چذبه ماي
حزن غيمه
ونجمه ابلايه لـــيل اچتاف
وسكينه تعاين الـــيشرب !
وهوانه يطگ خيمهم حيل
وزينب للحزن تلتاف
ونجمه ابلايه ليل اچتاف
و ابو فاضل نهر ممدود
بس اللي يعرف الله يجي يغسل
حته بنومته مهيوب هم ينخاف
ونجمه ابلايه ليل اچتاف!
وراس حسين من يهتز يخوف الـــگاع
نركض حيل ما بينه
وخناجر ع الـــرمل تنعاف
ونجمه ابلايه ليل اچتاف!
و گمر لـــيله سطح وجهه بعبايتهن !
عود احنه بشواربنه زلم وانخاف
ونجمه ابلايه ليل اچتاف
ومشو حفاي
واحنه ولا گلـــب بينه يرف الهم !
سوط وللمتن قصه
احبال احبال طافتهم !
وسوينه المتن گمره
حته العاين من بعيد
بسرعه يشوف ضربتهم !
خفنه الله
ياهو الـــگال عبدالله طفل شفاف
اهو زلـــمه
ونجمه ابلايه ليل اچتاف!
واحنه تبيد رجلـــينه كفرنه اهواي
واحد صاح من بعيد
ابو فاضل طلع عايش
چذب يا ماي
فاطمه الصالحي
رد مع اقتباس
