هنا

[ملكةه]

للحكاية بقيه

[ضـوء السلطـنه]

بالانتظار

[ملكةه]

9

مرتضى مرتضى
مرتضى :هاشيخ كول امر
-الليله ليلتك ومااريدك تخربها ويه بت عمك بيض وجهنه
-ان شاء الله
-ومااريد هل الحزن الي عندك كافي
مو اول واحد انت تعشك وماتتزوجها ترى كلشي بالحياة قسمه ونصيب وانطي مجال بقلبك لبت عمك
ترى اسيل خوش بنيه وراح تحبك وتصونك
كو اوصيك ابني

-ان شاء الله الي تريده يصير
مرت ساعات والحفله والناس مخبوصه واني تايه مااعرف
اريد انسه ومااني كادر احس قلبي تعبان
لو مااخاف على الشيخ وامي جان هاجرت اريذ اغير وجوه الي حولي احس اختنكت

-خويه شنو سالفة ابنك شبيه
جنه مجبور على العرس

-لاخويه بس هو خايف عليها لان يروح للموصل وحياتهم بخطر
ويكول خاف اذيها واكسر بختها

-لاخويه هاي مامقبوله هي بت عمه يعيش تعيش وياه ويموت تظل على ذكراه تدري بناتي زين ماعدهم شمرت بنات هل الوكت

-ابني مرتضى اضحك والناس جاهزه للزفه شتاني
مرتضى :زفوني ودخلوني للغرفه
لكيتها كاعده
هذا جسم الاء تبتسم الضحكه ضحكت لولي
اجيت عليها بلهفه لزمت ايدها
ولج تدرين جنت احلم الزم ايدج مره ثانيه
ليش هجي تسوين اقتربت عليها رفعت الكليل
هاي اسيل ابتعدت وكعدت

اسيل :بيك شي مرتضى
-لامابيه شي بس قبل لايصير كلشي بينه
ترضين اتزوجج كابنت عم وزواج عادي مو كحبيبه

اسيل :بعدين راح تحبني والحب مايجي بيوم وليله
الحب يجيبه المواقف والعشره

-صحيح بس واذا فد يوم عرفتي اني جنت احب غيرج
اسيل :وانت كلتها جنت عفه الله عما سلف
امي علي بالحاضر

-واذا بعدني احبها ومانشالت من قلبي
اسيل :اني اشيلها الك واذا ماتشال فهذي قسمتي واني راضيه بيهز
ياابن عمي دنيتنا صعبه وابوي علمني البيت الي ادخله بثوب ابيض اطلع منه بجفني
واني قابله بقسمتي وتظل انت ابن عمي وتاج راسي

مرتضى :احنه عرف عشاير والشيوخ تنتظرني اطلع
بس اني جنت اريد ارضي ضميري مااريد يوم يجي وتلومني على الي يصار والحوبه مو حلوه
اسيل الناس تنتظر شكلهم

اسيل : اني باامرك الي تريده
-حسيت نظرات الحزن بيها ونصت راسها
رفعته شوفي يابنت الناس
اني برادي وافقة بيج صح بااختيار ابوي بس انا سكتت
واني قابل بيج مره الي
بست راسها وساعدتها بفك التسريحه
تدرين اول مره اشوفج حلوه
نصت راسها خجل والناس برى وصوت ابوي
لزمت ايدها وهي ترجف
ها اسيل اكمل لو ماتكدرين ترى مايهموني الناس ومنو الجان
اطلع واحلها وياهم
كمت ولزمت ايدي
..................
صدكي تظلين بت عمي واصونج مثل ماتصونيني
اسيل :اني احبه مرتضى هيبه وكلمته وحده وعمره مانزل عينه على مره كلها عمامنه واهلنا حاسدين الشيخ عليه
والحمد لله صار من نصيبي صح هو كلي احب وحده بس ماطوله وياي هذا يكفي عندي واني راح اخليه يحبني مثل مااني احبه

..................
طلعت باوعت امي بوجهي ابتسمت
ظلت تهلهل
والشيوخ ظلت ترمي بس الشيخ ماشفته
اكول عمي وين ابوي
-ابوك استوى راح من ذاك الصوب
-شعنده الوالد ماعجبني المكان الرايح بيه لان معزول ومابيه احد
تعنيت وراه

......................

-ورى مازفيت مرتضى ظلينا اني وعمامه نسولف عن الوضع شلون تعبان والشباب تعاونو يشيلون باقي الاغراض مال العرس وينظفون
اسمع تلفوني يرن
اشوف هاي الاء اني خزنته لان توقعت احتاجه
ماكدرت ارفعه يمهم
خليت وتعنيت للارض الي بصفنه
-هلا بنتي
-عمو صدك مرتضى اتزوج يعني زفيتوه
وهسه بحضنه بت عمه

-بنتي ذكري الله ومو كلشي بالدنيا مثل مانريده يصير
اني حتى زواجه من بت عمه ردت اخربه لان مااريد اظلمكم
بس هو اجه من الموصل وكال اريد بسرعه العرس يصير وبنت عمي احسن من الغريب
ماكدرن احجي بعد

-اي عمو اني اني كلبه حقيره ونذله ضيعته من ايدي
بس صدك عمو احبه والله وانت سمعت الي صار كدامك
واني احجي
واسمع الرمي والهلاهل
عرفت مرتضى اخذ بنت عمه
لا عمو لافدوه ليش تخليه يتزوج والله قلبي انكسر
تدري هو كل روحي والله ربطني ربط بيه
مااشوف غيره

-بنتي مايفيد هذا الحجي وانت كسرتي كلبه قبل حسي بوجعه
وادعيلها يتوفق مو زين هجي تسوين

مرتضى :سمعت ابوي يحجي و اكيد الاء الي يحجي وياها

-درت لكيت مرتضى كدامي قبل لااحجي اشرلي
لااكول شي وسحب التلفون مني

الاء:عمو كوله لايجي للموصل بعذ اذبحه والله


-اذا انت هجي شجاعه جان ماتسهونتي بيه
جان طلعتي شجاعتج وحجيتي بدل التهرب
جان هاي ليلتج
بس تدرين بنت عمي شكالت

الاء:ماتحملت يجيب سيرتها
عرفت بيه يريد يغيضني سديت التلفون
احس راسي راح ينفجر وعيوني مااشوف بيها
اريد اصرخ اختنكت ولك شلون انساك وانت قلبي
يعني اموت يارب اموت ولا اعيش معذبه طول عمري
يارب نسيني
بداخلي صوت الم وجع بس مااكدر اطلعه مكتوب عليه
يموت وهو بداخلي وياذيني اكثر

دنكت واشوف الارض كلها

دم رفعت راسي واشوف بالمرايا
خشمي يجري دمي بشكل موطبيعي طلعت اغسل بس م

اوكف
صداع وظليت اشوف المكان يفتر بيه
وماحسيت الا اني بالمستشفى والدتي يم راسي

-ليش ماما مريضه وماتحجين ناويه تمرضيني وتموتيني ناقصه
عمر

الاء:كنت اتمنى اجاوبها بس اكتفيت بالسكوت
احس ماعندي طاقه
ماما خلي نطلع

-بس خلي يتاكدون من ضغطج مستقر
وتطلعين
-درت وجهي عن امي وحاولت امثل اني نايمه في سبيل
اتهرب من مواجهتم وكارهه نفسي
اجه الدكتور قاس ضغطي
وكال تكدر تطلع

سعد شنو جاي يصير ويه الاء اريد افتهم
-مابيه شي بس هي من تدرس تكطع الاكل وكضتها كله خايفه وهسه
تعبت طلع عليها القهر والتعب

سعد :اشو مامقتنع ماادري ليش
المهم صديقي عنده مكتب ومحتارج طابعيه
تكمله الكتب الرسميه عنده هواي موضفين وعنده سكرتيره
بس ترى الوضع موزين
يكولون داخل كم ارهابي وجاي يتسللون
والوضع جائز يتأزم

-اي ماما هذول من الدواعش ظلو يتنكرون علمود يسيطرون بااحتلال باقي المناطق بس خليها تشتغل احسن ماكاعده وهذا
حالها

الاء:فرحت لان حسيت هاي الوظيفه تطلعني من الحاله الي
اني بيها اي خويه اني اشتغل وكله من باجر اذا يردوني

-يصير خير بس شدي حيلج لان تعبانه واذا اوديج ثاني يوم
تطيحين عليهم ويبطلوج

-ان شاء الله
اول ماوصلت سبحت وحظرتلي كوب حليب
وكنت احاول انسه كلشي كافي هو تزوج واني لازم اشوف حياتي
واتركه بحاله يكفي الي عشته
صح مامقسوملي بس راح يبقى احلى ذكرى بقلبي

احس نفسي هدأت
صعدت للغرفه وقررت انهي كلشي
كافي هو عايش واني مأذيه نفسي
خلي اكتب رساله لازم اخليه يقرا اخر كلمات مني
‏تطشر حلمي بخلافك ولم بي
وعليك الكلب يوجعني والم بي
يحن اعله المشو عنه وألم بي
وكله اصبر علا أمر ألله شبديه

ان اجمل الاشياء التي مررت بها انت
ولهذا اقول لك واتمنى لك حياة سعيده
مليئه بالسعاده
اخر شي اطلبه منك ان كان لدي معزه عندك
اريدك ان ماتجي للموصل
حافظ على بيتك واجعل مابيننا ذكريات

دست ارسال وادموعي ملو التلفون مسحته ومسحت رقم مرتضى
الله وياك

اسيل :مرتضى متكعد ضايجه
مرتضى :والله تعبان الله يخليج طلعي يم البنات
اسيل :حياتي كلها يم البنات انت اريدك تكعد يمي موهما
مرتضى :يامره والله تعبان تعبااااااان بس افهميني
حتى النومه مامقسومتلي هاي اني كعدت
كولي
اسيل :حبي ليش اتاخر علي الحمل خلي نراجع
مرتضى :ههههههههه من كل عقلج
بسم الله استونى شنو مخترعين
اني مااريد هسه جهال
اسيل :بس اني اريد
مرتضى :يصير خير بس خلي ارتاح وكلشي اله حل
طبعآ ماعجبها الحجي اسيل وطلعت
ظليت صافن كل هل الفتره ماحنيتي معقوله بسرعه نسيتي
اووووووف ياالاء تكبرين راس عود ترديني اني ابدي
واني اسولف ويه روحي
وصلت رساله افتحها من الاء
ظليت محتاره حسبالك مو رساله لبست بجامه وطلعت اركض برى
كعدت على الرصيف واني اقراها حرف حرف
المتني طريقة كلامها معقوله حبنه صار ذكرى
كعدت اكتب واني محروك دمي ماردت اتصل لان مااريد اخرب بعصبيتي شي

