشديده وياي تتلطف
عريان_السيد_خلف
******
زنجيل ألاثم ملفوف ع الگاع
أشتركنه إبدمك أفراد وقبائل
كل أحنه أشتركنه بيوم عاشور
مو بس الشمر يحسين قاتل
صلينه وره مسلم صلاتين
والباقين ظلوا بالمنازل
أذا جتك رسايل منه يحسين
بعد يحسين لتصدك الرسايل
هذا ال بالفرات اليجري مو ماي
عرگ من گصة التاريخ نازل
كاظم الكاطع
*******
ياحسين
المايشوفك عينه تارسها الرخيص
انته درب العافيه
ماي طولك والخلك بزر التراب
وكلها عكبك غافيه
ناصر البدري
********
لِم أجد أشمخ منك
وأنتَ تدوس صدرك الخيول
- مظفر
ياحسين
رد مع اقتباس
