آنا بخدمتك يحسين .. آنا بخدمتك يحسين
مجنونك يسموني .. مجنونك يسموني
ردتك بالقيامه اتگول .. ردتك بالقيامه اتگول
هذا فلان مجنوني .. هذا فلان مجنوني
_____________
من زغري وعليك العين
مالكني ملك يحسين
وهواك انعجن بيه
كل حين الدموع اتسيل
وي حزنك دربنه اطويل
من ميه الحزن ميه
مجنون اليظن انساك
نبضات الگلب ذكراك
حسين اتصيح يوميه
ما كلك احبك موت
من اگليبي هاك الصوت
هيه محبتك هيه
شلتك حسره بالدلال
شلتك دمعه بعيوني
ردتك بالقيامه اتگول
هذا فلان مجنوني
______________
رافگت الثياب السود
بيهه من الزغر موعود
صارت هيچي تربيتي
من ايهل علي عاشور
چنها الروح بيه اتثور
واصبغ بالحزن بيتي
اركض رگضة المجنون
اخدم ويه اليخدمون
مرضاتك علي نيتي
متعود اذا اشرب ماي
ذكرك ما اتركه وياي
يلي هواك ماهيتي
باحلام الطفوله الگاك
غيرك ماكو بظنوني
ردتك بالقيامه اتگول
هذا فلان مجنوني
______________
تعبت الخصم وياي
كلساعه ويجيني براي
ظنه هواك اعوفنه
يحچيلي عليك اشگال
هددني بچيثير اهوال
لكن خيبت ظنه
من يذكرلي اسم حسين
گدامه وتسيل العين
ويسمع مني جم ونه
حذرني ويگلي اتموت
ماخفت وصدحت الصوت
آنا حسين احبنه
ماخفت الممات ابيوم
عنك مايمنعوني
ردتك بالقيامه اتگول
هذا فلان مجنوني
_______________
اعرف قيمة الدمعات
قاري ابفضلك روايات
جم روايه و روايه
واعرف بالعطايه كثار
دمعه اعليك تطفي النار
ادري بهايه وبهايه
لكن ياحبيبي اعليك
من اجري الدمع وابچيك
ما ابچي لاجل غايه
هيه تجري العين
بيه اجروح اسمها حسين
رافعهن مثل رايه
مادام ابدموع ارضاك
خليهم يلوموني
ردتك بالقيامه اتگول
هذا فلان مجنوني
________________
وصفوني من الكفار
گـالو بالحشر بالنار
شكك خصمك ابديني
نعتوني ب شرك مولاي
يفتون ابمسيل ادماي
وانظر شهرهم ابعيني
گالو بالقيامه هناك
مايشفع الك مولاك
گـلت حسين يكفيني
راهنت اعله حبك فوز
اليخدم عالصراط ايجوز
بالمحشر تنجيني
ادريك ابمماتي هناك
توگـف مسندي وعوني
ردتك بالقيامه اتگول
هذا فلان مجنوني
__________________
مو هينه الخدامه اعليك
ولا عمر الگضيته ارثيك
ادري الهن ثمن ثاني
ماتنسه اليذكرك دوم
صار الخادمك معلوم
انته اتحضره بالتالي
ردتك بالممات اوياي
كون اتفاخر ابمولاي
وارفع راسي للعالي
واصرخ هوه هذا حسين
للخادم يوفي الدين
وبحشري تعنالي
توگف بالحشر وتگول
يارب همه خدموني
ردتك بالقيامه اتگول
هذا فلان مجنوني
_________________
كلمات الشاعر : مازن الزبيدي
_________________
تدوين ZAHRAA
رد مع اقتباس
المشاركة الأصلية كتبت بواسطة سمراء من قوم عيسى