اليحبك من صدك مايمشي ويخليك
يضل يمك لحد ماتخلص سنينه
اليحبك من صدك مايحب غيرك ناس
بس انته العزيز يشؤفك بعينه
اليحبك من صدك لجلك يضحي الرؤح
وماينسه المحبه البينك وبينه
اليحبك من صدك يحجي بصراحه وياك
ويسولفلك الزينه ويترك الشينه......
وسفه عليج اذا من طبعج تتخلين بسهوله عن حبيبج اني طبعي مخلص للموت وياه

الاء:وصلت رساله عرفت من مرتضى اكيد لان استوني رسلت
ارتبكت وخايفه اقرا الكلمات خايفه رغم اني نهيتها بس اضعف كدامه احبه موبيدي بس راح احاول مااكون ضعيفه كدامه
اوووف معقوله لسه تحبني
بس شنو قصده مخلص للموت هذا الي خلاني اكعد واقرا هاي الجمله ميت مره احاول افهمها بس مالكيت تفسير

مرتضى شلون مخلص وانت اختاريت حياتك

مرتضى : اوووووف لو تدرين الي بقلبي جان ماسئلتي
اني بعدني احبج كانما لعنه حبج وحق كبة العباس اوكف بطريقج واحرم عليج تاخذين غيري للموت اموت ولااشوفج ويه غيري افتهمتي واذا تردين تلوميني ليش تزوجت فااتزوجت فضل غبائج

الاء:بين دموع الفراك وبين فرحانه مازال يحبني
وزوجتك مااريد اظلم نفسي واظلمها

مرتضى :زوجتي بنت عمي وعرضي واحبها لان شفتها شلون
مستعده تدوس على جرحها في سبيلي
بس انت نقطة ضعفي ولج الله احبج الله ياخذج شكد شلعتي قلبي
ماتدرين جم مره لزمت الشباج بس في سبيل انساج
تعال ارجع بعد مابيه حيل اشتاك
تعال اليوم ..اذا ترجع لباجر كلشي ماتلكه
اصيح وصوتي مافزز العصفور وانا الصوتي جان يفزز التفكه

[ملكةه]

10


الاء :ماتحملت بسرعه اتصلت عليه
مرتضى :الو
الو
الو متحجين راح اسده

الاء: مبروك عليك حياتك الجديده
مرتضى :لاتكوليها الي لان ادري بيها مو من كلبج
حسيتي شوي بالوجع الي اني حسيته من كلتي لا
قليل الي صار بيج بس ميفيد اللوم والعتب
انت شلونج لو تدرين شكد مشتاقلج

الاء:الحمد لله اني زينه تخرجت وباجر راح اباشر بشغل
مرتضى :صدك تحجين وين
الاء:بمكتب اشتغل على ااطباعه

مرتضى :اجي اشوفج لان حيل مشتاقلج

الاء:تشوفني بصفة شنو
مرتضى :حبيبتي ومرتي الي مااتركها لو شما يصير
رغم هي نذله وحقيره بس شسوي لهل القلب ضاعن مفاتيحه

الاء:تحجي صدك لو تتشاقه وياي
مرتضى :عمري مااخذ حياتي اني وياج بصورة استهزاء
بس انت الي ماخليتي اهميه لهل الشي
واني مستعد اليوم وباجر وعكبه وبعد سنين انتظرج
كوليلي تعال اليوم هسه اجيلج
مو برجل امشي بساع قلبي دليلج

الاء:لهنا وجرحي طاب من ذكرت اسمي
بسك ياابن الناس كافي تذمني
موبيدي
موبيدي ....من حبيت وذبيت بذري
طلع زرع عاقول وظنيته جوري


مرتضى :لاجوري لامرجان يوصل جمالك
للموصل تعنيت اوصل دلالك
ماوصلت ال اي شي
بس وصل ردك

الاء:كافي انت تدري كلش زين شكد احبك بس انت هسه زوجت اني شنو بعد اخرب حياتك لااكثر مرتضى انت حباب وكلبك نظيف
روح ابتعد الاوضاع بدت تسوء وانت عندك مره تخاف عليك
لاتجازف ظل

مرتضى :نزحو الناس كلها طلعت ليش ظالين يمعوده تركو البيت
لاتجازفون باارواحكم

الاء:لااحنه الجانب الايسر ارحم بعدهم ماوصلولنه بس انت لا تجي الله يخليك لخاطيري اذا الي معزه عندك
لا تجازف بحياتك والله حياتك غاليه
فدوه لاتجي كافي انساني اعتبرني متت

مرتضى :تسكتين لاهسه بنص الليل اجيج ولج انت مخبله
اني مااعرف الموصل صح اول ماداومت كنت منسب
والوضع تمام بس ماتزم الوضع وجهاد معلن مستحيل اترك الموصل وانت بيها لو نموت سوى لو نعيش سوى

الاء:اسم الله عليك يالله روح اتاخر الوكت واني وراي دوام
ومااريد اتاخر من اول يوم

مرتضى :يابه لاتداومين محتاجه اني انطيج
الاء:مايمنه شي والحمد لله ماعدنه شي احنه
يالله حياتي تصبح على خير

مرتضى :وانتِ من اهله ياعمري
سديته واني ابتسم هذا الصوت كان علاج لصداع راسي
والم معدتي ونفسيتي الزفت يعني بين قوسين الاء اقوى من اي بندول

اسيل :شعندك جنت برى
مرتضى :اركض ورى الخرفان
شبيج شهل السؤال

-يمه على كيفك تغار عليك وتخاف خاف عندك وحيده منا مناه
مرتضى :ولو عندي شنو حتسوين اسيل
وانت تدرين اني كتلج بكلشي

اسيل :مااسوي شي من حقك رجال وشيخ وهاي من عوايدكم
بس اني هم الي حق مرتك واريدك تداريني اكثر

مرتضى :ليش عليج كاصر يابت عمي
-لاوالله ماني محتاجه شي غير شوفتك يمي
-روح يمه اخذ مريتك كاعده وتتغزل بيك كدامنه
عندك خوات يالله كوم

مرتضى :بستها على راسها
ودخلنه الغرفه صح حب الاء ماكو مثيله بس هم احبها لاسيل
احس بيها جزء مني وكانت كلشي على بساطتها
بياض قلبها ونقائه يخليني احبها
اكول اسيل
-عيون اسيل وقلبها
مرتضى :تسلم عيونج يالغاليه باجر اني رايح للموصل
-يمه دخيلك ياعلي ماتشوف شلون كصبو الشباب شعندك رايح خليك يمي

مرتضى :ههههههه والله زين عندي ناس يخافون علي
عيني اسيل انت مؤمنه وتعرفين الموت بيد الله والله لو كاتبلي 80سنه اعيشه وكل سنه اتزوج مره

اسيل :عاد كل سنه مره حرام عليك يعني 50مره
هواي
مرتضى :لاوالله بس وحيده بعد وياج كولي امين
اسيل :آمين شنو وحيده وياي لامو امين
ليش تخرعني بهل الليل

مرتضى :سلامتج وكلشي بوقته حلو حظريلي غراضي من وكت
علمود وجه الضحى هناك

اسيل :ان شاء الله مو تدلل
مارايد اسويلج دساج
مرتضى :شنو دساج
اسيل :لزمت ايديه يعني هجي هجي
مرتضى : هههههههههه هذا مساج مو دساج
حضنتها شكد طيبه وحبابه انت

.........
الاء:رن التلفون وركضت دخلت للحمام سبحت ولبست قميص طويل اسود وعلى بنطرون جينز وماخليت مكياج
لان ماما ماتقبل تكول الوضع يخوف

صباح الخير
-اي هاي لولي الي اعرفها بضحكتها ونشاطها
احظرلج ريوك
-لاماما اني اتريك كافي عليج البيت كله براسج
سويت كوب حليب ونص صمونه وجبنة مثلثات
اكلت على السريع وصلني سعد بس هو قريب على بيتنا

سعد :مااوصيك اي شي تسمعينه اتصلي علي تخافين من شي بسرعه رجعي ترى ردناج تشتغلين مو محبه بالفلوس لاوالله
بس علمود تطلعين من الجو الي انت بيه

-ان شاء الله صار بسرعه تلكاني يمك
دخلت المكتب كان عامل بالباب وممر جبير وبيه غرفه فارغه
بصفها كاعده بنيه مبينه مقاربه لعمري

-اتفضلي
-اني الاء علمود اشتغل طابعيه عدكم
-ها عرفتج وصاني الاستاذ عليج
اعرفج على نفسي اني نور السكرتيره وتعالي وياي
تدليج غر

فتج هاي شوفيها
هنا شغلج اكو فايلات يمج ابدي طبعيهم وجهزيهم
خلي نشوف شطارتج

الاء:ان شاء الله الي ريحني الغرفه الوحدي طبعت للاوراق ورتبة الفايلات

نور :مرحبا استاذ
-اهلا لحظت بنيه بالغرفه هاي منو
-الاء الي وصيتني عليها اناديها الك
-لا تركيها
ظليت اباوع الها من بعيد كيف بكل ثقه مستمله الشغل ماعدها ارباك
واضافه لهذا جميله حلوه مواصفاتها
ويكفي عدها شجاعه ومداومه ومخايفه

الاء :تفضلي ست هذي الفايلات جهزتهم
ظليت انتظر توقعت الاستاذ يقابلني

-الاء تكدرين ترحين وباجر نفس الوقت تجين وهذا رقمي اي شي يصير تبلغيني بااجازتج

-ان شاء الله طلعت واني افكر شلون يعني قبلني
يالله اني شريد اريد
بس اطلع اشم هو الله

