تاكل بروحي السوالف
اسمع منادس حجيهم
جني مااسمع وكولن
ماي خالف الجلمه ضيف
الندم حيف واليثكل بالسكوت
مايموت الريح تاخذ من تفوت
النار نارجنهه بت بيت وتعلك
طرف الكصيبه ابمضايف
عتبة الباب ابصبرهه
منهه حتى الريح خايف
نكلة اجدام المشوا
سباحه خضره
اشماير بيهه العطش
مثل الصرايف
ماتدفيهه الشمس بس النهار
من يمر مثل القطار
ابروحهه ابرودة مصايف
جن جرح نزفه محنه
كلب عاشك
مانسه بجدمه تعنه
ايدور بكل الطوايف
شهكة أنفاسه ملح
يشتري الزينه التصح
من يحس بروحه ضيم
اصير غيم
التون ابراسه لهفه
مانزع ثوب الموده
ولاهو عايف
الشوك سجه
مره تبرد
مره تدفه
مره يكتلهه الصليل
جف عليل
كلشي شايف
تاكل ابروحي السوالف
منجل وطاح ابزرع
اشما كصر طول السنابل
حمله يثكل عالضلع
المافرش للضيف روحه
مافهم معنى الرجوله
ولاتمد إيدالصلف
رد مع اقتباس
المشاركة الأصلية كتبت بواسطة جنة الروح
