هنا

[ملكةه]

الحب لايعرف القوانين

حكاية حب من والواقع

مجرد صدفه تجعل طريقنا يستمر
رغم جميع الصعوبات
لكن هل سينتصر هذا الحب ام لا
تابعوني

[ملكةه]

معذبتــــــي
عاهدتك. يــوما لـن اتــركك
وعهدتني. انك لن. تنسـيني
وكنت. لك.
واحة. ربيعك
.وكنت. لي بركان.
احزاني
فذبت. نبضات. قلبك. عشقا
.ولكنك. انت. من. ابكاني
امرت. قلبي. مرات. ومرات
ان. يرحل. بعيدا عنك. ولكن. قلبي اباء و.عصاني

قصتنه من محافظة الموصل الحبيبه بداية احتلال الموصل من قبل داعش
سجلت لدينا كثير من القصص
نتحدث شوي عن بطلة القصه
اسمها الاء
لولي ممكن تعرفين المتابعين

الاء؛اي ليش لا
اسمي الاء يدلعوني لولي
طالبة سادس اعدادي
متوسطة الطول شعري اسود كثيف وعيوني وسط لكن مفتوحات بشكل جميل بشرتي بيضاء
عائلتي من 4نفرات اخوي سعد وماما وبابا
اختي اكبر مني متزوجه بالمدينه
بيتنه طابقين اخوي عنده اسواق بالبيت
..........................

-لولي حبيبتي كومي عندج امتحان مايصير هجي انا تعبت بعد مابيه اصعد

الاء:اووووووووف كعدت ياربي مابيه اكوم
خلي اخذلي شوية غفه نعسانه
فتحت عيني
يمه الساعه سبعه وربع
وانا لازم سبعه ونص بالقاعه واركض انزع ملابسي وايد افرش اسناني وواغسل وجهي لبست على السريع اخذت المحفظه

ماما فدوه ادعيلي
-شلون بيج لاشربتي كلاص الحليب لااكلتي
الله يوفقج يمه
الهي لاتضيع تعب بنتي

الاء:امشي واعدل بتنورتي وقميصي جني مخبله
بدلت حتى مشفت نفسي شلون
رفعت عيني كبالي صار عسكري
خجلت انفضحت ياربي اعدل ملابسي كدام الناس

وصلت للامتحان كان بوقتها عندي امتحان احياء
وبيه طبع مااجاوب اذا مااراجع كلشي مااتذكر
ياربي مااريد بس انجح لاتخليني اظل بالسادس
مابيه بعد قابل بأي شي المهم انجح

الحمد لله مصفطه لولي بالامتحان
الله يستتر
عفت صديقاتي يحلون الاسئله وانا افكر اذا اظل مااكعد واراجع
معناته معدلي زفت وماظلي
بس امتحانين

نور:اوكفي شبيج الاء ادري
شنو عاشكه ليش ماكعدتي ويانه وتمشين وبغير عالم

الاء :يمعوده خليني بحالي
انتو مجاوبات انا كلشي ماكو

نور:هاي ليش هجي انت مستواج زين شبيج هجي

الاء :لج نور بس نايمه ماادري شبيه
والله كلش مقهوره على روحي
يالله اروح انت لاتشغلين بالج روحي درسي
امشي قربت اوصل للبيت
طبعآ كدام بيتنا مدرسه مسويها قاعه امتحانيه
ونفس العسكري شفته
اجت عيني بعينه
ابتسم
عزه خلي ادخل للبيت بسرعه اشو هذا يبتسم

-بشري ماما شلونج
الاء :شلوني صخام ولطام
صعدت بسرعه صار عندي فضول اشوف هذا
العسكري ليش يبتسم
اكيد يضحك علي من ورى بهذلة الصبح
سحب البرده
واشوفه يكلم صديقه رشيق وطويل جسمه مفتول
وشعره اسود مرفوع دار وجهه
عزه نصيت نفسي لجوى الشباك
هذا شافني ظليت امشي واني منصيه خليت نفسي على
الفراش

-شلون احنه بلولي كومي
ماكو غير هذا
جك مي بارد ورشيتها موتيني

الاء:اه ا نفسي ظل بصعوبه يطلع
صدك جذب هجي تكعديني
قابل طفله انا
-كومي بدلي وتغدي وكعدي مايصير هجي
عذبتيني

الاء ؛اوووف نزعت ملابسي ولبست بجامه
ونزلت
شنو الغده اكلب بالجدوره
شفت ماما مسويه برياني لحم وسوب
اوووف الريحه تموت
خليتلي صحن جبير وكعدت اكل

-عود صدك لاانتظرتي اب ولااخ شنو انت
الاء:ماما انا جوعانه وبدون ريوك ومااريد اسد جوعتي
خليني اتهنى بالكمه

غسلت صحني وصعدت اركض
عود ماما من تكملون صيحيلي

جريت البرده ملكيت احد
شكد غبيه انا اكيد راح غير مركز امتحاني
خلي اكعد ادرس احسن الي
مااشوف الا الدنيا ليل
نزلت بسرعه عود اغسل الماعيين لكيت ماما
مسويه كل شي حتى العشه محظرته

-اكلج ماما لولي طلعي شغلي الماطور خلي نرتس مي

الاء:طلعت اشغل واسمع واحد يحجي ويه سعد اخوي

-لك سعودي اريد رقمك اتصل عليك احتاج رصيد
سعد :شمد تشتري رصيد
ولك خاف عندك وحده
-الله الشاهد علي ماعندي غير اهلي الي عفتهم
والله عاجبتني مصلاويه بس بعد كلشي مااعرف عنها

الاء:معقوله الي افكر بيه لاهذا دليل على ان عقلي تعب
بعد ميفكر
ركضت صعدت فوك علمود اشوف منو يطلع من المحل

-صخام بتي عقلها راح من ورى الدراسه
ظلت ياصاعده يانا زله

الاء: جريت البرده شويه مخليتها فتحه يشوفني احد منها
معقوله
هو نفسه
واليحجي عليها اني
لامامعقوله مره وحده شافني
اووووف هسه اني شلي غرض بيه خلي اركز بالصخام
وظليت ادرس لل12نمت وانا كاعده
والكتاب بحظني
-خطيه بعد مااكعدها الفجر خلي ترتاح
سحبت الكتاب وعدلت راسها وغطيتها

الاء :فزيت اكو ضوى برى
باوعت للساعه ب7وخمسه اهوووووو
يوووووم يووووم

-شبيج شصاير

الاء:كعدت بالارض تربعت وابجي
لج يوم موكتلج كعديني ليش هجي

-ياه صدك عود كاعده تتبجبجين جان بدلتي وقريتي بسرعه

الاء :لج يوم شلون الحك كوليلي
-شو كومي
جريتها وديتها للحمام
راح تموتني هل البنيه

شوي وطلعت تركض راحت
للدوام ربي

سهل عليها الصعب
بجاه الحبيب محمد

الاء:اي اليوم الاسئله سهله جاوب

ت عليها بسرعه بس مطلعت
كعدت اراجع اراجع
احد ماصاحو المراقبين ترى وقت الامتحان خلص
الحمد لله اول يوم اطلع مرتاحه

من اقتربت من بيتنا قلبي ظل يدوك
هسه اشوفه دنكت وظليت امشي سريع
ماحسيت احد وراي
التفتت ماكو
هههههه شكد ثوله اني خلي امشي براحتي

-كلي ياحلو منين الله جابك
كلي ياحلو منين الله جابك

خزن جرح قلبي من عذابك
خزن جرح قلبي من عذابك
الاء:التفتت
هو ياربي ظليت امشي عدل بدون ماالتفت عليه
اكولك لش ملاحكني

-عاشك وهايم بالظهاري
الاء:عندي اخو واب يكطعوك اذا شافوك
-خلي يكطعوني بس يخلون قطعي يمج

الاء : الله يخليك روح
- بس كوليلي اسمج واروح
الاء:اني الاء
ضحكت عيونه كحياله ورموشه ثخان
وكانت نظراته الي مثل السهم الي اجه بنص قلبي
سرعت مشيتي

-هههههه لاتشردين وراج وراج
الاء :دخلت شفت امي كبالي
‎شكد احبج
وجهج خير يومي كله حلو

-صلوات على محمد
اليوم وجهج يضحك بشريني

الاء:مجاوبه
يوم والله اريد بس انجح ادعيلي

-ان شاء الله يالله يفوحج ويفرحنا

الاء :اكول يوم وين محمد ماكو المحل مقفول
-اي يوم يكول تعبت دخل نام
صعدت تركض
اووووف يالولي ماكدرت تكمل المنهج بسبب داعش واضطربة الاوضاع وانخلف عليها تدخل دورات
هم حظج شنسوي

الاء:فتحت ااشباك
وشفته واكف هل المره ماشردت ولاخفيت روحي
مااعرف اتشجعت وكفت وابتسم عيونه الهم سحر خاص ايخليج
تحبينه اكثر
مااعرف انجذبت اله ابتسمت
انابهتله اياشر بيده
يعني روحر روحي
سديت الشباك سمعت الباب ندك
بابا
هههههههه اووووف لك انت منين طاعتلي
هسه وكتك ماادري
انا اريد عقلي يشتغل نوب قلبي اشتغل
ظليت عندي امتحانين

