زينب لو مو زينب هايه؟_حسين الساعدي
زينب لو مو زينب هايه؟
حسين الساعدي
؛؛؛؛
شو تمشي وتتعثر__شو تعبانه اهواي
بيها اوصاف الحيدر_ياهو ايكول اوياي
زينب
لو مو زينب هايه
اشلون
انترست ضيم اهوايه
لا عباس الازهر_مارد من الماي
شو تمشي وتتعثر
شو تعبانه اهواي
::::::::::
بين البارحه واليوم كومه اسنين
ينعدن عليها وزادن السبعين
محصوره المسافه وتنشبر بالعين
من عباس تتراكض لخوها احسين
جم خطوه
اتعدها المشايه
اشلون انترست شيب اهوايه
شو تمشي وتتعثر_ شو تعبانه اهواي
::::::::
ما اصدك عقيلة حيدر الضرغام
هيج اتسوي بيها عملت الايام
مسبيه ومشت من كربله لشام
تشكف بالسياط ولمت الايتام
خل نسئل
عباس ابهايه
ليش انترست شيب اهوايه
شو تمشي وتتعثر- شو تعبانه اهواي
::::::
شنهي الخله زينب هيجي حزنانه
بحر الجود اخوها وهيه عطشانه
جا وينه الكفالها ولاكه عدوانه
خافن طاح اخوها وضلت اهنانه
والجفين
ابصف الرايه
اشلون انترست شيب اهوايه
شو تمشي وتتعثر- شو تعبانه اهواي
::::::::::::
هيج احزان ماظن تجي ابليله ويوم
ياهو الشافته ابولية هذيج الكوم
لو شافت شمر حز ركبة المظلوم
والخيل التدوس ابجثه المعصوم
والجثه
اهناك امدمايه
اشلون انترست شيب اهوايه
شو تمشي وتتعثر- شو تعبانه اهواي
:::::::::::::
مهمومه العقيله وحايره ابهمها
محتاره ابيتامه ولازم اتلمها
دمعات اليسر ماتكدر اتظمها
لا حيدر حضرها ولا اجتها امها
يازهره
وبنتج وفايه
اشلون انترست شيب اهوايه
شو تمشي وتتعثر- شو تعبانه اهواي
حسين االساعدي
رد مع اقتباس
المشاركة الأصلية كتبت بواسطة عــــلووش الـــقــــيـصـر