الله يساعدج يوم
-هلا هلابنيتي ويساعدج قلبي
شلونج
-الحمد لله ماما اني صاعده ارتاح وراها انزل اساعدج

واني اصعد بالدرج اتصل علي رقم واعرفه رقم حبيبي
ركضت بسرعه صعدت فوك
الو
مرتضى :هلا برويحتي وين انت
الاء:بالبيت ليش
مرتضى :كلت اشوفج
الاء :وصلت الموصل
مرتضى :اي اشوفج واروح لان انذار

الاء :باجر نلتقي واني مشتاقتلك اكثر
مرتضى :الاء لاتداومين عادي اجي اشوفج حتى لو مت الشباك
لان الدواعش بدو ينتشرون وهذا الهدوء يخوف

الاء:لاعمري ماكو شي واني بس اشوف الوضع تأزم ارجع للبيت
مااظل

مرتضى :شكد راسج يابس ولاتقتنعين بشي
الاء:يالله حبيبي دير بالك على نفسك
اروح اساعد ماما

نزلت سويت سلطه وحلاوه
-ماما لاتلعبين بالمواد الغذائيه لان احنه تحاصرنه
-ليش تحسسوني راح نموت ماكو شي الامور طبيعيه

-شيقنعج
-والله ماما اصلا السكرتيره تجنن وانيقه والمنطقه هدوء
والامور طبيعيه لايخوفج احد

-وصوت الانفجارات والاخبار شنو هاي شبيج ماما ليش عايشه
بغير واقع

الاء:صفنت وابتسمت لان اعرف هاي الصفه اكاسبتها من مرتضى
اول ماوصل بابا بدينا بالاكل وصوت انفجار قوي
يمه قلبي مر واتذكرت اهلي وسكتت لميت الصحون واول مانامو عفت كلشي وركضت للتلفون
اتصل مغلق يمه ياستار
ظليت لازم التلقون بحدود ساعه

-الوو
-هاي وينك يمعود قلبي خلص خو مابيك شي
-لامابيه شي الحمد لله بس الاوضاع موزينه

-ان شاء الله محروسين بالله والنبي

-تعاي مو حسبالج مااشوفج اشوفج لو الدنيا تحترك
-ههههههه حاضر سيدي
الحمد لله اطمئنيت وتمددت ونمت ماحسيت الاعلى صياح امي
-شلون بيها هاي عايفه كلشي ونايمه ولاتفكر تكول امي
تعبانه اساعدها خطيه ولج شنو من بشر انت

الاء:نزلت واني اضحك فعلا تركتهم والاكل بيهم
ترى والله فكرت بيج بقلبي بس حيل باد وانكطع شسويلج

-ولج انت ادبسز مال واحد يربيج طايحة الحظ
الاء:ركضت للمطبخ ويسرعه نظفة وعزلت البيت
وصعدت عدلت حواجبي وطلعت قميص وردي وبنطرون ماوي
سويت ماسك لوجهي
باجر النقي ويه اجمل انسان
خلي انام من وكت علمود وجهي يرتاح
وقت التلفون

مرتضى :الزي العسكري ظليت مااكدر اتنقل بيه بالموصل
كله بمدني اول مابين خيط الصبح
لبست وعدلت نفسي
ايمن :وين مرتضى اشو تانقت
مرتضى :اروح لمرتي اشوفها
ايمن :مرتك مو بالنجف شبيك خرفت

مرتضى :لاخويه مرتي الاوليه وحبي الاولي
يالله بعدين نسولف

الاء:كعدت والنشاط ماينوصف سبحت وتعطرت خليت مكياج خفيف جهزت نفسي
صباح الخير ماما

-ياصباح هذا روحي كدامي غيري لبسج وجهج مااريد عليه شي
الدنيا ظاله برحمه وانت كاشخه ومتعبه نفسج
يالله بسرعه

-ماما فدوه بس اليوم
-ابد ولا ثانيه بسرعه
-اوووووف اووووووف
صعدت ولبست نفس ملابسي مال اول يوم ومسحت الي
خالته على وجهي كلش خرب مزاجي
اشو الدنيا هدىء وماكو شي والله موتوني

مرتضى :ها حبيبي وينج
الاء:انطيته العنوان واني امشي بعدني ماواصله لكيته
كدامي اوووووووف
مااكلكم شصار بروحي طلعت من مكانه وركضت عليه
وتشم بيه وتكله فدوه كافي نفترق

مرتضى :صباح الخير ياوجه الخير
الاء:الخير بوجهك قلبي

مرتضى :شلون اكدر ادخل

الاء:سهله اني ادبرها الك انتظر دخلت لكيت نور
صباح الخير

-هلو حبيبتي صباح النور
-ست نور هذا زميلي واكف وامس شكم شغله صعبت علي بس يعلمني ويروح اذا تقبلين

-اي عادي بس قبل لايجي الاستاذ لان يعصب علينه
-اي مايطول
اشرتله ودخل جنت اباوعلها بنظره اتمنى مايفاركني لحظه بس شنو بيدي ضيعته مني

مرتضى : ولج شلابسه جنج داعشيه
-هههههه تعليمات الوالده شسوي
-حبيبتي هاي الكامير هديه الج وبداية الهديه نفتتحها بصوره اني وياج

-اي ياريت اريد وجهك يكابلني ولو هو مكابل غيري
-هههههه ياحلات غيرت حبيبتي
يالله اتدني علي اول مره بحياتي اخلي ايدي على جتفها

الاء:باجر اروح اغسل الفلم
-ههههه تغسلينه على صورتين
الاء:اي
-يالله اروح مااريد اسببلج احراج لايجي احد ومااعيد كليشتي اي شي تحتاجينه اتصلي علي

.........

في الاحداث القادمه

ايمن :سهله

ولج بكل عين صلفه تستمرين وياه اني اعرف شلون اربيج

[ملكةه]

11


نور :طلع الشاب واني رحت مديت راسي
اكولج حبي الاء هذا شنو يقربلج ؟

الاء:زميل مايقربلي شي
نور :متاكده انت انس مشفت هل الشي بيه
شفت ولهه وحب

الاء:هههههه لامتوهمه حبيبتي ماعندي حبيب بس صديق واريد منج خدمه
نور :كولي عيني بخدمتج
الاء : هاي الكاميرا وبيها صورتين بس اريدهم اتغسليهم
الي فدوه

نور :يمعوده هاي ماكو اسهل منها هسه بساعتين ادز الحارس يكملها

الاء:صدك
هزت راسها نور يعني اي واني رجعت لشغلي وفجأه شفت شخص واكف على راسي
طويل وانيق
تفضل عندك شي

-اشلونه الشغل وياج
-الحمد لله بس ليش تسأل محاجه
-اني استاذ ليث مسؤولج
-شنو ارتبكت لان كنت احجي وياه بالا مبالاة
اعتذر استاذ ماعرفت

-عادي ادري ماعرفتيني وين ست نور
-ماادري طلعت شوي وتجي

-اوكي انتظرها بس ترى اني كلش راضي عليج


-هذا شبيه معقوله شهل التصرفات
ماالي غرض بس اذا نعاد الموضوع مااظل بالدوام

نور :هلو شلونج
-اجه استاذ ليث يريدج
نور :هاي الصور وادعيلي مااوصيج بواحد حلو
مثله

الاء:الله اول مره اشوف هجي ثنائي حلوين
ياحلاتنه
ورى ساعه طلعونه
مرتضى :خلال رجعتي من الاء انتبهت مجموعه من الدواعش موجودين سحبت التلفون
الو انت بالبيت لو لا

الاء:استوني طالعه
مرتضى :بسرعه امشي ولاتلتفتين بسرعه بدو الدواعش ينتشرون
الاء:بلعت ريكي شلون يعني قريبين علي اني راح اوصل

مرتضى :اظل وياج على الخط بس سرعي

الاء:وصلت اني يالله باي

-يمه شبيج وجهج مخطوف
-ماما الدواعش انتشرو ورجعت بسرعه
-يمه ياستار الحمد لله من رجعتي بعد طلعه ماكو افتهمتي

-ان شاء الله اريد بس اصعد احاجي مرتضى معناته هم قريبين عليه
رضاوي حبيبي الله يخليك عوف كلشي وتعال

-ههههه ولج شايفتني مو رجال اني ماانهزم ولااخاف من الموت
هسه المهم انت سالمه يالله اني يم الولد مااكدر احجي بعدين نتصل

ايمن :هاي شبيك مرتضى ويامن جنت تحجي علمود سديته
-ويه الاهل ليش دزوك تحقق وياي

ايمن :والله من شكلك مبين جنت ويه حبيبتك
-اي بس ليش السؤال
ايمن :مو مبين عليك من وجهك
-يااخي وين احنه بيا حال عوف هل الموضوع

ايمن : نزلت بالليل وكبل لبيت ابوسعد واني اغلي
يعني تعاندني سهله ست الاء
السلام عليكم

-وعليكم هلا ايمن شلونك
شعجب اليوم مار علينه
-هلاسعودي والله اشتاقيتلكم وين خالي الاهل
-تفضل تفضل
دخلت وخاله صاحت ل الاء علمود تضيفني

الاء:اووووووف شكد مكروه شجابه النا بنص الليل شيريد

نزلت خفت من امي تعصب
شلونك ايمن

-بخير اسئل عنج واول مادخلت للمطبخ الحمام بصفه اخذت فرصه رحت واول ماغسلت

الاء:لزمني من ايدي
وخر اشو انت ماتستحي اتركني
ايمن :نصي صوتج شلون بيج ليش ماتعوفين مرتضى ليش
يعني تعانديني هسه اروح اكل لاهل اوكفي

الاء:لزمت ايده اوكف اوكف
انت ماحبيت وتزوجت ترى هي مشاعر موبيدي ولابيده
والله حاولت اتركه ماكدرت

ايمن :ماشاء الله
سهله ولج بكل عين صلفه تستمرين وياه اني اعرف شلون اربيج
تركي ايدي الا اكلهم بسوالفج

الاء:روحي اني ماانزل راس ويعني شيصير مايكص ركبتي الا الي ركبها روح فوت يزودك خوش رجال وتنتخي بيك مره
وسفه على الزلم اي والله
عفت الصينيه وصعدت بسرعه
شيريد يصير خلي يصير

