عندما تكون احدى علامات الجمال تحت ناظري الشعر
الشامه طفله مگذله
اتنام ابرگبتك
علي الشباني
****
ماأموتن بيك
اموت ابشامتك
علي الشباني
*****
أكفر
بـ كلشي ضريح
واسجد لـ شامة رگبـتك
ناصر البدري
******
شامة الرگبه وگذلتك سودنني
آني أول تالي أرد للبيت أغني
أحمد بدر
*****
شامة ،
أعلهَ خد گلبي أصبحت
جيب اليشيلك جيبه."
جواد الحمراني
******
انه خفت إعله ضلك يتعب إعله الگاع
خليني اشيل بروحي وامشي وياك
وبهيده ، ومتدري أنتَ
ابوسن شامة الرگبه و اموت هناك
_ رياض النعماني
******
هيه شامه ويعرف الله يحطهه وين
بالمكان البي يعذب اگلوبنه
زيد السومري
****
شيضمهن عليه اندلهن اندلهن
باأول نظره شاماتك افرزنهن
وذا مريت من عندي بهبوب الريح
اذا رايدني البجيدك اعددهن
اعرف ازغارهن وكبارهن والنوب
اعرف الخافيات الما تبينهن
سولت عيني كل شامه اعله جيد انسان
البنيات سولتهن معاظدهن
مرتضى الكعبي
*****
آنا
من گد غيرتي مرات
انشدك ،
آنا
أغار اعليك منك
و انت تدري ،
خدك اعتبره حلالي
وهاي شامه ،
شبيها و شعدها علة خدك؟
(ل شاعرها )
*****
مدري شلونهه
ومدري شبعد بيهه
لا مثلي ولا مثلك مسويهه
متنسيه بياض التين امهه بحيث
ماحط الكمر شامه ع رجليهه
تفتح جيدهه وتصعد النشوه اشراع
وياخذني الهواء لاخر شبر بيهه
صفاء الصمت
*****
تجميعي
رد مع اقتباس
