هنا

[فقار الكرخي]

وي طيحت غروبج والتوابيت
اجن لزمن سره اعلى البال والباب
تشابكنه وعباتج دفت البيت
وبردنه اثنينه وبوسنه التراب
وندهتج عافيه وصحتج دللول
دللولج ييمه كبور ومصاب
وحكج واليطيحن وي الغروب
فزيلي الصدك والليل جذاب
وي نعشج طفيت وي الدرابين
ولاهيس واخذني الشيب وشجاب
عمر وشلته بينج والمحطات
رايح راد سجه بطرك العتاب
انه وذيج الجكاره والشبابيج
وهلي ونعي العجايز والحلم ذاب
شثكلهن واشتهيت مشابكي وياج
وشقاي وسالفتنه وثكل الصواب
مايخجل فشل مايستحي شبي
الخذج جناز وركه وي الهوى الهاب
ييمه وشيلتج وافياي الكبور
وصورج والتوسل والضحك غاب
بكثر ماهزت جفوفج كواريك
لذب حملي اعلى كبرج حيل شياب
واكللج شواي ونفرش اعزاز
مامش يم ضحكتج عرف ينجاب
مامش والبواجي اتريح الجفون
مامش والسفر يم حضنج وتاب
دلفيني اليغثني الوجع والناس
وانه شاب وغلاتج هسه مو شاب






ماجد الزبيدي

[اسرار الكون]

حلو هواية ..

[كاسر القانون]

عاشت ايدك الله يطول بعمر اهلنا ♥

[سمراء من قوم عيسى]

عاشت ايدك

[فقار الكرخي]

نورتو