لتحميل القصيدة صوتي mp3 ""اضغط هنا""
الكلمات
___________________
ماظن يرد حيلي
بچاني دم ليلي
محتاجه تحچيلي
واحچيلك اشصار
...............
افترت يبن اخويه
الدنيه بينه
خلتنه نحتار
عينك والدمع
خلهن علينه
وتشوف الزغار
تحضنهم النار
شد ثاره اعله ايدك .. وبوريدك .. يمشي هالصوت
دمعه ابنص يتامه .. ابلا ملامه .. تخنگ الموت
بس الحزن بيه .. من تبعد اعليه .. ماگتلي مگضيه
واحچيلك اشصار .. واحچيلك اشصار
............
ماظن يرد حيلي
بچاني دم ليلي
محتاجه تحچيلي
واحچيلك اشصار
............
اگبال ادموعي راحوا
وادري بيهم
وعيوني تشتاگ
ما تحمل فراگ
من بالي ولا
يطلع حچيهم
بيه الوگت ضاگ
واحلامي تنباگ
خليني اعله بالك .. يالحلالك .. مسبي للشام
كلساعه اعله ديره .. ابلا عشيره .. بس الايتام
لون النظر رايح .. وينك يبو صالح .. سيف الهجر جارح
واحچيلك الصار .. واحيلك اشصار
.................
ماظن يرد حيلي
بچاني دم ليلي
محتاجه تحچيلي
واحچيلك اشصار
.................
انه اشچم عزيز
امودعه غالي
بالطف يموتون
وگبال العيون
راحوا كل اخوتي
وضل سؤالي
يازينب اشلون
لو مايردون
لو گلبي يرجف .. وايدي تنزف .. من الحبال
جروهه العبايه .. والسبايه .. اتعتهه الانذال
اچم طفله عطشانه .. تتمنه تلگانه .. لو بس تجي ويانه
واحچيلك اشصار .. واحچيلك اشصار
.................
ماظن يرد حيلي
بچاني دم ليلي
محتاجه تحچيلي
واحچيلك اشصار
................
كلمات الشاعر - ليث العيساوي
اداء والحان - مصطفى الربيعي
...............
تدوين - Zahraa_Al obaidi
رد مع اقتباس
المشاركة الأصلية كتبت بواسطة صفاء العامري
