عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
....................
قبل لا يطلع اهلالك يالمحرم
شفت لون السواد اعله الوطن خيم
تهيئنه وبدينه ننصب المأتم
يشهر الدم اريد استقبلك بالدم
جبت ماي العذب حضرته كدامي
يضامي ارتوي واتذكر الضامي
تراني اتلوعت بالخدمه من زغري
...................
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
...................
انا استقبل شهر بي ينذبح مصحف
بعد جيش ابرهه الكعبه علي يزحف
شهر بيه المشاعر تنتقل للطف
بحر ع المشرعه يوكع كطيع الجف
شهر زينب اجه يا عيني دم سيلي
انه ليلي هدعش كل عمري يا ليلي
انه بين المخيم ضيعت عمري
..............
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
..............
شهر يدمي الصدر وجفوفي لطامه
شهر بيه الرؤوس اتغازل القامه
شهر بيه النبي يحتركن اخيامه
شهر بيه المنافق يكشف إلثامه
على طاري الشهر يتأسس المجلس
مثل ونة رقيه وني من اجلس
كأني بالخرابه وينحفر قبري
...................
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
.................
عجب يالناشدت ليش الدمع ساجم
انه استقبل شهر بي تنسبي فاطم
اهي اول سبيه من بني هاشم
شهر موت الضمير وصحوة الناقم
اكو ونة ذبيح امن العطش يرجف
عدى الف وسبعميه جرح ينزف
ينادي يانهر مابردت صدري
.................
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
.................
انه استقبل شهر بي تكثر اوجاعي
اميل ابلا وعي وي نغمة الناعي
احس صوت الحسين ايكسر اضلاعي
الا من ناصراً متفارق اسماعي
انادي ياحسين ونهري قدمته
ولا غالي يضل والغالي بس انته
شسع نعلك نحر ابني فده ونحري
.................
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
...................
الك هيئنه كولشي وننتظر تظهر
بده موسم جراح ومدمعي الاحمر
على لحن القصايد نبضي يتغير
يشد عزمي الينادي بالمشق حيدر
ابشرك والجفن من هسه حظرته
تره متن الالم زنجلي هيئته
شسوي ما اجازي موقفك ادري
...............
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
...............
مواكبنه شرفنه ومانسيناها
قبل لا يطلع اهلالك بنيناها
شعارات الوفه بالدم كتبناها
زيارة وارث الجيتك قريناها
نعم عندك علم نستقبلك ب الون
انافس والخدم بالخدمة تتفنن
على قدر المشقه والاجر مغري
.................
عجب يالناشدت ليش الدمع يجري
انه استقبل شهر بي ينكسر ظهري
على جرف الشريعه ينهدم صبري
على جرف الشريعه ينهدم صبري
...................
كلمات الشاعر السيد عبدالخالق المحنة
.......
رد مع اقتباس