وعدو سلامات
خلصت شلت الكتاب ورجعت رغم كلشي والصعوبه والدراسه
والتعب بس لحظة تطلع من اخر امتحان
كانما متحرر
ظلينا نسولف ونضحك وتودعنا

-اكول بعد مااشوفج شلون
الاء:هذا صوت العسكري خفت التفت واشوفه
ليش منو انت

-يعني تردين اسمي
الاء:سكتت نصيت راسي وابتسم
-اسمي مرتضى ثكيل بس تكدرين تدلعيني

الاء:ضحك وانبهت على نفسي رجعت امشي
- الاء لحظه بس اوكفي دقيقه والله مااثر عليج

الاء:وكفت تفضل
مو وكفت طلب منه وانما وكفت لان قلبي ظل يوجعني من كلي مااشوفج بعدني ماعرفته يروح

مرتضى: اي شي اكدر اتواصل وياج منه
الاء:نصيت راسي
حيل خجلت مشيت ومارديت عليه

مرتضى :اتوقعت مترديني
المهم انا راجع لاهلياذا قلبج يحن رقمي عند محمد

الاء :هو ظل واكف وانا امشي
ظل يعلي صوته
من كلي راجع ضجت
شلون اتصل وانا حتى تلفون ماعندي
روح ياعيني الله وياك مامقسوملنا نتقاسم مشاعرنه
من البدايه ابتعدت

مرتضى :الاء
الاء:شكو تصيح بااسمي
مرتضى :ضجتي لان راح اروح
بس كوليلي شي والغي استراحتي

الاء:من وين انتَ
مرتضى :معناته ترديني ابقى
اني من ال

..............

[ملكةه]

.......................
مرتضى :هلا هلا معناته ماترديني اروح
اني من النجف

الاء:كل الهلا بيك استاذن
مرتضى :يعني اروح لو لا

الاء:مشيت وظل كل شوي يصيح اي لو لا
اني امشي وابتسم
اي لاتروح جاوبت وكان كلشي يرجف بيه سمعت الحب اول شي حيكون ارتباك ومتعرفين شتسوين حتكونين ضايعه
معقوله حبيته
معقوله استسلمتي يالولي
ابتسمت شسوي موبيدي قلبي لوحده يغني
اوووف يامرتضى اسمك صعب
الله يستر من التالي
خلصت الامتحانات وانسد المركز الامتحاني
وصارت شوفتي لمرتضى صعبه حتى الشباك مااشتهي افتحه
مر خمس ايام وانا ماحاجيه وياه ولاشايفته
احس ضايعه

سعد :لولي حبي اغسل وارجع جوعان خليلي عشه
الاء:ترك التلفون على الميز وراح
كعدت اقليله بطاطا وتلفون يدوك
اباو اشوف مرتضى
اويلي غير نسيت البطاطا بالزيت واتبسمرت مااعرفت شسوي ارد عليه بس خاف يجي سعد
صفنت سعد دائمآ من ينام يترك التلفون بالصاله علو الشحن يكول ميصير يضر اذا يمي
المهم اجتلي فكره
خلي احظرله للعشه بسرعه

سعد :اشو خليتيلي اكل وكابلتيني

الاء:هههوالله صفنت ونسيت نفسي اكل
اعذرني خويه الله يعوضك
ههههههه
ظليت بغزفتي الوب شوكت ينام سعودي
سمعت ماما طفت الاضاءه معناته الكل نام
مشيت على كيف واخذته وصعدت

مرتضى هذا هو لكيته
رن اكثر من خمس دقايق رفعت التلفون
من اذني اريد اسده
واسمع رد

الو
-هلا منو وياي
الاء:انا الاء
مرتضى :شمرت الغطه وكمت اركض للشارع
في سبيل اكلمها بدون مااتقيد
لج اشتاقيتلج
الاء:شوكت تجي الموصل فاهيه بلياك
مرتضى :شنو شنو
عودي

الاء:لااكول الجو حلو عدنه

مرتضى :اروح فدوه للموصل واهلها
ومن باجر اني راجع
والله حسبالك ناسي شي

الاء:براحتك تنور الموصل
مرتضى :اكدر اسئل سؤال
الاء :براحتك تسئل

مرتضى : ليش اتصلتي علي
اتحبيني...معجبه شنوالموضوع لا تكوليلي اسئل عنج
لان اكوم اقهر بروحي تقبليها

-لا مااقبلها من اشوفك ارتاح نفسيتي تتغير
-اويلي اويلي لج شنو كون انت بين اديه
الا اموتج

-يعني شتسويلي ها
-لج والنبي احطج بقفص ويوميه انيمج على ايدي ومن اطلع احبسج
-شنو من كل عقلك تحجي هجي
-لولي
-نعم
-شايفه ابو الحسنين
-لا
-لج وامير المؤمنين احبج اموت عليج واخذج اله
-يعني شتقصد
-الي اقصده انا احبج وحبي مو لعب
اريدج مره الي وام بيتي
هجي وارجع واشوفج تتلكيني

-هههههه لاحك على هذا الحجي
يالله اروح خاف يكعد سعد ويكشف التلفون عندي
وتصير مشكله

-ماودي اسده تعرفين صوتج يجنن
-يالله سده
-لج شبيج الحجي اجره جر منج جر
يالله باي

الاء :ركضت نزلت التلفون وركبته
ورجعت صعدت على اطراف اصابعي
اووووووف صوته يوديني لغير عالم حتى لو ماكان مستقبلي صعب وياه مااريد اخرب اي لحظه اعيشه وياه
لان شفت بعيونه الحب الصادق الي مشفته بغيره

-صارت الساعه 12الظهر ولولي ماكاعده
شلون بيها هاي البنيه بالنوم
اصعد امري لله
فقراتي مابيه حيل كوى اصعد لو عندي غرفه جوى فلااصعدها

كعدي الاء
-ماما نعسانه شتردين مني
-لج ماما العكده وكثرت النوم للبينيه موحلوه
الحركه تحرك دمج وزينه الج

-ماما نعسانه اني لل.. ردت اكلها ظليت لل2بعدين سكتت
-كومي
-كمت كمت
وبديت اشتغل واساعد ماما
ظليت بين يوم ويوم اتصل مره من بابا ومره من اخويه
علمود لايحسون
مرتضى يوم عن يوم احبه لدرجه الجنون
انسان مؤدب ومحترم الكل خلال مكالمتي وياه اكتشفت بيه طباع كثير حلوه

وانتظر الليل يجي احسبلها بالساعات علمود اسمع صوته
-الو
-هلو حبيبتي
-شلونك رضاوي
-سبع فدوات يروح الج رضاوي
-ههههههه
-لج شلون ضحكه هسه تكعد البيت علينا يمعوده على كيف ضحكي
-اوكف شوي
-ها شكو
-رحت ضحكت واجيت
-ههههه ولج تستهزءين بكلامي
يالله لولي
-وين
-اريد اروح انام
-ردت اكله شنو مليت من صوتي ومني
بعدين كلت ميصير اعاتبه معناته انا ضجت المفروض من كيفه يحس هذا خطأ

اوكي تصبح على خير
لو تدري شكد انتظر الليل علمود اسمع صوتك
اروح انام احسن الي هسه شلعت قلبي
وارتاحيت يامرتضى
نمت وفزيت مرعوبه على صوت ضربه
استغفر الله يمتى الله يفكنه من داعش
جريت الغطه اريد ارجع انام ضربه ثانيه
بس هذا مو صوت انفجار كمت فتحت الشباك
واشوف مرتضى لابس عسكري اوووي فديته شلون لايكتله الملابس لازم حجار وجاي يرفعها

-هوب على كيفك
ههههههههه
-لج احتركو عشيرتج المنطقه راح تكعد على صوتج
روحي بس حبيت تعرفين اجيت
باوعت للساعه ب6اكيد سعد نايم خلي اخذ التلفون واحاجيه

نزلت بسرعه
-اكلج الاء سمعتي الصوت
-تبسمرت بمكاني
الحمد الله جريت نفس زين ماوصل

ت للتلفون وشافتني
اي ماما صوت رمي بس بعيد

-الله يحرسنه
لاتخافين بنتي رجعي نامي شوي ونكعد
-اي ماما
انتظرتها دارت وشمرته بالجيب مال بجامه
-الو
-هلا باام الو
شلونج حبيبتي
-ماتدري شلون فرحت من شفتك رغم جنت ضايجه من وراك
-اها رضاوي يضوجج شكد بلا ذوق واخلاق

-شلون تكلي يالله اريد انام وتدري بيه ليلي اكلب نهار علمودك
-لاحبي كلشي ولاتضوجين ردت افاجئج واشوف بعيني شمد تحبيني
الاء حبييي شنو اختفى صوتج
وينك
-نعم موجوده
-مارديتي علي شكد تحبيني شبيج ليش هل السكوت
-ماادري
-شنو الي ماتدرين
-ماادري احس مولائق اكلك بهجي شي
-شبيج اريد مشاعرج كولي بقلبج بس ماعليج بغير شي
هسه اني اول مشفتج عيوني ماكدرت اسدهن تخبلت عليج
وحبيت بساطتج وطبيعتج