-هاي شكد متستحي مفشلتنه كدام الناس
-اي خالي شلونك شنو اخبارك
-الحمد لله بس خالو اني جاي عندي حجايه وياك
غيرتي واخلاقي ماتقبل اسكت

-دكول ياابني وفضها شبيك
ايمن :دك تلفوني هاي المره رفضته رجعت اتصلت
خلي ارد عليها واطيح حظها

شكو
-لك الحك ابنك احترك تعال وين اوديه بهل الليل
-شلون
عمي اني ماادري شصاير بالبيت
غير وكت ازوركم

مرتضى :اشتد النزال علينه وشبابنه نصها رااح شهداء
الاكل ماكو اخذنه الجوع وشباب
بس كنا واحد يصبر الثاني
-اكولك مرتضى ماطول اكو بعد مجال انزل لاهلك
-وانت شلون مااكدر اعوفكم
-اني استوني واصل روح لاهلك واذا كلولك لاتجي لاتجي
وضعنه مايبشر بخير

-ماادري مااكدر انزل وانتم بهل الحال
اظل حالي حالكم

الاء:شحجه هذا اشو لسه هدوء ماكو شي
خلي انام وشمايصير يصير

..................
لك شيخ الحك علي تعال شوف الاخباو
الموصل سيطرو عليها داعش يماااااا ابني
-سمي بالرحمن يامره مابيه الا العافيه وهسه يجيج
ابني بطل شتردين احبسه

اسيل :عمو فدوه لعينك دز عليه ولاتخليه يرد
الله يخليك الموصل انباعت وهو شنو ذنبه يكون ضحيه
العوائل الي بيها هاجرت هو ليش يدافع عن ناس انطو ارضهم وطلعو
ركضت على ايد عمي بستها
عمو ابوس ايدك اتصل عليه خليه يجي ولايرجع
كافي صارله سنين هناك

-بنتي مرتضى مايقتنع بس صلو على محمد اول
مايجي نلزمه ونحجي وياه

-يمااااا وليدي اتصل عليه شيخ فدوه لعينك

-ولكم شبيكم كلمن راح يجاهد معناته مات شهل العقلي

ه الي عدكم
ثانيا اني اذا اكعد ابني وغيري يكعد ولده
راح يدخلون النه
مايصير المفروض تشجعونه وتفتخرون بيه

الاء:كعد الصبح خايفه انزل
خلي اسمع صوت رضاوي والباقي سهله

الو
هلا لولي حبيبي شلونج
-هاي شنو نايم وكعدتك حياتي
-اي قلبي استوني نمت الوضع موزين
الاء طلعي لاتظلين طلعي قنعي اهلج

-مايرضون بابا يكول نعيش هنا ونموت هنا
-شوفي الاء بس فكري بكلامي قبل لاتردين
لو تخليني اجي ادك الباب على اهلج واخطبج

-مايقبلون والله يارضاوي مو حسبالك اني مرتاحه

-اذا ميقبلون اجي اخذج ولج الاء لاتضيعين حياتنا
واحنه ننتظر خوفج ترى مايخلص

-شتحجي انت اشرد من اهلي مااسويها مااكدر
اعذرني

-ولج شعذر منج يعني لاانت خالتني بالسما ولابالكاع
خليتني معلك اني شاريج ولج نفسي بيج موبغيرج
حرام عليج ضحي لخاطيري بشي صيري
شجاعه وحاجيهم لاتظلين تتهربين راح انزل لاهلي
ولج والله امنيتي اخذج وياي

- حبيبي لاتحاجيني بهل الموضوع الله يخليك
اني سديته
-ولج طرطور اني شنو سديتيه تردين حياتج تكضيها بس
سوالف ولج اكلج اريد مره الي شتكليلي
انت مرضتيني روحي الله
وياج

الاء:زعل ياربي شلون
رجعت اتصل اني من مسحت اسمه بعد ماخزنته بس حافظه
الرقم
دكيته رن وبدون رد
الثانيه انرفضت
اوووووووف مسحت كلشي بالتلفون ونزلت
صباح الخير
-صباح النور هلا بنتي

الاء:هلا بنتي معناته ماكللهم شي
اكول ماما شبيه ايمن
-صدك ولج ذكرتيني
طاح حظج على هل الاخلاق امداني لان هجي ربيتج
ماعرفت اربي

-ليش شنو صار
-تشمرين الصينيه وتصعدين انت هواي انطيناج مجال
وينرادلج تربيه ولج هذا سند الج ويفيدج لو طحتي بشده
-اكلج ماما مااريد لاسند ولاغير شي
بس خلي يتركنه بحالنه وبعد اذا مايمر يكون سوى فضل علينه
ماالنه خلك هجي ناس

-ولج انت بدون اخلاق تعبتيني هاي ويه قرايبج هجي
شلون تتزوجين وتتحملين مسؤولية رجال

-اووووو ماما عوفينه من هل السالفه جاي بالليل ويريدني
استقبله كلش ماالي خلكه
بس هو شيريد

-راد يحاجينه بموضوع واول ماحجه اتصلت مرته كلتله ابنك احترك

الاء:الحمد لله الله يشفيه ادعيله من كل قلبي لان فكاني من شده
-شلون
الاء:ماكو شي خلي اساعدج بعد شغل وماكو
نظفت البيت وغسلت ملابس طبعآ صوت الضرب قوي
بس مكان يهمني غير رضاوي
خلي ارجع اتصل عليه

-هاي البنيه صاعده نازله شنو الي بيه الفوك وهي لازكه بيه

الاء:اتصل وماكو
ياربي ولك رضاوي شلعت قلبي بس رد علي حتى لو زعلان
اوووووف شكد عنيد هل الولد
نزلت كعدت جوى مصفنه بوجه ماما وبابا واخوي كاعدين بالمحل بس اني بالي يم مرتضى

-اكلج الاء شبيج وضعج مو طبيعي قلقه
وصاعده ونازله شبيج متحجين

-ماما نعسانه اتانيج تكوليلي صعدي واروح
-ليش شفنه منج علمود تصعدين
-اروح اعزل ملابسي صعدي وياي
-ولج بيه حيل اني فقراتي كلها مدمره
روحي كعدتج يمي بدون فايده

-صعدت اركض وخرت جنطتي واتذكرت الصوره
طلعتها اوووووف فدوه لضحكتك
دكيت الرقم
رن ماكو كررت الاتصال مرتين بالثالثه انفتح الخط

-هلو حبيبي ليش هجي تسوي
-ليش شسوى حبيبج
-منو انت ِ وليش عندج التلفون
-انت الي منو والله ناس

معقوله هاي اسيل باوعت للساعه اي اذا طالع من التلفون
معناته وصل اذا هاي مرته الي ردت علي
الله اكلب الدنيا على راسه
شلون يخليها ترد
ياربي شبيه تخبل شلون هجي يضوجني
وهو يدري بيه اتخبل مو هل السالفه

............

مرتضى :شلون صدك تحجين هسه تخليني اعوف كلشي واجي اكسر راسج

[ملكةه]

البارت الثاني عشر

تركت التلفون
غلطان يامرتضى مو اني الي تعاقبني بهل الطريقه
بس لازم اواجهه وانسحب خليه الله يوفقه بحياته
نظفت وعزلت الغرفه واني
دمي احترك من الموقف الي صرت بيه

رجعت اتصلت واني حاقده عليه
الو
-هلا والله بعد وكت استوج اتذكرتي تتصلين علي
وتدرين بيه اني زعلان

-شتحجي انت اني اتصلت شلون تخلي مرتك ترد علي هاي مامقبوله منك
مرتضى :شلون صدك تحجين هسه تخليني اعوف كلشي واجي اكسر راسج هاي شنو سالفه جديده
-لاموجديده بس من تعصب كول حاجيني لاتلزمني من مكان يوجعني

-ولج والله والعباس موااني الي اسوي هجي
وثانيآ يامره هاي اني بالطريق ماواصل للنجف
باله زحمه عليك خويه ماوصلنه للنجف

-ماظل شي ان شاء الله
-سمعتي هاي اني بالسياره
- لعد منو الي حاجتني
-خاف مااتصلتي علي
-لاعيني رقمك اني حافظته
-ليش رقم يعني دكيتي رقم
-اي لان اسمك اخاف اخليه كلشي يصير
-لعد روحي اتاكدي منه هسه تطلعين غلطانه زين من طلعتلج بنيه
لان لو ولد جان كلبت الدنيا على راسج
يالله اني هسه بالسياره اوصل واحجي وياج

الاء: الله وياك اطمئنيت مرتضى وصل لبيتهم سالم
واحنه الاوضاع ظلت للاسوء
سدينه المحل وبدينا ناكل بالمواد الي عدنا بس قلت
الوجبات بمكان ما 3صار 2وبعدها وجبه يادوب
المحله فرغت الي نزل بالسراديب والي نزح اصبحت الموصل عباره عن مقبره الي وكع البيت على السرداب وماتو والي بااثر شضايا مات واصبح منظر مرعب لايمكن ان يتصوره بشر
ممكن تشاهدونه بقنوات التلفزيون
وتسمعون بالراديو لكن هذا جزء قليل من الي صار
الدواعش عباره عن اشباه رجال الزي الهم اسود راحتهم كريهه كسواد قلوبهم شعر ولحه وكلامهم غريب السلاح السيف
بدوأو يدخلون المنازل بمساعدة بعض الخونه الي سهلو المهمه عليه
اذا كانو نساء جميلات سبو والرجال يذبحون
وهناك من دخلو منهم
نعم انقسم البعض من اهل الموصل ليس الكل
رغم كل تبليغات الاهل لم يقبل والدي برحيل كان لديه امل في لحظه ما سيسقط الضوى لينير العتمه

ظل الرقم يوميه يتصل وارفض ماحاولت اكل لمرتضى مااريده
يعصب علي

..........
شيخ اني باجر طالع
-بيدي صينية الاكل وكعدت بالارض
ماتروح يمه ماتروح يمه هي شعرت نفس ظلت بيه
لاليلي انامه ولانهاري كل راحتي مسلوبه
اترك الموصل ماما انتهت الله يخليك ماظل بيها الا رماد
واهلها شردو وكم بيت ظلو والله يحرسهم

