يقولون بان ساحه المعركه للشجعان عباره عن عروس، والعرس عباره عن طبرات السيوف ولابد من صيوان للعرس وهنا لسان حال ابا الفضل ع
اليوم انصب بالجثث صيوانها
ما تچهبه وتختلس فرسانها
/////////////////////////////
اليوم العب بالمعاره اشما اريد
وراح اغير لونهه ابدم الوريد
اله اعلم الطاعه للعاشت عبيد
انه اميري حسين سيدهم يزيد
ثالث الشجره الخبيثه اغصانها
//////////////////////////////
راح اطبگ المشرعه اعله المشرعه
واشرح بتفصيل معنه القارعه
كون اخلي الگاع روس امگطعه
شورط الجيش واجاني المصرعه
اله اهد الكون مو ميدانهه
///////////////////////////////
اله اخلي اسنين تذكرهه البشر
وگفت العباس من طب عالنهر
طبگ جرفينه وكسر منه الظهر
راح احچيهه ابشكل بس مختصر
صاحت الغوث اشكثر فرسانهه
/////////////////////////////
اشكثر تانيت العذب يصفه وخبط
من دماهه السال والجيش انحبط
ساعه ملچ الموت جدامي هبط
گال جبت العون وياي انخرط
چم ملك موسوم شد اعنانهه
////////////////////////////////
جبت جودي وگاصد الباب الخيم
والمهر يسحگ علئ ادموم ولحم
كل هذاك الجيش بالحومه انصدم
چن غظنفر واطرگ ابنص الغنم
تعبت الحومه وتعب دفانهه
/////////////////////////////////
اتحاشمو چنهم علي وانه الكفيل
گطعت فرسانهه ابرمحي الطويل
اظلم الكون وصبح عدهم عويل
والكتايب مالت ورمحي يميل
فگدت اهواي الزلم ذرعانهه
/////////////////////////////////
فاضل الغريباوي
رد مع اقتباس
المشاركة الأصلية كتبت بواسطة نغمة على وتر♫