-اني هم عجبتني وظليت مااكدر بلياك
-اي ويعني شنو
-يعني انت محبوب
-لج مشاعرج شنو بطيتي قلبي شتحسين اتجاهي الوه
-احبك واموت عليك
الو وينك رضاوي
-ولج قلبي وكف واستوه رجع
-هههههه يعني محاجه اكلك احبك اذا اني مااكدر بلياك
واشتاقلك باللحظات شنو معناتها
اكيد احبك

-اووووووف بويه الجو اشتعل من اشتعلو اهلج روحي نزلي التلفون راح اهجم بحماسه نزلونه لازم نواجه

-دير بالك حبي
-ولج كافي تدرين هسه اذا يرمون على ترجع عليهم
صرت حديد
اموت على ربج الاء
حبيبتي بالليل انتظرج مو تنسيني
-انسه روحي ولاانساك
محروس بالله والنبي
دير بالك على روحك يالله سدي

سديته بسرعه مسحت المكالمه وقفلته نزلت كاعدين
اهلي درت ظهري ودفعته على الميز
سويت كوب حليب وكعدت اتريك وياهم

-اول تالي لولي تكعد يمنه وتتريك

الاء:لولي منا ولاخ حتشوفوني غير
شلت الاكل عزلته ونزلت الستائر

-يمه الشطاره شهل النداره الي نازله علينه
اي يوميه هجي كولي ماما تعبانه
اساعدها

الاء:خلصت شغلي وصعدت ياربي شلون
اريد اسمع صوته
اوووووف ظليت افتر رايحه جايه
كل شوي اباوع اكول بالكي يمر
صار العصر الجو يجنن
نزلت سويت كيكه وخلطت عصير مشمش

-عاشت ايدج بنتي اليوم صايره ام بيت
-وانت العايش بابا
اريد منك طلب سويه الي كلش ضايجه
-كولي بنتي شنو هو
-اريد تلفون اخابر صديقاتي اسولف ليش كاعده لوحدي

-بنتي الدنيا مو خوش دنيا يولي التلفون
من تحتاجين شي كوليلي انطيج التلفون

الاء:عود ليش هجي انا من دون البنات بس يمي الدنيا ماتتامن
-ولح سكتي هذا ابوج شلون هجي تجاوبيه
الاء:ضجت اخذت قطعة كيك وعصير
سويتلهم حسبالي يشترولي
خلي اروح اكل لوحدي مو مال واحد يكعد يمهم
يخافون ويخافون ادري شنو بس اني مليت
صعدت ومانزلت اذن واني فوك كالبه بوزي


مرتضى : خلصت ومريت على سعد
اشتريت حلويات التهي بيها لليل
يالله سعودي اني رايح بس اريد منك تحصلي مكان قريب عليكم
-شلك بيه
مرتضى :والله ياسعودي اني افكر استقر شوي
هنا مو كل اسبوع اروح لاهلي تدري الطريق خطر والسفر متعب
وامي وابوي مايقبلون اروح وارجع كل ساع

-بس هجي مصرف زايد عليك
-ليش خويه الاجارات كلش رخصت لان الاغلبيه يطلعون منو ياجر
-اي صح بهاي وياك الحق

مرتضى :طلعت وانا عيني على الشباك مال غرفة الاء
صحت مو تنساااني سعودي

الاء:كمزت صوت رضاوي ركضت شفته
غمزلي رديت البرده واني بسعاده محد يكدر يوصفها
شلون انساك وانت بالقلب ساكن

................

ليالي العاشقين نهار
منهم يعيش بعذاب والم
ومنهم يكون الليل افضل الاوقات لتبادل المشاعر
اي منهم انت ؟

[ملكةه]

3

ظليت انتظرهم ينامون كل شوي ااروح وارجع
وماكو كاعدين
ياربي هاي مو حاله لشوكت اظل هجي
لازم اشوفلي حل
مااكدر هجي اظل سمعت ردت الباب لسعد
نزلت نص الدرج شفت هدوء
نزلت بسرعه وانلوت رجلي
خليت ايدي على حلكي وابجي
اريد اصعد مااكدر
كعدت على الدرج
ورسلت مسج لمرتضى
(حبي مااكدر اتصل اليوم رجلي انلوت وهياتني انام بصاله
مااكدر اصعد رد علي علمود اطمئن ماترسل بعد ارجع التلفون مشاقتلك بس مامقسوملي اسمع صوتك )

- سلامتج لولي غير على كيفج تنزلين ياعيني
ان شاء الله اخر يوم هجي تتبهذلين
من باجر اجيبلج احلى تلفون روحي ونامي راح يظل بالي يمج
الله وياج


الاء :مسحت الرسائل ورجعت التلفون امشي والزم شي
رجلي موتتني اااخ مااتحمل بعد
احسها راح تنكسر اريد ارفعها علو القنفه مااكدر
اااااااااخ ماما لحكيني

اجو كلهم يركضون على صوتي
-شبيج ماما ليش هنا شنو صاير

الاء:ماما رجلي انلوت راح اموت
سعد رفع رجلي وانا اصرخ
وامي ظلت تدهنلي وتفرك رجلي
لحد ماحسيت بحراره و هدئ الالم تمددت وماما غطتني
صحيت مقهوره لان ماسمعت صوت حبيبي

-هابنتي شلونج
-الحمد لله زينه كمت اتريك بس دمعتي بوسط عيني
اشتاقيتله اوووووف
لهل الدرجه تعلق بيه ليله وحده اثرت عليه
حاولت الهي نفسي بالشغل
ماما كملت شغلي راح اصعد

-بنتي عصر خاف يجيلنا احد وين رايحه
الاء: ماما اريد انام لحد يكعدني لو يجي الوزير
صعدت غيرت ملابسي وكعدت امشط شعري
ياربي اريد اسمع صوته صرت مثل المدمنه
الي من يقطعون عنها الشي تتخبل
لميت غراضي المطشره ورتبت الغرفه
خلي اطفي الضوى وانام
شوي وسمعت ضربه بالجام
كمت اركض اكيد رضاوي
شفته اووووووف لوتدري ودي احضنك

-بصوت ناصي
نزلي لولو انتظرج
-تخبلت انت مااكدر اشوفك
-ولج نزلي
-عكر حواجبه وبعصبيه
وبدا يعلي صوته خفت لااحد يسمع ركضت نزلت
اريد افتح الباب
ولكيت كبالي تلفون مديت راسي مالكيته
ضحكت حبيبي اكيد مقهىر مثلي لان ماسمع صوتي
اخذت وتاكدت من ماما بالمطبخ ركضت فوك

-شبيج لولي ماما لاتصعدين هجي ماجزتي امس رجلج شصاير بيها

الاء: فتحت الكارتون وطلعت التلفون
شعلته كامل بيه شريحه ورصيد
فديته حبيبي من صدك فرحت بعد احتاج رقمه لازم اخذه
خليته على الشحن
شوي ورن ركضت عليه لايسمعه احد
الو
-ااااا خ قلبي شلون بيه ولج تعبان
-سلامة قلبك ياعمري شبيك
-صدكي ماالي خلك الدنيا لان ماسمعت صوتج وكلامج الي ينسيني الغربه ومعاناتها وياج انسه كلشي انسه حتى نفسي
شمسويتلي انت لهل الدرجه حبيتج

-يابعد قلبي واني اعشقك صدك انت اول شخص قلبي يرف
عليه احس حياتي صارت غير بدون طعم ولون بدونك
مااحس بشي

-حبيبتي هذا التلفون الج هو الوسيله الوحيده الي اكدر اتواصل وياج بيه لحد مايبدي الدوام
حاولي تحافظين عليه لان مااريد انحرم منج
دائمآ خليه صامت واخفيه ومن تتاكدين ماكو احد موجود يالله
تتصلين

-صار ان شاءالله
-ماتطلعين شوي اشوفج
-شتحجي انت تخبلت تريد احد يشوفنه
-اي والله تخبلت اريد اشوفج شوفي استوني رجعت وتعبان
بس تدرين الشي الوحيد الي يضيع تعبي هو شوفتج
وانت كيفج

-بس شلون اخاف يشوفوني
-باعي راح ادخل يم سعد اشتري واطلع
من اكلج طلعي معناته ماكو احد طلعي بسرعه
وها اخذي التلفون علمود اكدر احجي وياج
-اوكي
سديت التلفون واني خايفه وقلبي يدك خاف يشوفني احد
بس خطيه ابسط شي اقدمه اله شوفتي
وكفت كبال المرايا فتحت شعري
خليت حمره وردي
وررشيت عطر هههه اضحك على روحي خبلني رضاوي ارش المن هو جوى واني فوك
رمش ركضت فتحت الشباك
خطيه تعبان وملابسه العسكريه ثخينه بس ابتسامته الي
احسه توجني اميره

-اووووف يالولو ولج الجمال البيج ماشفته وعرفته
احسن عمري ضايع قبل مااعرف روحي حبيبي
لايشوفج احد

-رضاوي حبيبي احلى عسكري انت تدري وجهك يجنن
-يعني بس وجهي
-وقلبك
-وبعد
-وروحك
-بس هذول يعني الباقي موحلو
-هههههه لاعيني كلك على بعضك حلو
-يابويه لج اموت وادوخ بيج من تغازليني انت شوفتج وحدها مصبرتني على الضيم
يالله قلبي روحي بالليل اليوم اكلبه صبح وياج