-يمه ليش هجي تفكيرج سلبي فكري ننتصر نحرر ارضنه
ترفعين راسج بيه ماما وهذول الكم بيت اروح علمودهم

-ابني انت غلطان ظل بمكانك احمي بيتك وعرضك
لاتجازف بروحك هي عزيزه صح هو جهاد
بس تكدر تجاهد باارضك بيتك الدوله ماقدرت تعبكم
وحتى ماانطتكم دعم كلش قليل مو مال قوة تحرر الارض
بابا هاي الارض ماتحرر الا بدمك ودمي غيرك

-اي بابا بس صدكو ارجع لا تخلون بالكم غير تفكير اني اكلكم ارجع
اسيل :لزمت دشداشته واني ياابن عمي
مافكرت بيه مافكرت بحالي شلون بعدك

-لاعيني ماافكر ادري بيج تعيشين وبطلو من هل الحجي
ادعولي بالتوفيق وخلص وكتلكم ارجع

نزلت للسوك اشتريت غراض واكل و3وياي استشهدو
بس ماكان يأثر هذاا من غزيمتي شي
من حقهم كل اهل يخافون على اولادهم
بس اني مكان عندي هذا الخوف

-الو
-هلا قلبي مرتضى شلونك
-الحمد لله انت شنو اخبارج
-ماشي الحال وين ماوين
-بعدني ماطلعت من النجف ان شاء الله باجر من الصبح

-يمعود لاتجي ظل بمكانك
-اظل يم اسيل يعني قابله تتوحد بيه
- ليش هجي مرتضى ليش تحجي هجي وانت تدري بيه اموت مية مره من تجيب سيرتها
-ماطولج هجي ليش مااجيتي و وياي لو خايفه مني
-لاوالله مااخاف وياك من كلشي بس مااكدر اكسر بااهلي
-اهلج الغلطانين الي كسرو قلبج وانت تخلين الثار بيه
تخليني هجي عايش على امل وهذا امل تقتلينه انت دائمآ
ولج والله قلبي ظل يوجعني حرام عليج

- حياتي اترك هل الموضوع هسه ماالله يهديك وماتجي
-اجي وغصبآ على راسج افتهمتي

-لعد حياتي من تركب اتصل علي اريد اكلك شي
-وليش ماتكليلي هسه ليش دائماا هجي تخليني بنار من حجاياتج
-موهجي بس اني راح انزل مااريد احد يصعد وراي ويسمعني احجي وياك اوكي اخذ راحتك حبي
-هي اكو راحه وانت موجوده انت داعش الي دخل كلبي وحطمه
يالله عيني اول مااخاي رجلي بسياره اتصل اوكي

-تمام انتظرك ياروحي وانفاسي
-احتركو اهلج على هل الحجي طول عمرج تكسرين وتجبرين
الله وياج حبي

الاء:طلعت صورته اتلمست وجهه
ماادري يا مرتضى اني محظوظه لو لا
اني وياك سعيده بصوتك بشوفتك لو ريحة عطرك
لو مللامحك الي من امشي وياك احس الي احترامي
شخص تملأ الهيبه بكل تصرفاته

مرتضى :حلقت ولكيت ماما مسويه كليجه والريحه معبيه المنطقه
شهل الريحه الي تجننً
-يوم هاي الك وال

جماعتك مايهون علي ابلع اللكمه
وانت جوعان عمة عيني عليك

-لايمه لا دمو

عج عزيزه علي لاتبجين
اريدج تفرحين وطاسة الماي مالتج تردني تدرين هذولي جبناء
بس استكوو بالناس الي باعت ارضنه بفلوس
وداعتج واحدنه شاربه يعادل 100واحد منهم

جوري :خويه هاي فطاير وكعك واني اي احد اسمع بيه رايح ادز بيد الشيخ اله اكل وارصده وشنو تحتاجون

-بست راسها لان حسيتها دمها محترك على ولد وطنهم
وانت اسوله شكو اشو واكفه ماحظرتي لرجلج شي

-لاوالله ماحظرتلك ماطولك ماتسمع حجايه شنو الي بيدي اسويه
الك ودرت على عمتي وجوري
ترى هاي موزينيه انتو تشجعونه يروح يعني بعنادي
تردون تحركولي دمي

مرتضى :سكتي ولا كلمه انت مو حريصه علي اكثر منهم ولج والله على حجايتج لو نزلت دمعت امي اندمج على الساعه الي حجيتي بيها افتهمتي

اسيل :الله ياخذني وارتاح الشيخ امك واختك وسفرك واني شنو بالنسبه الك مليت مليت

-شنو هل الصوت صوت منو هذا
-شيخ هو مرته من حقها مقهوره اتركهم
-لامرته ولاغيرها ماعدنه حس مره يطلع برى
خلي يضبها واذا ماكدرلها اني اعرف شلون اتصرف وياها

-اسكت يارجال هو صاير عصبي لايسمعك ويتخبل عليها
وهو من الصبح مسافر لا يصير ضيكة خلك
هديهم يارجال

-يمه اذكر الله اذا صدك تحبني عوفها هي ترى محروك قلبها عليك
جريتها دخلي بدلي وعدلي لرجلج كسبيه
ترى ياخذ عليج ويكسر خشمج كومي وكسبيه خليه يشتاقلج
خلي ماوده يطلع من البيت ومايكدر على فراكج ياعمه اعتبريني امج وانصحج ضيكة الخلك اتجزع الرجال وتخلينه يروح من ايدج

اسيل :شفت عمتي وياها الحق دخلت شطفة جسمي وعطرته
فتحت شعري وخليت كحل
لبست بدله طويله سوده ستن وكلها فتحات
وتندمت لان حجيت وياه بعصبيه

-يمه روح ادخل لغريفتك وارتاح وراك سفر
مرتضى :يمه انام هنا ضاك خلكي

-لا روح لغرفتك وارتاح والدنيا ماتسوى ياابني روح
مرتضى:فتحت الباب واشوف اسيل غير شكل
ضحكت درت وجهي عنها وجريت غطاي

-ليش ياابن عمي تضوج تباوع بخلقتي
-تدرين كلش زين مو اني الي احجي ويه مرتي وحسها يطلع
-اعتذر سامحيني مو عن قصد حجيت

-يالله اريد انام
-يعني ماالك نفس بيه واني خربطتة نفسي علمودك
-ههههه احتركو عشيرتج هاي يسموها رتبت روحي مو خربطة روحي طالعه حلوه واني مو بس احب الترتيب احب المراه هادئه وتعرف شلون تكسبني
خليتها على ايدي وظلت تبجي

ها اذا تظلين تبجين اروح يم امي
-لايبن الناس ماخليك تطلع من للغرفه انت الي
-هههه يالله الج اليوم ولايهمج

............................
اسيل :فزيت ماكو مرتضى شمرت الغطه وركضت بس شفت ملابسه بعدهم يالله ارتاحيت حظرتله الريوك

مرتضى :اريد بس اطلع واعرف شتريد تكلي الاء
يالله عيني اروح اني
سلمت عليهم وامي مابطلو دموعها بس اسيل وجوري هادئات
اسيل عمتي شمرت المي وراه
امانة الله ورسوله

مرتضى :الو
الاء:هلا حبيبي
-شلونج شنو نايمه
-اي والله الليل كله مانمنا من صوت الانفجارات
مرتضى عايشه برعب
-كليلي تعال وشوفي شلون اجيبج واخلي الرعب يصير سعاده
سكتت يالله احجي شنو هسه اني بالسياره

الاء: حبيبي تدري بيه رقمك حافظته
-اي
-وكتلك ذيج المره اتصلت وطلعت مره
-يي
-طلع مو رقمك وظل يتصل علي الرقم كل شوي
-احتركو اهلج. ولج شلون تغلطين بالرقم
انطيني الرقم الي يدك عليك

-يولي
-بويه ولج ناويه تموتيني انطيني الرقم بسرعه

..................
مرتضى :طلعي بالباب بسرعه لاتاخريني
تلكين .................

[ملكةه]

البارت الثالث عشر

مرتضى: بسرعه رديه
الاء:رديت الرقم واني ارجف من عصبية مرتضى
سد الخط بوجهي

مرتضى :الو
-الو
-خويه ليش تتصل على رقم زوجتي
مره ثانيه ياريت ماتنعاد
-يارقم هذا والله اني اي رقم يدوك علي اظل اتصل مشكلتكم بعد

-مومشكلتنه المشكله بيك ياليماعندك غيره وامثالك مايستحون مو مال احد يحجي وياهم مثل الناس روح ماادري بيك حيوان سديت الخط واني ميت من القهر خلي اتصل عليها

الو
-هلاو حبيبي
-الاء هاي الخط تكسريه مااريده افتهمتي
-ليش وشلون اتواصل وياك

-اني راح انطيج شريحتي افتهمتي عندي ثانيه مامستخدمها وياها
رصيد مااريد تتصلين بعد من هاي واذا شفتها تشتغل فيا ويلج مني
تدرين بيه كلش زين مااحب واحد يكسر حجايتي

-ان شاء الله بس شجيبك النا

-انت عليج الصافي ماالج غرض
-تسلم ياعيني الله يخليك الي ويحفظك تدري رضاوي
-لا ماادري
-ماعندي غيرك بالدنيا انت اعز شخص عندي
-تدري انت يمتى تفرحيني من تقبلين مرتي
احنه عدنه بعرفنه اي يعشك يدك الباب مو يظل يتصل ويحجي
بس شسوي والله قلبي وياج مايكدر شكد حاولت اخلي
ردج الي حافز علمود اكرهج خلص هي ماتريدك
بس قلبي الفطير
يكلي ترى حتى لو ماتريدك انت تريدها ماتكدر تعوفها
ارجع شسوي بختج بيه

-فديت قلبك الطيب الي مااكدر بلياه

-شنو الاوضاع يمج
-والله احنه احسن من غيرنه بس صوت الانفجارات قويه والبيت الي كبالنه انهدم ضربو عليه
والكهرباء كلش ضعيفه لو تجي ساعه لو ماتجي
وماجاي نطلع لان المنطقه طلعو ومحد اكو ومن نسمع صوت ننزل
بس اني اشوف من فوك هدوء

