درر العراق

ارجع يازمان · 11/September/2018

اهلال الحزن لا هل علينه
رايح يسجب الدمعه الحزينه
مذبوح اويه مظلوم
يوم ايسلم اليوم
معصوم وطلع من المدينه
::
يهلال الحزن شو ماتهم بالصار
والحاله الفضيعه
ليش ابكربله ما تحفظ الاقمار
وحسين ورضيعه
عايف عالنهر هيبة علي الكرار
وجفوفه الكطيعه
زينب بالخيم لمن توج النار
وتضيك الوسيعه
ماتدري لحسين اتوجه الانظار
لو يم الشريعه!
تحتار ابيتامه وتندب الاطهار
بالفزعه السريعه
ممنوع الفرح وانكتبت الاخطار
هاي الكم يشيعه
ممنوع الفرح ونكتبت الاخطار__هاي الكم يشيعه
ما فكتنه
الهموم
يوم ايسلم اليوم
زادوا بالحقد ويه الضغينه
اهلال الحزن لا هل علينه
::::::
يهلال الاخو ماينشره وينباع
وماكو مثل اخوتي
ابمجلس يزيد اشلون اخوتي اسباع
ما ابقه ابسكوتي
احسين السفينه والكفيل اشراع
وبيهم كل ثبوتي
وياهم ذبيحه ودمي فوك الكاع
هسه اتمنى موتي
وين المرتضى وينه اليجي فزاع
شو ما همه صوتي
اشكد ابيوت اليه وهالزمن خداع
ونهجمت ابيوتي
بيتي
الليله
مهجوم
يوم ايسلم اليوم
ما ضل النه بيت ابهل ضعينه
اهلال الحزن لا هل علينه
::::
شبان انتخوا وبساحة االميدان
طشوها الرياحين
ركضو عالشهاده ابكشخة الاكفان
تربات الدواوين
القاسم والاكبر شمعة الشبان
واشبال الميامين
واجفوف ابو فاضل كفة الميزان
حق وناصر الدين
وابطال الصحابه وهيبة الفرسان
طاحو دون الحسين
انه ابعازتج وبهلت الاحزان
أه يا دمعة العين
صبي
ابهاي
الدموم
يوم ايسلم اليوم
ريتك يامحرم ما تجينه
اهلال الحزن لا هل علينه
حسين االساعدي