بويه وياكم اخذوني_حسين الساعدي
بويه اوياكم اخذوني
غربه اولا تخلوني
هم
طفله
وعليله
وسفرتكم طويله!
الخاطر دمعة اعيوني
بويه اوياكم اخذوني
::::
باجر اعيوني اعله الدرب
اتنطر احباب الكلب
يابويه
لو ما خذتني
هذا الوداع اشكد صعب
عاتبتك ابدمعي اليصب
يابويه
شو ما صحتني!
عايفني ليش ابلا ذنب
ياطفله بديار الغرب!
يابويه
والمن عفتني!
بيمن
تلتهي
الروح
بس الونه والنوح
من
انتم
تودعوني
بويه اوياكم اخذوني
::::::
خافن يطَول هالسفر
واعيوني ما تحمل سهر
يابويه
وصعبه القضيه
خاف الشهر ويجر شهر
وانه انتظر منك خبر
يابويه
ومتمر عليه
يتسابكن مثل المطر
دمعاتي بظنون الخطر
يابويه
وبكل مسيه
تلكه
الطفل
ويه الاهل
مايبقه عايش عالامل
وانه
الوحدي
خلوني
بويه اوياكم اخذوني
:::::::
تكبر عليه المشكله
تدريني روحي امعلعله
يابويه
ابحاجتكم اني
أفدي عبد الله ابكربله
واتلكه نبلة حرمله
يابويه
اولا فاركاني
انه ابعمامي امدلله
العباس اروح امسائله
يابويه
شو ما خذاني!
يا هو الاشتكيله
باهموم العليله
طلفله
ومنخطف
لوني
بويه اوياكم اخذوني
::::
اتنطر اخبار التصح
وبكل خبر انه انجرح
يابويه
واسئل اشلونك!
كالولي ابوج امن الصبح
عطشان والمي مايصح
يابويه
وما يشربونك
من سولفوا طاري الذبح
حسبالي روحي التنذبح
يابويه
ومن يذبحونك
كالوا
الخيل
الداستك
يابويه رضو جثتك
بهذا
الخبر
ذبحوني
بويه اوياكم اخذوني
حسين االساعدي
رد مع اقتباس