-يابويه على برودكم بالله شنو ظلتكم ماتتحركون
شنو مثلآ راح يتوقفون لخاطير عيونكم
طلعو طلعو

-حبي لاتعب نفسك بهل الشي هسه بس يشتد الوضع
يطلع
-ولج اني مخايف على اهلج خايف عليج اهلج مايهموني
لان مااجالي منهم بس الاذيه

-كافي مرتضى
-اي بعد ماعجبج الحجي طبعآ كافي اهم شي هما اني شنو
يالله روحي

-ياعيني لاتزعل علي والله لو تدري بقلبي شلون
صاير لاتظن مرتاح لاوالله ابد بس مجبوره اتظاهر
اني هل الشي ماماثر بيه
ترى بداخل صرخ طفله اخذو منها لعبتها
بس الله يعلم بالحال

-الله كريم تفرج وماتعرفين شنو ضامتلنه الدنيا
حبيبتي اني جايب اكل واي شي تردين
بس كولي اجيبه الج

-لاحبيبي تسلم انت خاف محتاج شي لان احنه اسواق سعد
سديناها وجاي نتصرف بيها

-لاعيني خيرات النجف جايبها الله لايحوجني لسعودي
-هههههه براحتك يالله ارتاح
-هو راح نواصل وخلي التلفون يمج علمود افهمج على الشريحه

-ان شاء الله
سديت التلفون وكمت غسلت وفرجة اسناني
ورجعت للغرفه انتظر اتصال مرتضى مااكدر انزل بالتلفون

جريت البرده وكعدت كبال مكانه وبيدي الصوره
انت احلى شي بحياتي علمودك ابتسم انت خليت
طعم بيها صح مو من قسمتي بس مااكدر افكر بعد
بشخص غيرك يكون وياي لهذا اخلاصي
الك راح يكون طول العمر
رن التلفون ركضت
الو
-لولي اني موجود بالفرع بسرعه راح اخليلج اياهم بالباب دبري امورج قبل لااحد يجي

-اوكي نازله نزلت بسرعه
-ها خير شبيج ربتي الدرج ربد
-ماما الحمام الفوك مابيه مي خلي اشوف بالكي يصعد
المي طلعت فتحت الحنفيات والباب على كيف

مرتضى :خليتهم بالباب واباوع عليها شلون مدت راسها شافت
الكارت بالارض اجت تاخذه ولزمت ايدها
شلونج يالروح
-يمه خرعتني
بلياك بلا روح
-اوكفي لاتدخلين خلي اشبع من عيونج صار فتره ماشايفهم
-بسرعه رضاوي الاهل جوى
-روحي الله وياج افتهمتي شنو هسه كبل بهل الدقيقه
تكسرين تلحط القديم

-ان شاء الله
روح ربي يحرسك
دخلت للبيت امي تخزرني معقوله شافتني
خلي انهرب منها شفكني اذا صدك
يعني تسويلي مشكله

صعدت لكيت التلفون مابيه شحن هلي اشحنه قبل لاتطفه الكهرباء
وبعدين اصعد اكسره
نزلت يم اهلي احس لزمت ايده الي ملتني بالطاقه الايجابيه
ولك شكد احبك لو تدري ماعاتبتني

مرتضى :خلي اتصل على الخط الجديد
واسمع صوتها
-الجهاز مغلق
شلون رجعت اتصلت على الرقم القديم رن
صار ساعتين من كتلج وانت بهل الصوره تعانديني
تركت التلفون لان صار عدنه مواجهه ويه الدواعش
طبعا الاسلحه والذخيره العدهم مانمتلك نصها ومع هذا
العراقي من ينرل بشجاعه مايرف قلبه ويخاف
الحمد لله هزمناهم لكن استشهد اعز اصدقائي
مهدي الي كان يشيل مكاني ويشجعني اقنع الاء كان
الصديق الي يحاول يمتص غضبي
ويهديني
سحبنه مهدي وادخلناه للمكان الي نازلين بيه
معقوله مهدي ترجع لبغداد وتتركني ماتركتني ياخويه يوم
كون الرصاصه بقلبي ولابيك

الاء:صعدت للغرفه نعسانه ماادري من الخوف لو من تعب
-الاء الاء
-بلي يوم
-بنتي اختج عدها ولاده ورايح انزل للمدينه عندج شي
لو مااروح
-بس ماما الطريق خطر
-شنسوي مااكدر اعوف خيتج وهي محتاجتني
-روحي يوم اني موجوده ب

س احجي لان خايفه
عليج نزلت بست ماما وصعدت نمت

وماحسيت الا رنة التلفون
شلون نسيت اغير الشريحه شراح اكل لمرتضى
هسه يزعل
الو
-والج عين تردين علي ولج شكتلج اني
اني غلطان احجي وياج لان انت ولامره سمعتي حجايتي
خليج براحتج اني يبين بالغلط دخلت حياتج

-اوكف اوكف بداعت الشيخ لاتسد
وامير المؤمنين وكبة العباس مابيه شحن لهذا ماخليت الشريحه

-ههههه احتركو عشيرتج شلون حلو بحلكج الي حجيتيه
-شبيك رضاوي
-لولي استشهد مهدي كسر ظهري
بعد ماعندي احد استند عليه ماجنت اتوقع بهل السهوله يفازكني

-ياعيني عليك سوده علي
‎الي يروح مايتعوض
‎وصعبه عليك حبيبي الله يصبرك

-ارجع اعيذ الي كلته لو لا
-لاوالله افتهمت هسه اغير الشريحه واراسلك
-لابالليل اراسلك وعلى النت

-ماعندي حبي
-اني مفعلج انت بس تكرمي علينه وخليه
يالله اروح
-الله وياك
-الاء
-عيون الاء وقلبها
-احبج ومحمد ودي اخذج غصبآ على اهلج
بس انت لازمتني

-يابعد عمر وسنين الاء يرحولك فدوه
-مع السلامه
الاء:ركضت على التلفون لان ادري بيه يتصل فجأه
وتصير مشكله
غيرتها ورسلتله اني غيرتها للعلم

ونزلت
اوووف االيت كأبه بدون امي اكول بابا
اتصل على امي شوفها وصلتي
-اي لحظه
اتصل وانت احجي وياها اريد اسمع الاخبار
-اخذت التلفون ودخلت المطبخ
هلا يوم شلونج شنو الاخبار يمج
-يمه الدنيا بالضيم لو تطلعين اتشوفين الشارع مابيه بشي
وبس بسوت مهدومه ورايات سود بكل مكان
اني من ارجع للبيت ابوج قبل قبل ماقبل اخذج
انت واخوج ونطلع خليه بالبيت

-ماما عوفي هل الحجي وكولي ياالله
-ياالله اختج ولدت
-ياااصلوات على محمد واخيرآ
صرت خاله هاي الاخبار الي تفتح النفس
يالله ديري بالج على ابن اختي

الله وياج
ظليت اني واسعد نلعب دومنه نحاول نقضي الوقت
-اكولج الاء جوعان
-راح اسوي مخلمه اني وياك
ناكل والوالد يمتى يكعد اني اسويله
خلصنه نظفة الماعين
سعودي راح اصعد تريد بعد شي
-لا بس الاء خلي نقنع ابوي نطلع تعالي شوفي شجاي يصير
-يمعود شيصير خلي يصير اني بعد مااهتم
روح وتعيش هل العيشه خلي تروح ما متمسكه بيها
يالله عيني خلي اصعد
ركضت على النلفون ماكو مرتضى
راسلته رسائل توصل وتنفتح ومايرد

حبيبي رضاوي ليش تفتح وماترد
تتغلى علي
تدري بمعزتك وياي با تختبرني

اوووووف هذا شبيه معقوله ماخذين تلفونه
هم جان يردون
كلش ضجت سهله مرتضىى حسبالك بس انت تعصب
رسلتله بعد مااحجي وياك لاتشلع قلبك
بيه

شمرت التلفون وماكلبته

سمعت صوت رساله
بس ماافتحها اريد اعانده مثل مايعاندني
خليت ونمت

-الاء الاء
-هاسعودي شبيك
-يمعوده ابوي جوعان وظل يصيح
-اي نازله شوكت ارتاح مامكتوبلي راحه

نزلت واشوف سعد يااشرلي
خير سعودي
-امي ماترد ماادري شبيها وابوي خبص الدنيا
كومي سويله اكل خلي يهدأ

-خوفتني شبيها امي
-هي شعدها طالعه الدنيا محتركه حرك ياولاده
-سويت الاكل وخليته وظليت مشتعله نار
لااكدر احجي ومن اسكت راح ينشلع قلبي
ياحافظ احفضهم

معقوله رضاوي راح يشيع مهدي
وامي شنو لزموها
ياربي استر

ظليت يومين لاخبر من امي ولامن مرتضى

سعد :تعاي الاء سمعي المصيبه
مره بطريقها للمدينه مصوبيه ومكتوله
-شتقصد سعد

.......،،،،،

[ملكةه]

البارت الرابع عشر

الاء:شتريد تفهمني ها لاتكلي امي
ولك شتحجي انت

واني احجي ومنفعله ودموعي تصب لان قلبي معصور
اندك الباب
سعد لاتطلع خاف ياخذوك
هذول ماعدهم رحمه

-شتردين يعني مثلا اذا ظليت هنا ماياخذوني خلي اشوفهم
-اوكف لحظه خلي
اصعد اشوف من فوك منو صعدت بسرعه سحبت البرده
هاي امي
ولك سعد افتح امي هاي اركض
ركضت عليها يمه ليش تخوفينه عليج وظليت ابجي
شلون تعوفينه وهجي ترعبينه عليج
-يايمه شبيكم سامعين شي
ها اني كلشي مابيه ولكم وخرو خلي ارتاح ناس مابيه
وين ابوكم
-نايم وساد الباب مايريد صوت

الاء:شبيك مرتضى ليش ماترد ظليت بس انت
احجي لو كلمه وبرد قلبي
قلبي عليك بنار المي اشربه مر
-يمه الاء كومي سويلي لكمه
يمكن هبط ضغطي كلش دخت ومن الخوف
والرهبه ومااكلت بيت اختج