-اوكي واني قابله ومستعده انسه النوم وانسه روحي وياك
-سدي التلفون
-مااسد
-احتركو اهلج سديه اخوج طلع
الاء دخلت بسرعه وقلبي يدك
اجالي مسج لاتخافين حبيبي ترى جان بالباب يعني ماطلع
ريحني الله يريحه دنيا واخره

نزلت سويت تبسي خليته بالفرن خلطت عصير طبيعي
سعد :اكلج الاء علنو النتائج

الاء:ليش كتلي مو جنت بواهسي
ماما ادعيلي فدوه
-والله اني حاسه انت ناجحه

سعد :هسه جماعتي كلها تبحث شوي وينطونه
واني احجي وياها اجت اتصال

ضحك سعد
ناحجه الاء
-كلللللللللوش كلللللللوش
سعد :بس بمعدل 60

الاء: صدك خويه تحجي يامعدل بس خلي اطلع

من السادس
-اي الحمد لله طلعت من السادس خطيه
تعبت

الاء:ودي اركص اليوم شفت حبيبي ونجحت واجالي تلفون
اليوم الحظ مالي

حظرت العشه سلطه وعصير وحلاوه وتبسي
-اليوم بنتي مبدعه
-وجهج يضوي اليوم
جه ماتدري ابو سعودي نجحت الاء

-اي هاي الاخبار الزينه الي تفتح النفس
الله يوفقج بنتي

الاء:ومااكلكم على النشاط الي صار عندي
خلصت شغلي بنص ساعه
وصعدت تعبانه طلعت ملابس
وسبحت اشوف نفسي يابعد انفاسي رضاوي
من شفتك بعثتلي السعاده

خليت التلفون كبالي
لان بدون صوت

ضوى قلبي يتصل

الو

حبيتك تنسيت النوم ياخوفي تنساني
حابسني برات النوم وتاركني سهرانه انا حبيتك حبيتك
حبيتك
مرتضى :الله. ولج شهل الصوت يخبل
-ههههه تضحك علي بس والله حبيت اغنيها الك
لان فرحانه
-لالا شنواضحك عليج وداعت امي صوتج خبلني
بعد شفكج مني ولج عروكي طلعو صحيتيني شرد النوم
كال خلي الحب يفيدك

-هههههه اذا هجي يوميه اغنيلك ياروحي
-تعالي فيروز الموصل شبيها فرحانه خير

-اول فرحه الي بتلفرن
والثانيه بشوفتك والثالثه نجحت
-صدك تحجين
الف مبروك ياعمري واخيرآ ياربي تخلص العطله واشبع شوف منج شوكت تطلعين تستلمين
اروح وياج افتهمتي

-ان شاء الله جنك بقلبي وتدري
اني شكد محتاجه اكعد يمك اشوفك كلامنا يصير مباشر
اكولك حبيبي احجيلي عنك اريد اعرف شنو
انت حياتي شلون عايشه اني يكفيني انت
بس من المحبه الي تزيد احب اعرف كلشي عنك
حتى شنو اكلك وشربك
-عائلتي جبيره 3ولد واربع بنات
وباب شيخ عشيره وجبير بين اهله وعمامه
ومعروفين انا الجبير بين عند ابوي
وامي انسانه طيبه لو تشوفج اطير بيج
يتمنون يزوجوني بس اني اكول بعد
وهسه من داومت اهنا خطيه لاتنام ولاتكعد
كله تفكيرها بيه

-خطيه من حقها تخاف صدك رضاوي اتركها ليش ماعندك شغل
جنت بالنجف
-ليش اني اشتغل هناك بشركه اهليه
ليش تكولين بطل
-اخاف عليك
-واذا بطلت عادي ماتشوفيني وابتعد عنج
-لاوالنبي اموت مااكدر بس حجيتها هجي مجامله للوالده
- اني وياج مااريد مجامله اريد كله صراحه
وعد ياالاء مااريد حتى لو بشقه تكذبين علي

-وليش اكذب عليك هاي شبيك
-ماعلي وعديني
-للموت يارضاوي ماانطق لو حرف بالكذب وياك
-يابعد حيل رضاوي وهسه قبل لاتنامين سمعيني
تغريدج

-هههههه لاغير وكت
-احبج واليحب بلوى ياالاء
وقلبي ماراد غيرج لالا
تعاي ارتمي بحضني ياويلاه
لوااحضنج اكسر اضلوعج بديه

-هههههههه صح لسانك ياروحي
-لج بس لساني
-اهوووووو شكد طماع
-يالله روحي نامي
-ماينطيني قلبي اسده بس ادري بيه وراه كعده خطيه يتعب
تصبح على خير حبيبي
وانت من اهله

............

[ملكةه]

4

الاء : مرت الاشهر حظرت الانسيابيه وكملتها وطلع قبولي معهد فني لازم اكمل معاملة تسجيل للمعهد بس اني انتظر مرتضى يرجع للموصل لان واعدته ما اسجل الا هو وياي
صارت كل حياتي ملك ايده مااكدر اتحمل اسوي شي الا هو يدري
واخذ رايه بكلشي هو كل حياتي واني همات كل حياته

مرتضى :هلو حبيبتي شلونج
الاء :الحمد لله بخير اشتاقيتلك
مرتضى :بس اني مافاركتج حتى هناك مكابل الاهل وكاعد
اراسلج
-مو حتى وانت تحجي وياي هم اشتاقلك
-هههه الله يخليج الي شنو اخبارج
-انتظرك توصل علمود انروح انسجل المعهد
-صدك تحجين واخيرآ راح اشوفج
صح جنتي قبل كبالي بس مكنت اعرف مشاعراتجاهي
وهسه حبي الج صار اضعاف

-شدكول باجر نروح
-اوكي انتظرج الصبح بداية الشارع
روحي نامي ورانه كعده
-ههههه مو تدلل
-تعالي اريد اسمع مقطع منج تدرين ليش
-ليش
-لان من اسمع صوتج تعبي يطير وحيلي يتجدد
-سهله
لو تعرف على غلاتك تعذر حنيني
كان الي بقلبي بكاه وارتاحت عيني
لكن عين الي تهواك مابتخليني
اتمرد لحظه مهما تنسيني
لو تعرف على قلبي غلاااااك غلاااااك تعذر حنيني

-شنو هل الصوت احتركو عشيرتج
ولج دمعو عيوني تدرين من اتزوجج شسوي
اخليج تغنيلي لحد ماانام
واصحه على صوتج لوتدرين شكذ متمني هل الوقت يجي

-مو تدلل بسيطه خلي تهدأ الاوضاع واستغل موهبتي
-اي خوش مو ماخذتلج طرطور ترديني اكعد ويه الجمهور واصفكلج
-شكو بيها غير تشجع حبيبتي وباجر عكبه تشتهر وياي
-شوفي وامير المؤمنين ادفنج بالنجف وازورج ولا اخليج
ترخصين صوتج لليسوى والمايسوى
-شبيك عيني شهل العصبيه
اني وبخدمتك عيوني انت
-اي هذا الحجي الي احب اسمعه يالله روحي نامي باجر من الصبح اني يمج

الاء:ههه فديته شلون يحبني ياربي مايتغير علي
ويبتعد عني اموت
غطيت راسي وسرحت بسابع نومه

مرتضى :هاي وينها صارت ب8ىنص وهي ماكو
خلي اتصل واشوف تاليتها شلون وياها
-الو
-هلاو
-استوج كاعده من النوم واني انشلع قلبي بهل الحر
-اووووو سوده عليه دقايق واكمل فاتتني النومه يالله حبيبي
مااطول عليك

لبست بنطرون اسود رتشيرت فانيلا اسود
وخليت مكياج وشال شمرته على شعري وودي فاتح

طلعت منصيه راسي
سعد:لحظه وين رايحه
الاء:اليوم التسجيل وامر على صديقتي هدى
ونروح

سعد :منو يوديكم
الاء:امها راح تروح ويانه
سعد :اي هجي نطمئن روحي الله وياج
الاء:هفففف متت الاشوي خلي اللحك رضاوي خطيه
وين هذا خلصت الشارع وهو ماكو

مرتضى:شفتها طلعت من منطقتهم واني
درت ركن اول ماوصلت سحبتها علي

-يمه هاي انت خرعتني
-تستاهلين يالله امشي مصعد بتكسي واعلمج بعدين
-صعدنه وصعد يمي خطيه كان عركان
صفنت عليه شلون شايل جمال
هجي الله يحبني وخلاه يحبني
التفت علي اني نصيت راسي

-شبيج تباوعين مو عيب متستحين تباوعين على ولد الناس
-اسكت السايق موجود شلت اكلينس
اخذه امسح وجهك

-اي والله من وراج شصار بيه
الكلينس مليان عطرها ماهان علي اذبه خليته بجيبي

الاء :اول ماوصلنه بنزلتي لزم ايدي حسيت
دمي جمد بمكانه
-شبيج ترجفين
شلون ايد اتخبل لو موترجفين مااتركج
-هو اني اريدك ماتتركني اني خايفه حيل عليك
-لاتخليني من باجر اجي اخطبج
-تحجي صدك
-اي والله اصلآ اهلي يكيفون بسرعه يجون محضرين عبيهم
-لاحبي بعدني صغيره وخلينه هجي شحلاتنه بس مااريدك تبتعد عني وعصرت ايده

