اطلبك اووووووووووف من الگلبالمشاركة الأصلية كتبت بواسطة فم اللبلاب
تدري شوكت تعرف أنو أحنا صرنا أوادم؟؟
لمن ننطي للبنت حق الإختيار.. لمن الأب يروح وية بنته حتى يخطبلها الشخص الي هي تريده, أو الشخص الي تؤمن أنو هو هذا الي رح يتوائم واياها.. و أن رُفضت مرة, ترجع تخطبه مرة وثنين وثلاثة وبكل أريحية
لمن ننطي أهمية لــ "فترة الخطوبة" ونخليها فترة مفتوحة إلى أن يتعرف الطرفين على بعض وينطون الأوكي بدون ضغط, وفي حال أخذوا وقتهم وشافوا أنو هم ما متوالمين ساعتها كل شخص يروح بحال سبيلة وبكل أريحية كذلك
لمن ما نعتبر فسخ الخطوبة لخلل في إيجاد وسيلة للتفاهم بين الطرفين شي معيب للبنت.. و أنو هي بهالحالة صارت أكسباير وعبارة عن خردة ويبدي القرف المجتمعي بسالفة القال والقيل و التشكيك والطعن بشرفها و أخلاقها
لمن يحترمون الأهل أنفسهم ومايزوجون أبنهم ويورطون بنات الناس بشخص فاقد للأهلية ومُعقد نفسياً أو بلا أخلاق "حشاكم" والله شنو حتى يعقل حضرته أو بلكي هالمكرودة تصلح حاله وترجعه لضبط المصنع.. وهو قبق دينه كامز
لمن نجتث فكرة "الأبن يجي رزقه وياه" هذا (خرط).. أعرف شخص هذا منطقه حالياً عنده 9 جهال وهو عاطل عن العمل ومشغلهم يبيعون علاليك والي سارق منه طفولته.. ويريد يخلف بعد, تسأله يابة ليش: يضحك ويكول عايشين رحمة وهاللي رزقهم وياهم!!!
زين.. مو أنت جاي تطفره مراحل هيج.. فكر بي, ليش تعرضه لبيئة العمل بهالعمر ويكون لقمة مُيسرة للسفلة "حشاكم" ممكن بأي لحظة يستغلوه ؟؟ ليش يكتسب من هسة سلوكيات تطيح صبغه وتعرضه للتسوس الأخلاقي؟؟
لمن نؤمن بشي أسمه إستعداد نفسي للإرتباط.. للطرفين/ بالإضافة لمسألة النضج العقلي و توفر الإمكانية الي تكون بوجودها مستقل وقادر تصرف على بيتك وزوجتك
ماكو شخص ماكو عنده فضول.. الجنسين فضولهم عظيم, زين الأهل مايفكرون أنو هم جاي يلغون العقل بهالحالة من يبقون يلحون لو يجمعونلة كم فلس تمشي حد اول يوم الزفة بس وراها الله يدبرها!!!
عباد الله جاي تشبع فضولها وراها كلمن يروح لأهلة.. منطق هو هذا؟؟
مامجبور أتزوج حتى أرضي طرف على حساب سعادتي.. خلي تزعل أمك.. خلي يزعل أبوك أخوك أختك مشكلتهم
متى ما تحقق شرط العبادة بين الطرفين خلص.. أخذها وغصباً على أهلك هم إذا رفضوا.. أكو شي أسمه الزمن رح, يلينهم عليك وترجعون طبيعي
لأن الإنسكاب بين روحين لو تصادفه مرة وحدة بعمرك لو ماتصادفه فلا تضيعه
أكرهك بشار
رد مع اقتباس
