شعر شعبي حسيني ، عباس من اطگ بركان
نزلة ..العباس عليه السلام
....
ماظلت زلمهم عباس اوصلهم
....
أنا الكافل انا العاجل
طبيت واريدنكم تلاكوني
أنا البرزخ يصور نفخ
ناديت بجثثكم روح تنطوني
ادخل للحرب زعلان
عباس من اطگ بركان
اهز الكون
مشتق الرگبهم عباس اوصلهم
....
يباب الطف أريد اكلف
أريد اقلع سمه وبيهم اخليها
أنا الأكثر ابن كوثر
جهنم بزلم حيرانه اخليها
ارعب من هزيزي الكون
درب لشرده مايلكون
اجيهم موت
لوشعلو حربهم عباس اوصلهم
.....
أنا الباقي انا الساقي
خليت النفس بصدورهم حسره
مثل حيدر ارد خيبر
ماقلع ابد لا قررت كسره
ادخل رعب للافكار
بطاريي الزلم تحتار
انا العباس
الاگطع نسبهم عباس اوصلهم
....
ينار اعلي تعاي املي
اريد احفر كبر ودفنهم بحفره
اطشرهم. اجمعهم
ترى السبعين الف يم سيفي كلها اسره
بالحومه من اطب زلزال
بالكومه احط الافعال
انا المغوار
والموت الكتبهم عباس اوصلهم
....
جمر ناري والي ثاري
اريدن زينب بعباس تتباها
اخو الكلفه صدك وفه
العساكر من اجت بالخزره رداها
انا اراعي العلم والماي
من شمس الله اجيب فياي
أنا الراهب
خل يظهر غضبهم عباس اوصلهم
....
الشاعر علي السعيدي
رد مع اقتباس
