ذوله أصحاب الحسين_الشاعر حسين الساعدي
لطميه لاصحاب الامام الحسين ع
؛؛؛؛؛
عشاك ومجانيين
ذوله أصحاب الحسين
ماكلوله
وحدك روح
اتبادلوا
روح ابروح
وين ابيا وكت وين
ذوله اصحاب الحسين
::::::
واحدهم فلا ينقاس
من اتعده بهوايه
ماخذ غيرة العباس
لمن يلزم الرايه
اصحاب الحسين احساس
عاشك روحه وفايه
ما منهم
بعد
أصحاب
طاري وبالفخر ينجاب
ضئ وعاشك العين
ذوله اصحاب الحسين
::::::::::::::
اتسابكوا روح ابروح
كلمن روحه متحضره
كالو كل عمرنه ايروح
فدوه المهجة الزهره
عشاك وتلم اجروح
كلمن هوس ابشعره
لبسوا
عالدروع
ارواح
مجروح ومشه الذباح
عشاك ومجانيين
ذوله اصحاب الحسين
:::::::
ما رادو الدنيا اليوم
هاي االدنيا رفضوها
لمن شافوا المعصوم
وحده اهناكَ كالوها
نفديك ونرد الكوم
للحومه وتعنوها
كلمن
صَيح
ابصوته
أموتلك الف موته
فرسان المياديين
ذوله اصحاب الحسين
:::::::
واحدهم يصيح ابصوت
لمن جدم العسكر
يحسين امهل النه انفوت
حتى اتشوف المكَدر
لازم كبلك احنه انموت
وافق يا ابن حيدر
شنهي
الدنيا
معناها
بعدك ما هويناها
شالوا رفعة الدين
ذوله اصحاب الحسين
:
حسين االساعدي
رد مع اقتباس