-كمت قليت بطاطا وسويت جاي وخبز كملت الصينيه
وخليته يمها
-شبيج ولج وضعج ماعاجبني كلش اشو مختنكه وجهج اصفر
-دمعتي بعيني بس ماكدرت احجي شي
لاماما هاي من خوفي عليج
ظل بالي وتاخرتي علينه

-لايمه سمي بالرحمن ماكو شي
صدك ماما ايمن كلي
كلي ل الاء
البقيه بحياتها

-شنو يعني شبيها هذا
-والله ماادري اني كتله شنو
-كلي هي تفهم واعتذريلي منها
الاء: شلون قلبي راد يوكف يارب يجذب خبره
صعدت بسرعه ركضت على التلفون اتصل ماكو رد
يمه دخيلك يامحمد كلشي ولا رضاوي والله اموت

خلي اتصل على الشيخ بلكي يبرد قلبي
ادور على الرقم وايدي ترجف
اي هذا
يرن قربت الرنه تخلص
الو
-شيخ برد قلبي اني الاء وين مرتضى
-ولج الاء راح الغالي استشهد راح الي يعزج
ولج راح النفسه بيج كسر ظهري مرتضى
صارله يومين من استشهد
-ماكدرت استوعب اليحجيه سمعت صريخ
لااراديآ ظليت اصرخ
لك مرتضىىىىىىى ولك روحي
شلون تروح وتخليني معلكه ولك انت كتلي للموت مااعوفج
شلون تعوفني
يبوووووووي هذا شعري تتغزل بيه مااريده
كطعته شككت ملابسي وهذا وجهي ولك مايعجبني احد يشوفه غيرك مااريده بعد

سعد :يمه هاي الاء تصرخ اصعد الها
-لا ماما اني اروح
صعدت كوى شبيها هاي البنيه تسودنت
فتحت الباب
يمه بتي ولج شمسوي بروحج
-الله ياخذها روحي مااريدها وخر عني
نزلت اركض اريد اطلع الكه داعشي يبرد قلبي برصاصه واروح وياه
ولكم عوفوني
-شبيج ولج تخبلتي
سعد :شجاي يصير
-سكتو محد الا حق بيه ولكم عمركم ماحسيتو بيه
شلون تردوني اسكت واني انسلبت مني حياتي
ولكم شطفي نااااااار قلبي
يماااااااااا يماااااااااا
يمه ردولي
-اسم الله الرحمن شبيها البنيه فرفحت روحها روح جيب لاختك ماي
ماعت روحها بيدي
صعدناها اني وسعد وكل ساعه تكعد تصرخ وتلطم كصت شعرها
وجهه ماينشاف من الضرب
يمه بتي راح تروح من ايدي وماادري شبيها شبيج لولو حبيبتي

-يماا البيه ماينحجي ولاينكال
يماا البيه خليها ساكته
لايرضى يطلع ولايرضى يهدا
مثل الموس جرحني وبلعته


أشد رمش برمش ما ترضى عيني
تنام
اراويهاٱ الصور وتصيح
ودووني
روحي تصير غيمة ومن يمر
طاريگ
تظل ترعد حنين وتمطر
عيوني
يمه عوفيني وطلعي وادعي علي بالموت
لان حياة بلاروح ماتنارد هسه

كمت فتحت كنتوري ولميت كلشي بيه ولبست الاسود والباقي حركته
نار كبالي تسعر
بس نار الكلب تاذي اكثر

............

مرتضى : نزلنا بالمواجهه وظلو يستشهدون الي ويانه
شفنه الموت كدامنه بس ماردينه خطوى
وكنا نردد اما الموت اما الشهاده

-مرتضى تعال هنا لحد مايجيلنا الدعم
لان ظلينا بس اربعه وهما كدامه اكثر من 80واحد
درنه ورى احد من المنازل

مرتضى:شفت كلامه فعلا صح
درنه ورى احد من البيوت
فتحت التلفون اريد اودع اهلي والاء
صارت رساله الاء كدامي

-ولك مرتضى
-التفتت لكيتهم ساحبين صديقي
سحبت سلاح ودرت رميت صوبت اثنين
بس الطلقه غدرت بيه
اجتلي تكلي مشتاكه
وسط الكلب اريد ارتاح

-لحكو مرتضى وكع
لا هو استشهد
لااله الا الله لااله الا الله


تم نقل جثمان الشهيد بطائره الى ارض النجف
كان الارض تلبسه السواد
قد فقدت احدى شبانها
الذي كانت تملئهو الشجاعه
لم يخاف الموت رغم قربه عنه
كان يراه ويقترب منهو
هكذا كانو ابطال العراق
وكان السماء تحتفل بالورود
لقدوم شهيد اليها

-عفيه ابني رفعت راسي

-يمااااا ةتلي ارد وصدكت بيك
مو بثوب الابيض يايماا اريدك

يبووووووي عليك رضاوي يمه شمعة بيتي
عمة عيني عليك وين طاستي مارجعتك

مو كلت امانة الله ورسوله
مو هجي الامانه ردت ترجع

يمااا ياعمود البيت
-يامره فرحي وهلهلي
ام الشهيد انتِ
ماتسوى ادموعج على الدنيا
وبالجنه فزتي

-كلللللوش هلهوله موش بفرح هلوهولة حزن ومبارك الك الجنه
يانكبتي

...........
يارجال كوم شوف بتك راح تموت مرت ايام وهي هاي حالها

-اني اريدها هي تحجي والا اظل غاضب عليها العمر كله

الاء؛كنت اباوع ب

عيوني وحقدت
على كل بشر يتنفس وحبيبي
احتضنه التراب
فقدتك جنت من تكلي نفسي بيج
ميت خنجر يستقر بقلبي
بس اسكت وكلت الدنيا راح تنصفني يوم بس مو بهل الشكل
يوميه احاجيك بالصوره اتمنى شفتفك ترجع تتحرك وتحاجيني
بس يوم بعد يوم يزيد شوكي الك
لاتصدك الاء تعيش بلياك
لاتصدك لولي مالتك موتت روحها
من متت انت
والنفس الي بيه ظال
لان عطرك لسه بيه

سعد :البنيه مو طبيعيه لازم صاير عليها شي
بس شلون نعرف وهي حتى ماتحجي

-صفنت واتذكرت حجاية ايمن
معناته ايمن يعرف الموضوع شنو
يوم سعد اريد اروح لبيت ايمن

-ماما ياايمن الوضع بالضيم عوفيهم كعدي وستري علينا

-اتروح توصلني لو اروح لوحدي

-امري لله شسوي لعنادج
امشي
-وصلني وبس مااريدك تظل وياي
عبرت واني دمي يفور شضام علي ايمن
-هلا خاله هلا
-لارايده الهلا ولا المرحبا مالتكم
ايمن كلي منو المات ترى والله
اسوي سوايه محد مسويها قبل
ايمن :اهدي خاله راح احجيلج
كلشي
صديقي نجفي حب الاء
وهي هم تحبها وقرر يخطبها
بس انتم سئلتكم ورفضتو
ومنها هي رفضت بس ظل حبهم رغم كلشي كانو ينتظرون
نقطة امل تخلي حبهم يكتمل
بس مرتضى استشهد وراح
بس صدكي خاله اني هم جنت معترض بس هسه متندم
لان قله مثل مرتضى
شوفي ضحه بكلشي في سبيلنا
واحنه شي بسيط ماكدرنه نقدمه اله بس مايفيد الحجي بعد
الدنيا تغدر وهذا ماانحسب اله حساب

-اتذكرت شلون تعبت من كالت على صاحبتها طلعتي انت
طلعت واني اتعثر بالطريق
معقوله بتي لهل الدرجه تحبه
الي فقدت اسم الحياة ماموجوده
بيها كانت شبيها بجثه تتنفس
اروح شكلها لااكدر اواسيها
ولااكدر اتفرج عليها
اووووف ركبت وصلت للبيت واني مااعرف شنو اسوي وشلون اغير حال بتي

سعد:يوم شبيج
-مابيه بس تعبانه اختك شلونها
-مانزلت ولاشفتها
-نزعت الحجاب وصعدت الها
بنتي احجيلي اني امج
كولي شبيج كولي ليش هل الحزن
لاتظلين كاتمته
كانت نظرات عيونها الي
تخبلني ودموعها ماتركف
كافي يمه لخاطيري
بس احجي خلي افهم الي بيج

الاء :اشرت على قلبي
البيه ماينفهم البيه عله هنا

............
الحزن لم يكن باارض النجف فقط يامرتضى الحزن شملنا جميعآ
فصعبه ان نفقد رجال في زمن كثر في اشباه الرجال

............

[ملكةه]

البارت الخامس العشر والاخير

بعد مرور شهرين

الاء: رجع شوي الاوضاع هدأت من جانبنه
الدواعش سيطرو وخلو قوانين

زي رسمي وضوابط يتحكمون بيها

رجع سعد فتح المحل وبدو بعض العوائل يتعايشون ويه هل الوضع
لكن كنت واثقه بان بعد هذا الهدوء سوف تكون عاصفه

طلعت صورة مرتضى
وعد وعيونك الي انحرمت منهم الا اخذ ثارك
مااسكت انت سعادتي واخذوها مني

-هلا ماما صلوات تردين اجيبلج شي
-لا ماما سلامتج اني اذيتكم وياي كافي
واعتذر

-لابنتي كل بشر يمر بضيق وشده والله يفرجها
-اي ان شاء الله
بديت اشتغل بالبيت وماخليت ماما تسوي شي
كان بالي هدف ولازم اوصله
كنت اسمع الاخبار من اسعد عن الدواعش اتخذو احد منازل
القريبه من منزلنه مقر
كنت اتمنى انا اروح واشعل النار بيهم لكن يلزموني
ومراح يحقق هدفي هل الشي
لهذا لازم اصبر