-ولج انت روحي اكو واحد يعوف روحه بس الميت وتنسلب منه
اني اذا انسلبتي مني اموت
-اسم الله عليك
- تعالي بسرعه
-اخذني يجر بيه كعدني وكعد كبالي
-الاء مااريد هذا لبسج تلبسين قميص وتنوره اي واذا عبايه احسن
-شنو شنو شبيك انجنيت اني البس عبايه
يمعود اذا اخليها على راسي كل شوي اوكع
-وكع واني اشيلج لاصدك الاء مااتحمل غير يباوعلج
يعني اقتله تردين امشي واكتل بالناس
-اوكي طلاباتك اوامر ماالبس غير الي تريده
-لولة قلبي وعديني ماتتزوجين غيري ولا تنسيني لحظه
-لهل الدرجه تحبني مرتضى
-اي ليش تبجين ياعيني احبج اكثر من ماتتصورين
اشاره منج اكلب الدنيا
ولج اني اتمناج مرتي وانت تكوليلي لهل الدرجه تحبني
لاحب يوصف الي بداخلي الج
لج امنيتي البسج بدله
وتتلكيني باابتسامه وبطرف عينج كحله
تدرين من تبجي شتسوين
اوتموتيني عنج مااتخله

-مسحت دموعي وابتسمت لان كانت نضراته الي
كله حنيه
يالله رضاوي كوم خلي نخلص التسجيل علمود نرجع مااريد احد يشك بيه
-يالله مرتي
-هههههه خبل
-اي والله تخبلت بشوفتج احس نفسي مراهق 15سنه عمري
الاء:كملنا تسجيل وطلعت واني احس نفسي اسعد مخلوقه
من اكون يم مرتضى احس نفسي غير يحسسني
اني اميره وماكو احسن مني
الحمد لله علاقتنه كل ماالها تقوى مظل شي على الدوام

........
بعد مرور شهر
صباح الخير
-شبيج ماما اليوم اول يًوم الج معقوله هجي كوى تجرين بنفسج
ياماما شوفي البنات

-ماالي واهس اداوم كلش ماالي خلك
-ليش شكو شصاير
-لا ماكو شي
حقج ماتدرين اني بدون رضاوي ولاكانما عايشه
امس نزل لاهله واني كان ودي اول يوم ابديه وياه
بس يالله الهم حق اهله
غسلت لبست تنوره رصاصي رقميص ابيض وبيه تطريز وردي وشال وردي
ماكان عندي هلكد التزام بالحجاب بس لكون محتله محافظتنا من قبل داعش لازم اتقيد بالبس

-بنتي اصيح لسعودي يوديج
-لاماما هي مو يوم واحد واتقيد
بعدلي سنتين لازم اتعلم
اني صح حجيت ويه امي هجي بس خايفه الاوضاع موتمام
طلعت وظليت امشي علمود احصل باص
صعدت والتفكير ذابحني شلون راح اداوم وين راح اكعد
خليت عيني على الجام
-ممكن اكعد يمج
-درت وجهي واني ودي بس ارزله مالكه غيري
يكعد يمه

مرتضى ماسافرت
-حسيت بيج مقهوره وماانطاني قلبي اسافر واتزكج متبهذله
-لزمت ايده يابعد عمري يارضاوي
خليت راسي على كتفه هو اضخم مني والزي العسكري كنت افتخر فيها

-حبيبي وصلتي مااريد اجيبلج حجايه
روحي وديري بالج على نفسج كلشي ولااحد يحاجيج
لو ياذيج والله احركه حرك
-ادري بيك روح ياعيني وتسلم على كل شي
-طلعه ماتطلعين اذا مااني اجيج افتهمتي
-صار
-الله وياج
الاء:ههههه السعاده الي تنولد بوجود مرتضى لاتوصف ممكن ان تنسيني احزان الدنيا ظليت ادور
على قسمي لحد ماوجدته
اتعرفت على صديقه اسمها فاطمه
كانت وياي وين مااروح اتعلمت مرتضى يوصلني ويرجعني ومن يسافر يظل وياي على الخط لحد مااوصل

فاطمه :اكلج الاء هذا رافد بس يباوعلج
الاء:ميهمني
فاطمه :ولج هذا تدرين منو
الاء:كتلج ميهمني
-بكيفج بس يكون بعلمج البنات يركضون وراه سيارته تخبل
وابوه مسؤول ولج يتمنون يباوعلهم وانت انحمس من الشمس ماباوعتي بعينه

-الله يخليج فاطمه قلبي مقفول لاهو ولا غيره يفتحه ومفتاحه بيد واحد بس ربج يعلم بيه

-كيفج اني اريد مصلحتج
-مصلحتي اعرفها زين ويالله اني رايحه وكت طلعتي
يالله باي باجر اشوفج
مشيت سريع لان اتاخرت على مرتضى
رافد :هاي طلعت خلي الحكها عود شنو مسويه روحها لاابالي
وكفت بطريقها
مرحبا
-اهلا
-اكدر احجي وياج شوي
-لاوالله هسه اريد اطلع اعتذر
-مااخليج تتحركين اذا مااحاجيج
-اريد اوخر عنه ورفعت عيني والكه مرتضى كدامي

امشي مرتضى اتاخرت تركه
مرتضى :روحي انت اني مااتحرك مناه

الاء:ياربي هذا راح يفضحني
الله يخليك مرتضى امشي

مرتضى :يالله احجيلي شنو تريد تحجي وياها
-وانت منو حضرتك جاي تحاسبني بكيفي
-شو اوكف واتعلم شلون تحجي

الاء:اوووف منك مرتضى
ماكو الا احتال عليه يالله يسكت

.............
حلوه الغيره بالحب تحسسك فعلآ مراح تحتاج احد بوجود حبيبك
وتكون بالعكس في حالة زادت عن حدها

[ملكةه]

5

-لحكو هاي البنيه وكعت
مرتضى :التفتت شفت الاء واكعه لو روحي طفرت من مكانها
تركت الولد وركضت عليه غسلت وجهها بمي

شبيج لولي شبيج ولج موتيني
-مابيه شي بس تعبت وافترت الدنيا بعيني
-خاف حامل
-عزه بعينك منين احمل ماتكلي امشي نصعد ترى ماالي خلك سوالفك وتعال لاانسه احنه مو متفقين المعهد ماتقربله
شلون هجي تسوي شكولون علي ها

-يكولون الي يكولونه مااقبلها على عرضي واحد يتحرش بيه
لو ماحاسبتني رجال وينسد الظهر عليه

-لاعيني حاسبتك وزياده امشي امشي بس الله يستر من تاليها

-تاليها زفه وطبل
-ههههه الله كريم

وصلت واني امشي وعيني عليه اني بلياه مدري شيصير بيه
مدري اتنازل عن دراستي واخليه يخطبني
لا هي السنه خلصت وظلت سنه
اتحملها
بس حبي اله جاي يزيد واني هل الشي مخوفني حيل
تعلقي بيه موطبيعي

مرتضى :لازم انزل والعصر امر على بيتهم مو اله اشوفها
يكفي اشتم عطرها

-وين على الله اشو بالك كلش مو يمنه خاف شايفلك شوفه
-مو وكته هذا الحجي اروح وتلفوني موجود
-يمعود كل مايصير انذار انت ماموجود غير نعرف شنو فلمك
-اني قلبي داك انذار من اول مانزلت عيني يمتى ماتردوني
بس رنو تلفون تلكوني يمكم

ماعجبني اجيب سيرتها بين اصدقائي احسها عرضي
وشرفي وهي فعلا هل الشي هي مرتي واختي وكلشي بالنسبه الي
الله يسهل وتكمل هل السنه وارتاح

هلو سعودي
-هل حبيبي مرتضى شخبارك مبين تعبان
-اي والله ياخوي الانذارت مستمره والوضع للاسوء
والله يحمينا

-بطل انت وفخر الي متغربين وجايين تحمونه المفروض نفتح بيوتنه
ونكعدكم
-اي والله تسوي فضل
-صدك تحجي
-لاخويه اتشاقه وياك كفو منك وماتقصر
طلعت وعليت صوتي الله ويااااك سعودي

الاء:رضاوي ركضت سحبت البرده
اووووي فدوه لقلبك على هل الجمال الزي العسكري يخبل عليك

مرتضى :اموت بعيونها من تطل علي ضحكت ورجعت ارتاح

.....................،،.،،،،
بعد مرور ست اشهر

الاء :وصلت مرحله اخيره
وماظل شي واخلص

رغم الموصل احتلت لكن بعض المناطق لسه فيها حياة طبيعيه
مرتضى ابد مافاركني فقط الايام الي ينزل بيها لاهله

مرتضى : لولة قلبي اليوم لاتدخلين محاضرات
عندي حجي وياج
-بس حبيبي هاي نهاية المنهج لازم اركز
-براحتج غير يوم نحجي

-كام وهو مقهور ماكدرت اشوف هل النظره بيه
لزمت ايده اشرتله اكعد
-ومحاضراتج ؟؟؟
-تروح فدوه لبسطالك
-هلا هلا ولج لو تدرين شكد احبج
لدرجه
ودي احضنج
ابوسج
اشمج
بس لا والي خلقج ماجيس شعره منج غير بالحلال
-فدوه لقلبك واني هذا الشي متاكده منه لهذا
مأمنتلك روحي وقلبي وعقلي وكلشي عندي

