هنا

[باقر الربيعي]

جسام .... يااحلى من وجه الشمس
جسام .... يالتارس عيوني ترس
جسام .... لاترحل بوكت العرس
جسام .... جسام

**************************

اجل مواعيد الحرب وانتضر يبني اشويه
هستوني حضرت الشمع خل تكمل الصينية
لا تمشي ساعة زفتك وتكسر كلب البنيه
يذبحهه مصباح العرس لو صبحت مسبيه
تحتار .... بخيمه عرسهه التشتعل
تحتار .... مجتوفه ويصير الحبل
جسام .... ابدال المعاضد يلبس
جسام .... جسام

***************************

يالواكف بوجه الزلم زود وفعل وحجايه
عريس يالمالحكت توكف ابوجه امرايه
يالبايع سنين الصبه وشاري المنيه اشرايه
ومكابل بشسع النعل سبعين الف رمايه
وفيت ... يمبدل الزفه بجفن
وفيت ... يالبيضت وجه الحسن
جسام .... والعمك انطيت النفس
جسام. .... جسام

****************************

يوليدي حسبات العمر تاخذني وترد بيه
ياغصن مالحك يطك كاعد الموت ابفيه
لازمني كلبي من الصبح ماأدري يبني شبيه
اشمااصفي نيتي الفركتك ماترضه تصفه النيه
وياك .... خليني يالغالي انذبح
وياك .... واغفه على صدرك للصبح
جسام .... يوليدي ونسولف همس
جسام .... جسام

******************************

خليني اسولفلك بعد طول وياي الوكفه
بس لاتسولف عالبعد يذبحني طاري المكفه
شيصبره كلبي بغيبتك يوليدي قدر ضرفه
ساعه وتغطيك الدمه اوجهك بعد مااعرفه
مذبوح .... واضلوعك يخلصن هشم
مذبوح .... واكبالك امك تنشتم
جسام .... وسهام جسمك ينترس
جسام .... جسام

******************************

انه ادري ماشوفك بعد واعرف طويله السفرة
نتفارك بطف كربلاء ونختمهه يبني العشره
انه امشي عنك للسبي وتبقه انته فوك الغبره
كل هذا يوليدي وكلت فدوه البنات الزهره
لحضات ... وكل واحد يروح ابدرب
لحضات ... اتطيح انته وامك تنضرب
جسام ... وماتبقه بس ذكره امس
جسام .... جسام

*****************************


الرادود الحسيني: علي الفرطوسي
كلمات الشاعر: علي عبود العبودي

[M̲u̲S̲h̲T̲a̲Q̲ツ]

شكرا لك ورد