هنا

[فقار الكرخي]

نار وسيوف وْعِدَا خليهه تلتم
يمي عباس الگمر وعيونه مهتم

اشما تدير اخيولهم كثره اوْتِطِش
ابعيني ماكو وصلو الطرف الرمش
العدهه كافل مثل أخويه تنتعش
ومايمرهه الخوف أبد ما ترتعش

سور ابن حامي الحمه حامي المخيم
يمي عباس الگمر وعيونه مهتم

لو دخل ميدان ترهب طَبّتَه
چنه حيدر والفرق بس جِرْبِتَه
وحده ما تتثنه تشطر ضَرْبِتَه
هَوّس الفقار لُمّه ابجيبِتَه

كافل ابنچ والأخت بيه اتّشَيّم
يمي عباس الگمر وعيونه مهتم

گام يزأر وارتجز بعيوني أشوف
بيده سيفه وگام يخبط بالألوف
كَسّر ارگاب وظهرهم والسيوف
ناده بحسين اوّوُگَف شال الچفوف

ها أبيده الطف أخَيّك بِيّه تعلم
يمي عباس الگمر وعيونه مهتم

حاصر السبعين ألف وبوحده چان
يمهم الخوف انوجد يمنه الأمان
گام يفتر شفته أخويه ابكل مكان
من يدور عالشمر ذاكه الجبان

راسه ضمه ومابرز يدريهه يندم
يمي عباس الگمر وعيونه مهتم

طَشّر الگوم وْهِدَمْ عرش الطغاة
واعتنه صوب النهر كِلّه ثبات
من وصل من شاربه جر الفرات
گله يم اخيامي هليله تبات

گله إنته للعقيله خادم إفهم
يمي عباس الگمر وعيونه مهتم








م

[سمراء من قوم عيسى]

احسنت
شكرا ع النقل

[نور الراوي]

شكراا لك

[فقار الكرخي]

نورتو الكون