- حبي سمعيني
اني حبيتج وحبي حب زواج
وكتلج اخطبج بس انت رفضتي
هسه اكولج اني اريد اتزوجج مااتحمل الطاقه العندي خلصت
رايدج مرتي وانت ماظلج بس ايام وتخلصين
بس كولي اي من باجر اجيب اهلي

-من كل عقلك اني ارفضك بس دراستي هي الي تخليني اتزوجك واني مطمئنه مستقبلي كمل وياك

-حبي اني ميهمني اصلج وفصلج كل اليهمني انت وبس
-شتقصد اصلج وفصلج

-قصدي الطوائف مختلفه عدنه بس قلوبنا متوحده
-شنو ليش اكو احد يعترض على الطوائف خاف اهلك يحجون
-لاقلبي اني كتلهم وهما يتانون حجايه مني
-صارت عندي فكره عن كلامك حبيبي ناجله لباجر لان عندي شاغر
-صار اني رايح ديري بالج على نفسج
-هههههه هاي شبيك طلاب اهنايه
-وشسويت هي بوسه وشمرتها بالهوى حرام ابوس الهوى
هم كولي حرام هااا
-لاحبيبي حلال بوس براحتك اروح اني

دخلت القسم واني حجي مرتضى يدور بالي
معقوله يعني يرفضون لامستحيل
بس ماانفتح هذا الموضوع قبل
اليوم اكعد يم ماما واشوفها شنو بالها عن هجي موضوع

طبعآ مااستفاديت شي من الدوام اني صح كاعده بالقاعه
بس قلبي بغير عالم
طلعت الساعه بالوحده
مكان الي يوكفلي بيه رضاوي ماكو
خلي اركب واتصل اشوفه شبيه
رفعت رجلي اصعد
-جم مره اكول اني من موجود ماتتحركين
-ضحكت ونصيت راسي كعد بصفي
اكولك مرتضى انت ليش ماتحسب حساب ناس موجوده تاخذ غير فكره عنه

-مايهمني اني انت الي لهذا مامتصرف شي غلط بس اخاف عليج

-واذا ماصارت قسمتنا
-شهل الحجي الي بدون معنى ماكو شي اسمه مايصير
اتزوجج اتزوجح
-اممممممم واذا ماصار وتعرقلت
-شبيج الاء ليش تفاولين علينه
-لاحبيبي ماردت اقهرك اتمازح وياك يابه اعتذر خليت
ايدي على ايده وعصرتها
مااكدر على زعلك انت روحي

-اي هذا الحجي الي يفتح النفس
يالله قلبي نزلي
-وانت َ ؟؟؟
-لاحبيبتي اني راجع اليوم انذار
-الله يحفظك ياروحي
رجعت للبيت وكنت ماناويه اظل فوك اريد احجي ويه ماما
لان خلص ماظل شي اريده يخطبني
الحب حلو وكل مايقوى تحس نفسك مدمن انقطع نفسك لازم تشتم انفاسه
اني بعد مااتحمل ابتعد عن مرتضى
حظرنه الغده
وتجمعنه مااعرف كيف صارت عندي الجرأه انو افتح هجي موضوع كد

ام الكل
اكولج ماما اذا شيعي اتزوج سنيه شنو المشكله

-شتقصدين
-لا مااقصد شي بس صديقتي اريد يتقدملها شخص شيعي
واهي خايفه
قاطعني بابا
-شوفي بنتي الافضل ان ياخذ من طائفته مالكه الا هاي
البنيه حبها
-بعد بابا حبها ويريد يتزوجها
-غلطان وهي شلون تقبل تاخذه
-ليش شنو الغلط بالمرضوع

سعد :اكلج الاء هذا مو موضوع تفتحينه على الاكل
واحنه شلنه غرض بيها طبها مرض اتزوجت لو لا
ميخصنه

-صح ميخصنه بس اني حابه اعرف شنو السبب
الي يعتبر غلط

-ماما كلمن وعقيدته هما عدهم عقيده احنه ماتستعقد بيها ونعتبرها
مخالفه النه وهما كذالك لهذا كلمن حر بعقيدته والله يحاسب
-وماطول الله يحاسب ليش نمنعهم
احجيواحس جسمي صار نار وايدي ترجف

-ااااااالاء هذا الموضوع مااحب ينفتح تفتهمتي

الاء:كام بابا وشمر الصحن وماما ظلت تخزرني
سعد ترك الاكل
واني احلامي كلها تحطمت معقوله لهل المرحله
بعدنه عايشين نتحكم بغيرنه بحجة طوائف وعقيده
بس اني اموت بليه مرتضى شسوي
اخذت الاكل والصحون غسلتهم وكل شوي يوكع صحن مني
كتمت الدمعه بداخل عيني بس قلبي يبجي
ليش من اريد اكمل حياتي تطلعلي عراقيل

صعدت بسرعه ملابسه كلها مي وعيوني كوى افتحها
اخذت التلفون اتصل على مرتضى

-هلا باام بيتي
-شوكت تنزل للنجف مرتضى
-شبيج ليش هجي صوتج صاير شي
كولي

-لاماصاير شي بس اريدك تنزل للنجف عندي موضوع وياك
-احتمال باجر بس احجي شنو الموضوع تدرين راح اتخبل
ولج اول مره هجي اسمع صوتي شبيج
جنتي تبجين

-ظل يصيح يحاول بس يحجيني بس مااحجي اخاف عليه وهو بالجبهه ينزل لاهله واكله
حبيبي مابيه شي تعبانه راسي يوجعني
بس كافي طولت هنا

-شسوي انذار احتمال باجر انزل وهسه ذبيتيلج حجايه راح تخليني هسه اطلع
-لا حبي الطريق يخوف باجر اطلع الصبح

-تخافين علي ؟
-ليش تشك انت بهل الشي لاتصدك اخاف على روحي اكثر من خوفي عليك
اني احبك
كلتها وتكسرت العبره بصدري شلون لهفتنه نكسرت بسبب
عقليات جاهليه رجعيه
لوتدري بيه شلون من داخل اغلي
اووووووووف شلون راح اكولك اني مااصيرلك مره
شلون مااكدر والله لساني ماينطقها
ولك بس انت رهمتلي
رضاوي
-عيون وقلب رضاوي
-انتَ وتيني
-وانت تيني يابعد تين العراق كله
-ههههههه موتين يابعد روحي وتيني الي قلبي مايعيش بلياك

................
اكيد الحب الحقيقي من صفاته الشجاعه
توقعاتكم منو الي يضعف ويحاول يستسلم

[ملكةه]

6

مرتضى :نزلت ثاني يوم لاهلي احاول اعرف شبيها ماترد علي
ماادري ليش احسها مامرتاحه صارلي سنتين وياها
مايوم صوتها كان بيه هل الحزن

-هلا مرتضى
يووم يوووم اجه مرتضى
-الحمد لله ربي ماتقصر قرت عيني بشوفته

تعال يمه ارتاح اصبلك غده
-لاماما اريد ارتاح انام شوي بعدين اكعد
-اي يمه ارتاح
- سبحت غيرت ملابسي وما كان همي شي بكد ماهمي يم الاء
الو
احجي شبيج ترى روحي طلعت
-سلامة روحك ياعيني وصلت
-اي وصلت بس فضيها شعلتي قلبي نار
-ارتاح وبعدين نحجي
-ااااالاءاحجي لاتخليني هسه بهل الظهريه ارجع واهدم البيت على راسج احجي

-يمه ابني شبيه خلي ادك الباب
ماما شبيك
-يوووم عوفيني بحالي بيه مرض
الاء:اعصابك
بس مااريد اضيك خلكك
تدري بيه شكد احبك ومتعلقه بيك يعني اذا اكول انت روحي جذبت
انت كلي
الي عرفته احنه من طائفتين مجان بالي هل الشي مهم
لكن من حجيت يم اهلي
عرفت اهلي ينجنون اذا اجيب طاري الشيعه

-اي وليون تردين توصلين حظرتج

-يعني اهلي مراح يتقبلوك
-شتحجين انت وين اكو هجي شي ولج احنه لو نريد الطائفيه
مااجينه ندافع عنكم وخلينه ارواحنه فداء
شنو سني شنو شيعي
ولج اني ميمشي عندي هل الحجي
انت الي لو احرك الدنيا كلها

-ماتحملت مجرد تفكير انو اكله ماافيدك يحرك قلبي
ااااااااااه ولك رضاوي اني اموت بلياك

-اذن هذا هو مااريد ينفتح هل الموضوع بعد افتهمتي
لاتبجييين انتِ ناويه علي اليوم
ولج والله اموت روحي ولاتصيرين لغيري افتهمتي

-اسم الله
حبي لاتجيب طاري الموت اموت قبلك اني
-روحي الاء دمي احترك خلي ارتاح كلش تعبت
-الله وياك
سديت التلفون ولأول مره احس مرتضى ماراضي علي
عصبته بس احسن علمود يعرف ماتفاجئ بشي

غطيت نفسي واحاول اهرب من كثر التفكير

-هاي شبيها البنيه صار الليل وهي نايمه
ولج لولو ماتكعدين ولج كعدي صار ليل

-تركيني نايمه لاتكعديني اصلآ مااتمنى اكعد خليني بحالي
-شبيها هاي شتحجي وتخربط
امري لله انزل واخليها ماادري شلون وياها
هاي البنيه كلش تعبتني

