درر العراق

سامح · 22/October/2012

دورت كل ذكرياتي.....ومالكَيتك!

رحت أدور عاليالي البيها طيفك..

دوريتك ياشبح إنسان..

دوريت بعالم النسيان..

تعب جدمي ومالكَيتك!

شفت روحي بكَاع سموها الضياع..

وبيها اثـر لجدامك أبـدرب الخداع..

والدرب عثرات وشراعك ضباب..

وصار ضلي أيكَود شوفـــي..

وعثرت اجدامي بشبح وسط الظلام..

اتلمسيتة....

الكَيتة خوفي!!

جيت أمد أيدي واخنكَة..

طاح جفي......وضاع صوتي..

ورجع ضلي ....

أيدور بأرض الحقيقة والخيال..

عن اثر إنسان..ولكَيته محال..

وضاعت الجلمه!!

مثل ماضاع ذباح ألهوه..

وصار واقعنة خيالي..

ومالكَة ألجرحه دوة..

والحقيقة الغافية بحضن الليالي..

تبقى سكرانة بغدر هذا الزمان..

وتبقى جلمات ألوفة وهم وخيال..

والجفوف النزعت أثياب الحياء..

تبقى أصابعها مخالب..

تحفر بجسم الـوفــاء

ناظم السماوي