صعدت لغرفتي وكان اغلب وقتي اقضيه واني استعاد ذكرياتي
كيف اول مره شفته لحد اخر لحظه
مااكدر انساه كانما شريط ومايلحك ينتهي حتى ينعاد
ولك رضاوي اشتاقيتلك تعالي لو بالحلم مره
اشتاقيت لعيونك
صعبه صعبه اشتاق ومااشوافك
عاد بس طيفك لاتبخل علي بيه فدوه تعالي محتاجتك
اكثر من قبل
ماتت كل الحياة بعيني وعد ماارتاح اذا مااردلك
حقك ياعمري
ياربي اشتاقيت لاعندي قطعه من ملابسك واشمها
ظلت بس هل الصوره
ياريت الوكت ينعاد
مااريد افكدك
كبرت عمري بساع
من شفت جثتك
خليت الصوره جوى راسي ونمت

-خلي اشوفها من يوم صارت هاي السالفه واني
ماامن اتركها لوحدها صعدت ولكيتها بدون غطا
وايدها جوى المخده
خريتها وطلعت صوره
اشوفها كانت الاء وياه
بس ابتسامته غير سوده علي يمه
حتى فرحتج بسرعه تروح
والولد كان مثل الشمعه شكله اريحي
يمكن لو شفت الصوره وماادري بيه استشهد جان
كلبت الدنيا
بس كافي عليها لوعة قلبها
رجعت صورتها وغطيتها
ربي برد قلب بنيتي خليها تنسه
اموت من اشوفها دمعتها بطرف عينها
وحسرتها ماليه النفس

سعد /شبيج ماما احسج تعبانه ومهمومه ترى تفرج وماتظل
الحياة هجي

-اي ماما تفرج

الاء: فزيت من نومي وهم ماشفتك
ليش الفراك طاحلك مرتضى
اخذت التلفون واتصلت على الشيخ

-هلا بنتي هلا بالغاليه
-عمو هم اجه طيف مرتضى الك ماقابل يجيني
عمو اذا زرته احجيله عني
كله لليوم مانشفت دمعت عيني
كله باقيه للوعد وماتخلف وياك

-كافي عمو رحمي نفسج ورحميني اذا تحبينه من صدك اقريله
الفاتحه مابيدنا شي الله راده

-اووووووف عمو اريد رقم المسؤول
عن مرتضى الي اكبر منه بس كون شخص امين مو يخدعني

-شلج بيه يابنت الناس
-عمو اريد ابرد قلبي وقلبك
انطيني رقم

- وشلون فهميني
-عمو راح تسمع بس انطيني الرقم
وارسلي الرقم ورى ماغلقت التلفون
كان رقم احد الضباط الشرفاء

الو
-منو
- ابو محمد موصح
-اي منو وياي
-اني قريبة الشهيد مرتضى
-اعتذر البقاء بحياتك
-تسلم استاذ اريد اطلب منك طلب بس مااريدك تردني
-كولي اذا اكدر من عيوني مو شويه عندي مرتضى
-اريد اشتغل وياكم انطوني فرصه
-وشلون هل الشي
-راح اعطيكم معلومات عن تجمعات داعش
-بس هذا راح يعرضج للخطر

-لاتخاف عني اصلا روحي ميته ومااخاف من الموت
بس هل الشي حيكون سري بيني وبينك يعني مااريد اي بشر يعرف اني اعطي معلومات

-متاكده انت من الشي الي تكولينه
-اي متاكده وهذا بداية عملنا
راح انطيك عنوان تكدر توصله وتتاكد معلوماتي صحيحه

-ان شاء الله راح اخلي ثقه واعتمد عليج
اقمت اتصالاتي وتوجهنه للمكان
قمنا برمي عشوائي

-الله اكبر
الجيش الصفوي يحاصرنا
لاتجعلوهم يعتقلونكم

الاء :سمعت الرمي واني لازمه الصوره وابتسم
وصار انفجار بس كنت اريد اطمئن
الي ماتو الدواعش مو الجيش لان اذا الجيش حتكون خساره
كبرى الي
نزلت
اكلك سعد شنو الي صار
-يمكن صارت مواجهه مانكدرنعرف الاخبار
هسه
-بس اني راح اعرف صعدت وكانت عيوني جامده
اتصلت على ابو محمد واني لازمه قلبي
الو
-هلا
-ابشر انطيني خبر يفرحني
-عفيه عليج صدك انت بطله وهسه اتاكدت انت تقربين لمرتضى
لان نفس شجاعته ماكان يخاف من شي
قتلنا اكثر من 50عنصر من الدواعش

-الحمد لله
اني مستعده اعطيكم بعد معلومات اذا تردون
بعد يوم انشر الخبر

-لا تكولين الخبر الي نقل الج ايد بيه
- هذا شي قليل ممكن اقدمه
واني مستمره ماطول نفس بيه

-والنعم منج يااصيله

-ماما الاء بسرعه بدلي ونزلس
-استاذن عمو ماما تصيحلي لازم اشوفه
سديت التلفون وركضت
من طرف الدرج صحت
بلي يوم
-بسرعه بدلي راح نروح لاختج
-روحو انتم اني مااروح
-ولج راح نظل عدهم فتره امشي بسرعه
ماطول ابوج يريد هجي
-اهووووو شعدنه رايحين ماالي خلك
جريت بدله سوده ولبست عليها شال زيتوني واخذت جنطه صغيره
طلعت
واني انزل
اتذكرت نسيت الصوره
رجعت مثل مضيعه طفلها
اسفه حبيبي خليتها با

لجنطه ونزلت

سعد :بابا اني اسوق
-لااخاف عليك اني اسوق وكلشي سهل
الاء:كان الطريق يعيد والدخان والدمار بكل مكان اصبح ارض الموصل التي كانت رمز للطبيعه والحياة
ارض ميته جرداء مسلوبه منها الحياة

-يمه هذول شنو
-بابا هذول سيطرة دواعش
-لاتخافون ماعدنه شي خلي اموركم طبيعيه
الاء :اتذكرت التلفون طلعته بسرعه واني مرتبكه رسلت رساله لابو محمد لايتصل ولايرسل اني قريبه من الدواعش
مسحت الاسماء والرسائل والسجلات
وبابا يقترب واني حسيت راح انكشف

-وكف وكف
نزلو
-يمه وليدي ماما تركه ماعنده شي
-اسكتي فتشوهم
الاء:فتشو اهلي وبعدهم اشرولنه ننزل
وصاحو لنساء كانو ملابسهم سوداء ومايباوعون بوجوهنا
-اسحبس الحقائب واعطيني اياهم

الاء:اخذو جنطي الي بيها كل روحي
فتحو جزدان ماما ورجعوه الها
فتح حقيبتي واول مااخذ الصوره
هذا ايش هذا منو
-سيدي هذا رافضي
-اجيبي هل هو رافضي
الاء:كانت نظراتي متوجهه لبابا الي ظل مايكدر يباوع بوجهي بعد ماانتبه للصوره وهما يوجهوها الي

التمو علي وهما يكررون نفس السؤال
-يااخي ماكو فرق بينه وبينهم احنه اسلام
مثل ماانتم تكولون الله اكبر
هما هم الهم الله ويكولون الله واكبر احنه اخوان

-ايش تحكي هاي الملحده
-تعدم فورآ
الاء:بابا كعد ماظل يكدر يسند نفسه وايده على راسه

-يمه لولو عدموني ولا بنتي
مامسويه شي حرام عليكم تركوها

-ابنتكي ملحده ياامرأه كيف تقبليها وانت امرأه مسلمه
انت من يجب ان تسلميها لنا

-يمه الاء احجي كولي شي
لاتسكتين
-ماما مااكذب ولايمكن انكر هذا الانسان
ماما كبل خلت ايدها على حلكي

-ولج سكتي راح تموتيني
-خلص راح اموت وارتاحو ادري اني سببتلكم هوايه اذيه
بس انتهت
ان شاء الله

-مع الاسف انت بنتي
واني الي ربيتج معقوله غلطت بتربيتج

الاء:ادخلوني مكان الرائحه لاتوصف والقذاره بكل مكان
وظلو يختارون طريقة اعدامي
في يقولون ذبحآ فهي مشركه
والبعض رميآ بالرصاص

نظرت الى الدنيا بنظرة وداع لقد اخذت منكي مايكفي
لجعل عالم بااسره حزين

-لحظه وين موديها هذي
-للغرفه مظلمه يوم غدآ ينفذ اعدامها
واهلها يستلمون الجثه ويذهبون

-لحظه شنو جريمتها
-التقطت صوره مع ملحد وتعتبره مسلم ولم تتنازل ابد
-لكن هذا لايعتبر جريمه لمجرد التقاط صوره
صورة من هذه يافتاة
-شخص سلب روحي وقد تم قتله من قبلكم
-اذا الشخص قد توفي يكفي لهل ىالذكره لتعيش معها
هذا اقسه عقوبه بدل من الذبح اتركوها
-هل تعقل ماتقول تطلق صراح ملحده
-نحن لم ناتي لنستمر بذبح النساء يكفي من سيوفنا ملئها دم الاطفال والنساء فالرجال تقاتل رجال
اتركوها

-بسرعه اذهبي قبل ان اغير رئيي
الاء:بعد مانطقت بالشهاده اعترض طريقي
شخص وابطل حكم الاعدام بحقي
لااعرف هل هو سبب ليجعل في داخلي حياة

-لج ماما طلعوج مااذوج مابيج شي
-مابيه شي
اقتربت يم بابا
خله ايده بوجهي ودار وجهه وصعد وظل هذا حال ابي لاشهر
واخيرآ رايت بالمنام طيف مرتضى فرح ومبتسم
وقد جعلني بااحضانه
-لولي كافي انسيني اني احبج

هذي اخر كلمات سمعتها لكن لم انساه لهذا اليوم
ولان انساه عمري كله طالما حييت
مرت سنين وقد تحررت الموصل ولم اقبل باي رجل يشاركني
بحياتي لان حياتي عباره عن ذكريات واني ارى مرتضى في كل جندي في كل عسكري
في كل صرخة ام وتشييع شهيد فكيف ساانساك
ستبقى في داخلي
ولن انساك
احبك

.....................

نعم هناك نوع مخلص من النساء الى درجه لا يمكن البعض ان يفهمها
هذا الحب الصادق الحب الحقيقي حتى وهو في احضان الارض
لم تقبل بان تستسلم لموته
جعلت منه ذكرى للشجاعه التي تعلمتها منه

ا

[ملكةه]

ارائكم بالقصه