-ماما صيحو لاخوكم الدنيا ليل وهو حتى مااكل شي من جيته
-اي هسه اكعده بس اذا عصب علي اذبها براسج ماالي غرض
مرتضى مرتضى
اكعد تكول ماما

-شتردون خلوني نايم
روحي ولاتدخلين مره ثانيه هنا اكسر رجليج افتهمتي

-شكتلج اني مو ادري بيه من يتعب ميريد احد يكعده
-تركيه هسه يجي ابوه وهو يحجي وياه
ها اها اجه ابن الحلال بذكره
-هههه شخيرج جايبه طاريي

-مرتضى وصل الظهر
-اي الله يبشرج بالخير
-بس يارجال لكمه ماخله بحلكه ومايقبل انكعده واني قلبي متكطع عليه
-سهله فتحت الباب
اويلي الاب شلون تردله عافيته من يشوف ابنه وشايل اسمه
كدام عينه بخير وسلامه
كعدت يَمه
وتاليها وياك ياابو حسين ماتكعد تسلم على ابوك
مرتضى :فتحت عيني هذا ابوي
هلا بشيخ
مشتاق لريحتك يابويه
-تشتاقلك العافيه كوم بابا على مااغسل كابلني
وناكل سوى

-صار تامرني امر تاج راسي
طلع ابوب وجريت التلفون اجيت اكتب رساله ل الاء
بس ماعجبني ضعفها تركت التلفون وكمت غسلت وكعدت اتاني الوالد

-اي بس ابوك اله خاطر عندك والا اني وخواتك متنه واحنه نصيح
-والله يايمه كلكم خاطركم عزيز عندي بس الشيخ غير شكل
هذا اسمي وهيبتي هو
-الله يديمها عليكم ومايفرقكم بحق الحبيب محمد

-يالله بويه سمي واكل لان شوفتك كدامي تفتحلي نفسي
-واني جوعان والله جنك حاس بيه
اكلت وكملت تجيت نفسي على الحايط وسحبت جكاره

-ها خير ياابو حسين شبيك وجهك مايتفسر
-اي والله تعبان كلش
-شنو الي متعبك كول واحنه نعين
-كفو منك شيخ بس سالفتي غير عن السوالف الي تحلها
-افااا ليش جربت ومافاد
والله جنك مدوختك مره

-ههههههه شبيك يابه ظليت تقرأ الممحي
-شوف وجهك شلون تغير بويه احنه خبره بعد ابوك كولي شبيها وياك وليش مزعلتك
رفعت عيني للمره والبنات يكومون
ربيتهم على الاحترام ومانفتح هجب موضوع كدامهم

-شيخ دايخ ومحتار
-وليش محتار خايف ماتريدك
ليش اكو وحده عدها عقل تركك
-بابا رايدها مره الي
-اي الله يبشرك بالخير بس اشر عليها ومن باجر اجمعلك عمامك
صدك جذب هذا الي محيرك

-لابويه الي محيرني اهلها سنه ومو مثلنه ويعتبرونه
موثوبهم
-بويه رايد شورتي لو لا
-طبعآ وحجي فوك راسي
-اذا بس اعجاب و بالنسبه للمبادئ انت تاخذ من طائفتك راح يكون الاختلاف قليل بيناتكم ومتصافين على حب الله
بس اذا تحبها هاي غير سالفه نكتر كلشي على صفحه لان
ماطول واحد يحب لاخ مراح تصيرلكم مشاكل

- حقك ماتدري وتحجي هجي
يااعجاب بابا اني من قبل سنتين احبها من اول مارجلي داست ارض الموصل واني اشوفها بكل الوجوه
بس هي خايفه وهل الشي الي اذاني ماتوقعتها هجي

-سهله بويه ولايهمك اني اتوسطلك واروح مشايه الها
-كلام الشيخ فرحني شال همي
بسته على راسه ال

له يخليك خيمه النا
ضحكت واخذ التلفون وكمت اريد اطلع

-اي بويه رايدك هجي دوام انت ابن الشيخ وابن الشيخ شيخ
رايد مايصعب عليك شي والي تريده تاخذه

-وهو هذا الصح

الاء:فتحت عيوني ضوى
‎معقوله يوم كامل اني نايمه
فتحت التلفون مكالمه من مرتضى
اوووووف شكد غبيه طول عمري الشي الي انتظره يجيلي واني ماموجوده
كمت قفلت الباب
ورجعت كدام الشباك كبال المكان الي يوكف بيه
رضاوي
الو
-الو وينج ولج شبيج ليش هجي تاذيني
-حبي نايمه جنت ماالي خلك
-شبيج مريضه صاير عليج شي
-لاعمري بس راسي يوجعني
-حضري نفسج من اجي يجون وياي عمامي

- شيسووون
-يركصون شيسون يعني
يخطبوج

-لافدوه رضاوي مو هسه اجلها فدوه
-شبيج الاء معقوله مارايدتني
-لامو هجي والله بس خايفه انطيني مجال الله يخليك
-شوفي وضعج ماعاجبني ليش جبانه ومابيج فايده
-اتحملني تدري بيه ماعندي غيرك احد فاهمني

-امري لله بس لاتطولين افتهمتي
يالله اروح

الاء :اعرفه من يضوج يتهرب في سبيل مايحجي علي
ياربي اهدي اهلي كون الكه شوي مجال بيهم والله ثاني يوم اعرس
اريد اخلص تعبت لان من يبتعد اموت
نزلت جوى لكيت ماما محتاره بالملابس والماعين والتنظيف
بديت اساعدها

-اكلج انتِ مقهوره على صاحبتج لو شنو
-اي والله مقهوره خطيه تحبه ليش هجي يسون شنو ذنبها

-هذا ياحب يابنتي هو كلمن اجه وكال حبيت
مافكرو بمستقبلهم شنو
مايصير ماما وانت نصيحيها تعوفه لان اهلها مراح يرضون وتجيلها مشاكل

-احس كانما وجهت الحجي الي وكع الصحن من ايدي
وعيوني انترسو دمع
مااكلها غير فاشلين انتم اني اشجعها تشوف حياتها ويه انسان تحبه
بعيد عن الضوابط الي يخلوها امثالكم ومايفكرون بيهم
حسبي الله ونعم الوكيل بيكم

-هاي شبيج تسودنتي لو ماادري بيج مقهوره جان كصيت لسانج
يالله كملي اروح ارتاح صعدتي ضغطي

اوووووف شلون راح اجلها ياربي حظرت اللبن والسلطه ورحت صليت سمعت صوت بابا
خلصت ونزلت
اصب الاكل بس بدون اي كلمه
-شبيج بابا ليش ضايجه
-عيني بنتك ماعاجبها الحجي على صديقتها
-ياصديقه؟
-هاي الي خطبها واحد من غير طائفه
-والله اذا ضوجتها على هاي خلي تضوج شنو تريدنه نصفك ونصوفر ونكول خوش قرار ابد والله للموت مااشجع هجي
شي ومصر على حجايتي زعلت او مازعلت

الاء:مية سجينه دخلها بقلبي ابوي
مااشتهي افتح حلكي بس خفت اكوم وتصير مشكله
لميت البيت وقررت مااعذبه وياي

صعدت بسرعه ركضت على التلفون
اول رنه نفتح الخط
-هههه لو تدرين شلون كاعده بالي جاي اتصل وسبقتيني
شلونج اشتاقيتلج مااكدر ازعل عليج

-رضاوي اتركني شوف حياتك واتزوج اني ماافيدك
اتعبك وبس
مرتضى :احتركو اهلج انتظري اذا مااجي اخذج من البيت وطز بيهم
سديت الخط وجريت الجنطه ..........

....

[ضـوء السلطـنه]

متابعه

[ملكةه]

متابعه

نورتي انشالله اكملها باقرب وقت

[ملكةه]

8

-جيبي انا اعرف شلون احجي وياها قحط زلم ماتوالمها لزكه خو مولزكه
سحبت التلفون الو
الو

الاء :قبل لاانطيه لماما دست انهاء مكالمه

-ماكو احد على التلفون
-اي سمعت صوتج وسدت التلفون اكيد
ماتتحمل فوك ضغوط الدنيا عليها واذا تظلين هجي اكل لبوج عندج تلفون صار سنتين ساكته اكول خطيه مااريد اضغط عليها
يالله كومي

الاء:عضيت ركبتي واني اصرخ
اااااه مااكدر بعد كافي كافي يادنيا نصفيني
مااريد منج شي بس هل المشكله حليها

..........

