أنه…بگبر…حسبالي انظم
واموت…گبل…هلة محرم
داعيلي جم نور…حته احيي عاشور..انه
عندي…شعندي…هو انه روحي مو ملك روحي
يخلص…ينقص…عمري اذا بطلت من نوحي
اشعر…تنشر…بيه الملائك ثوب مذبوحي
حزني…ووني…كلش احبهن هنه وجروحي
جرح…جرح…احسب وتاني
وصدگ…عشت…وعاشور اجاني
داعيلي جم نور…حته احيي عاشور…أنه
_______
مدري…لعمري…ياهو الدعالي وطول سنيني
ويدري…بصدري…جمرة خيام حسين تچويني
بدربه…وحبه…اتمرض بلا عزه يدريني
سنيني.حسيني…اذا مرضت فهو يشفيني
الحسين…احس…داعيلي گلبه
السنه…اعيش…وي اخته غربه
داعيلي جم نور…حته احيي عاشور
_____
الخادم…هايم…واتعرفه من الدمعه البعينه
باله…حاله…مخبوص بيش ايجازي ابو سكينه
نعمه…ونعمه…كون بمحرم من بواچينه
لشهره…بعبره…داعيلنه المگطوعه چفينه
الگمر…دعه…بلا چف دعاءه
نجي…بدموع…نحيي عزاءه
داعيلي جم نور…حته احيي عاشور…انه
_________
الحافر…حافر…بيه جرح بتراب ماينسد
عللي…مخلي…بگلوب ناسه جمره ماتبرد
ذاكه…هناكه…البي اثر حافر منطبع عالخد
لنحره…الزهره…خلتني اعيش والبس الاسود
بدمه…النحر…الزهراء سبيه
واهي…بسبي…وتدعي اليه
داعيلي چم نور…حته احيي عاشور…انه
______
هيه…الدنيه…ماتنضمن والموته تاليهه
لاجن…صافن…جه بالعزه اويه الزهره گاضيهه
بروحي…يوحي...عزريل كل ليله ويمر بيهه
الظاهر…زينب…هم داعيتلي انحب اعليهه
احس…خدر…لسنيني يدعي
يريد…اظل…واعلييه انّعي
داعيلي جم نور…حته احيي عاشور…انه
_______
ظني…بذني…هل چم دعاء اكبر سبب عندي
اعليهن…بيهن…سبحانه خله دمعتي بخدي
امحرم…اعظم…من كل شهر مابي حزن يحدي
ووضعي…ودمعي…مايصل ذره لحالة المهدي
اخير…امام…اول بالاحزان
واهو…شيگول…وحسينه عريان
داعيلي جم نور…حته احيي عاشور…انه
حيدر سامي السعدي
رد مع اقتباس
