هنا

[ღ عِشق ღ]

يروحي الأحبهم مشوا عني اشبديه
باچر يروحي الغرب يمشون بيه
باچر ماكو رايه
على الله وع العبايه
يروحي الأحبهم مشو عني اشبديه


هسه هاي اشلون حيره
حسين حيرني وجـفاني
ما معودني اعله فگده
ولا نسيته ولا نساني
استبطه عباس ومشاله
وگـتله خذني ما خذاني
اسمع ونين وحوافر
ومـرالصوت اعله ذاني

يا روحي اشتگـولين
هاي الونه لحسين

انكسر ظهري اعله الحسين
مثل ظهره اعله اخيه

يروحي الاحبهم مشو عني اشبديه

يروحي الأحبهم مشوا عني اشبديه
باچر يروحي الغرب يمشون بيه
باچر ماكو رايه
على الله وع العبايه
يروحي الاحبهم مشو عني اشبديه

مدري اروحن مدري اضلن
مدري والمدري اشيحلها
آخ يا روحي الغريبه
الما لها قسمه وياهلها
اشلون اطر الگوم وحدي
وهذا ليل وغربه كلها
حسين يعذرني امن اظلـن
بس يروح امي شأگلها

يون ما ادري اشبي
گلبي ايگـلي لحگي

مات الگالي حسين الخطيه
انا الخطيه

يروحي الاحبهم مشو عني اشبديه

يروحي الأحبهم مشوا عني اشبديه
باچر يروحي الغرب يمشون بيه
باچر ماكو رايه
على الله وع العبايه
يروحي الاحبهم مشو عني اشبديه

مالت الله حسين غالي
ولو ذبحو مالت الله
راح اروح ابصفه انامن
ليش عاف اعيوني غفله
ارد أگـله حسين اخذني
گلبي صاير وصله وصله
غربه باچر موش اهلنه
المثل وجهك وين احصله

مهنه ابنومتك هاي
امبارك راسك وياي

مو وياك يحسين
هاي اول مسيه

يروحي الاحبهم مشو عني اشبديه

يروحي الأحبهم مشوا عني اشبديه
باچر يروحي الغرب يمشون بيه
باچر ماكو رايه
على الله وع العبايه
يروحي الاحبهم مشو عني اشبديه

حسين ما ودي اعيشن
بس بناتك كاضتني
ادري انه امهن وابوهن
وانه ماعوف اليحبني
مو مثل روحك جـويه
تدري احبك بس عفتني
انته محد سوه مثلك
دللتني وعذبتني

اشمحله اگـبالك الموت
وانته ابنعشي زاتوت

وانه الاغفه بإيديك
موش انته اعله اديـه

يروحي الاحبهم مشو عني اشبديه

يروحي الأحبهم مشوا عني اشبديه
باچر يروحي الغرب يمشون بيه
باچر ماكو رايه
على الله وع العبايه
يروحي الاحبهم مشو عني اشبديه

الدرب كله وانه اسولف
وين اجينه ووين چِنه
نركض وناس ابكفانه
ونلگه ناس امسبگتنه
ما مصدگه حسين مات
وبـالبر اطشر ظعنه
هيچ من الله وأفزن
والگه روحي ابيت اهلنه

حلم لو طلع ياعين
اصفنچ ساعه بحسين

و لو من اصفن اعليه
كلشي ايموت بيه

يروحي الاحبهم مشو عني اشبديه

يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه




كلمات الشاعر :: احمد المشرفاوي



تدوين..Zahraa Al obaidi|زهراء العبيدي


لتحميل القصيدة mp3 اضغط هنا




[ منتديات درر العراق ]

[نغمة على وتر♫]

شكرا حبي

[M̲u̲S̲h̲T̲a̲Q̲ツ]

عاشت ايدك

ف ميزان حسناتك

[ღ عِشق ღ]

شكرا حبي

اهلا بكِ:)

عاشت ايدك

ف ميزان حسناتك

شكرا لحضورك نورت

[مرتضى علي]

رائعة ..
عظم الله لك الأجر أختي
و شكرا للجهود

[ღ عِشق ღ]

رائعة ..
عظم الله لك الأجر أختي
و شكرا للجهود

اجرك اعظم اخي انرت

[نوفل أُسامة]

هيج من الله وافزن والگة روحي بيت أهلنه :(

شكراً لـ مجهودك

[ღ عِشق ღ]

هيج من الله وافزن والگة روحي بيت أهلنه :(

شكراً لـ مجهودك

العفو وردا

[أخي أشهيد]

احسنتم

[ღ عِشق ღ]

احسنتم