جنت ادورك
جنت تلبد
جنت ادورك
وين ما الگه سنادين اعله كدك
تزغر هدومك ويكبر بيه حلمك
يا شگار الله اشعفتني?
انته وحدك غربتني?
ياشتال الروح جم يعكوب حزنك
بيا نبي ادعي الليله ترجعلي وشمك
اخ حزنك
السواد الجوه جفن العين منك
وين ادفنك?
غير كون الگه ولد يمك ودفنك
كون مثلك عمره كون بگصر عمرك
اخ من تروح مني وتبقه كتبك
وين ادفنك
وحفر بصفك گبر ودفن جنطتك
طوبتك
باسكلك
وكلشي بغرفتك
انه زلمه وفرگتك هشت اعضامي
ويبس كلبي
هسه سولفلي اعله كلبك
ياغموس السالفه اشخليت منك
رحت كلك
وانه ادور
بالشوارع
بالجوامع
ماكو تابوت اعله گدك
وانه اثغب ابني ضايع
رادو يصيحون بسمك
اخ منك
م
رد مع اقتباس