-واني احجي ويه البت وسمعت عياط امها
وشلون تحجي وياها عرفت البنيه مابيدها شي

رديت للبيت ومااعرف شكل لمرتضى

-جوري اريد على الغده الكل يكعد افتهمتي
-صار بابا
جوري:اخت مرتضى الوسط قبلها بنات 2متزوجات و2اصغر مني
هدى ورقيه
بلغني بابا اصيح للكل اخواني الباقي يشتغلون يجون بالليل
معناته يريد مرتضى يمه
صحت لبنات يجهزون الغده
مرتضى مرتضى بابا ايريدك
-اكيد قنع الاء هديت كلشي وطلعت
كابلت ابوي
كوى يبا
-هلا ابني شلونك وضعك ماعاجبني
بسرعه الكل يكعد
-خير يارجال شبيك اليوم
-عندي حجي وياكم ورى الغده اكوله كملو علمود افهمكم
مرتضى : حسيت ابوي ضايج لهذا قلقت
تانينه الشيخ يكمل علمود نسمع شيكول

-الله بالخير عليكم اني شيخ والشيخ ينعرف بكثرة ذريته
واني ماشاء الله عندي 3ولد ومازوجت واحد منهم
ولهذا قررت مرتضى يخطب بت عمه اسيل اليوم
واي نقاش بهل الموضوع مااريد

مرتضى :شبيه الشيخ اني شنتظر منه وهو شلون فاجأني
ليش شيخ ليش وانت تدري الي بقلبي مو بت عمي

-ياابني هاي البت ماتفيدك اهلها لازمين ركبتها وانت تشوف وضعك اني خلص اريد اشوف ذريتك كافي لازم
تخليلك مستقبل

-بس يابويه اني هاويها ورايدها وماالي نفس بت عمي ليش اظلمها وياي
اني من الصبح ملتحق وماقابل على خطوبتي من اسيل

-موبكيفك اني انطيت حجاية لعمك وبعد مااريد حجي بهل الموضوع
مرتضى :خليت وطلعت كعدت بكوفي
وصافن شبيه الشيخ ليش فجأه اتخذ قرار حتى بدون ماياخذ رئيي
اتذكر دفو ايدينه واحنه نمشي سوى
وكعدتها بصفي كل هذا هجي
ماارتاح ولايهدأ لي بال اذا مااسمع منها

الاء:هذا مرتضى من قريت اسمه نسيت كل الي اني بيه
بسرعه رديت
شلونك ياروح روحي

-شكلتي لابوي
جاوبيني
-مكلتله شي والله
-شوفي يابنت الناس هسه تجاوبيني ترديني لو اوافق على بت عمي
لج اني احبج وانت تتغلين علي لازم تجاوبيني هسه ماعندي
صبر ماظل عندي

-لا تضغط علي مرتضى تدري بيه احبك
-بعد مايصرفلي الحجي اريد جواب هسه
-حرام عليك
-طلعت من الكوفي وكفت يم السياره
اي لو لا خلص صبري

الاء:بس
-لاتكملين عرفت الجواب اني غلطان بااختياري
ولج لو بس منطتني كلمه والله اكلب الدنيا عليهم بس
انت عاجبج الوضع منا ورايح اني عندي مره بت عمي وانت شوفي الي من ثوبكم
الله وياج

الاء:اوكف رضاوي اوكفففف اوكف حرام تظلمني
حرام والنبي محمد احبك ولك شلون تاخذ غيري
واني اتنفس هواك معقوله ترضاها تذبحني

ظليت اضرب على رجلي وكطعت شعري
يمااااااا مااريد غيرك مااريد والله احبك
ولك فتحت عيني عليك

سعد :يوم صوت الاء طالع صعدي شوفيها شبيها
- راح تخبلني هل ابنيه صعدت كوى
فتحت الباب واباوع لجسمها احمر وجهه محتقن والشعر مكطع
ولج شبيج

-بيه مرض تركوني
-ولج احجي لزمتها من شعرها شبيج تحجين لااليوم اكل لابوج
الاء:صاحبتي ماتت بحادث
عوفيني يمه البيه كافيني
-خطيه بستها على راسها حبيبتي اني اعتذر بس انت تعبانه وتعبتينه
وياج مومي غسلي وذكري الله هذا حكمه

الاء:مرت الايام واني صحتي اتسوء بس محد حجه وياي
عاذريني بحجة صديقتي ماتت
امتحنت والحمد لله نحجت واتخرجت
راح اموت بس اسمع صوته ميخالف روح لغيري بس المهم ترتاح
مشتاقه اله مامتعلمه افاركه ومعقوله اتزوج معقوله مشت اموره

مرتضى :التحقت واني اعاقب نفسي واعاقبها حرمت نفسي
منها وادري بيه متاذيه اكثر مني التحق وانزل واني مشايفها
خطوبتي صارت وماكدرت اكول لا
لان رفضي ميفيد شي ولا راح يتغير شي
بس ماقلبي حن لاسيل مااكدر اشيل الاء من قلبي

ايمن :اكدر اعرف شصاير وياك مرتضى
-اشرت على قلبي هذا موتني
شسويلها علكته بيه وتكله مااكدر
ايمن :منين من الموصل ؟
مرتضى :اي ولك ربيتها على ايدي وكضيت وياها ايام
حلوه ومره
-اها معناته هذا الحجي واحنه نكول ليش مايظل يمنه
مرتضى
-بعد مراح اظل بذاك المكان يدمرني
يذكرني بيها مااتحمل امر يم بابهم ومااشوفها وماالكح ابتسامتها
-تكدر تنطيني مكانك اناجره

مرتضى :هههه ايمن شبيك انت بالموصل بعد شعندك بيه
ايمن :ل اقاربي محتاجين مكان
مرتضى :سهله بالليل اوديك والمن غراضي بعد اظل حالي حالكم
الي جنت انزل علمودها راحت

ايمن : ليش شصاير بيها لاتكولي ماتت
مرتضى /لابس هواي تخاف

وهل الشي الي مضوجني
ردت اخطبها وماقبلت
اترك السالفه لاتذكرني بالمواجع امشي اوديك

دخلت المنطقه واني احاول ماالتفت لان اضعف وارجعلها
خليها بعدت عني وارتاحت

ايمن ؛هاي المنطقه
موتضى /اي وهنا بالذات هي
يالله بعد حتكون ماضي اني خطبت وهاي نزلتي راح يكون زواجي بعد ماكو فايده من الحب ولااكو امل بيها
الله يوفقها اتمنالها السعاده من كل قلبي

ايمن :لاتكلي هذا بيتهم
مرتضى:اي ليش شلون عرفت بيها وشلون تعرفها ماتحجي
جريتها من قميصه وعصرته بالحايط
ولك ايمن اطلع عيونك اذا تفكر بيها افتهمت

ايمن :شفكر يمعود هدني هسه هي تسوى تصير مشكله
بينه
-هل المره حجيتها مره ثانيه اعلكك هنا واخلي الناس كلها تتفرج عليك
-هدني
-مااتركك اذا ماتكلي شلون عرفت بيتها هذا
-هاي شبيك غير انت تغيرت الوانك من اقتربنا من بيتهم لهذا
كتلك شبيك خبلتك بنيه

/اي والله تخبلت مااكدر اعوفها احسه الي
سنتين مرت واني اكلها مرتي

-مااحجي لااحصلي كتلت منك امشي نروح للبيت
مرتضى :هذا البيت اني كاعد بيه

ايمن :لاهذا مايفيدنه امشي لم غراضك وخلي نطلع

راح مرتضى يلم اءياء بسيطه بس يحتاجها وقفل الباب
وسلم المفتاح ورجعنه
بس سهله ياالاء اني اعرف شلون اربيج ياسافله
تتمعشقين من ورانه كون تطيحين بيدي
الا اموتج والله بس ماالي سلطه عليج
خلص مرتضى ورجع يم الشباب واني رديت لاهل بس مشتعل جمر

جنان جنان تعاي بسرعه
-شكو ايمن شصاير
-جيبي تلفونج بسرعه

جنان ؛هذا ليش شكو شصاير
-خابري على خالتي ام اسعد وكليلها اريد الاء احجي وياها بسرعه

جنان :بس فهمني شصاير
ايمن :تخابرين لو افرغ المخزن براسج

جنان :الو
شلونج خاله شخبارج
-الحمد لله انتم شلونكم
-بخير والله نسال عنج
-لاوالله لاتسألون بس اليوم شعجب
-ههههه شنسوي ياخاله ماافرغ والله من ورى الجهال
اكول خاله الاء ماموجوده اريد اسولف وياها

-اي هسه اصيحها الج
الاء الاء

جنان :اكللك فهمني شنو الموضوع
-لاتسألين لا والله اجني عليج ستري على نفسج
الاء :الو
ايمن :سحبت التلفون وطلعت برى
ولج حقيره نذله وطيتي راسنه

الاء :ماكدرت ارده صعدت لغرفتي
شبيك انت بااي حق تصيح علي افتهمت انت كلك خلك ابن خالتي
خير ياطير جاي تحاسبني وعن شنو بالله وطيت راسك

ايمن :ها حقج
ومرتضى الي موتج عشق وسنتين تلعبين من ورانه
الاء:شتحجي انت انت شعليك بيه
اجيت اسد التلفون بوجهه

ايمن :سمعي زين اذا سمعت بيك راجعه لهذا الولد
والله اجي واكل لاهلج وتدرين بيه كلش زين
ويكون بعلمج زواجه الخميس

الاء:سديت التلفون واني مااعرف شسوي روحي راحت
قلبي ظل يدك احسه راح يطلع من مكانه
شلون مرتضى تلزم غيري وحده وتكلها مرتي

عيني مااشيلها من التلفون اريده
يتصل ماكانت عندي جرأه اتصل عليه
لحد مااجه يوم الخميس

...........
يارتى الاء راح تغير شي لو راح تظل
تنتظر الامل يرجعه الها

الحب تضحيه مو جرد كلام
اذا كان الرجل يريد ان يتوج الحب بالزواج فااعلمي ان حبه صادق
ويعمل المستحيل لااسعادك

.......