.
في ليلة الحادي عشر عندما جائت السيده زينب إلى الحسين هيه التي تروي قصتها
هو گلي ياهي انتي
وانه گتله ياهو انته
من لمسته
صاح زينب
وسمعت صوته وعرفته
.........
إمـــيل بالحــجر والليـــل دامس
اضمني روحي من يتعده حارس
هيـــه شمــالهه مشيــبه النوارس
مـــن ذبحـــوك شافتــــك ترافس
هوه گلــي خويه روحي
وآنه گتله ويـــن اروح
انته وينك
صاح يمچ
بس جسد مابيه روح
..........
خلصــت الحــجر منك شمرته
وطلع بس النحـر هم ماعرفته
گتله حسين سولف ياهـو انت
صوتك ناصي خويه ماسمعته
گلي انتـي گتله انه
گلي زينب گتله انه
ها عرفتي
گتله خويه
رگضت الوادم ورانه
..........
الـــف نبــله لگيت بجسمك تنام
وانته تگلي خو ماتبچي الأيتام
اگللك احتـــرگت بينه الخـــيام
بس لا محـــترگ طلعتي جسام
اي سحبته وگلي عمه
نـــار گــتله گــلي عمه
كتله احچي
گال شحچي
وبالخيام الناس لمه
.............
أنتــــول بالرمــــح وتـــــگلي خليّ
اريده بگبري حتى ال (الله) اوديّ
بــــس عنــــدي سـهم دربالچ أعليّ
يــــازيـــنب أريـــده ولا تگـــــعديّ
گتله خويه گلي اسمچ
گتله حرگو گلي خدرچ
ياهو النه
گلي الله
خويه اصبري وسلم امرچ
.........
اشـــيلن ياكتر يالصــاير أوصال
هينه اوصالي بس گليلي العيال
اگــله ويــاك راح الگــلب والـبال
وهو يگلي زينب خشنه الاحـبال
تدري بينه من ولونه
كتلي ادري من اجونه
گـــلي كافي
كلشي ادري
خويه ادري فرهدونه
محمدالابراهيمي
رد مع اقتباس
