هههه استمر
هههه استمر
والله اني ياصقيران احب سوالفك كتير ودايما ادور هون وهون تكون منزل شي
معك ومتابعه بكل شغف لمعرفه تفاصيل هالخطبه ههههه
كان الله في عونك >>>امزح خخخخخخ
صكيراااان لايكه عليك مو هنري .... أي ننتظر قدوووم فطوم
هههه ننتظر فطوم يصكيران وش راح تسوي
يوم طلع وراح ينادي فطوم. وشوي الا والباب يتحرك وتحرك قلبي معاه وبان طرف الثوب وكان لونه ابيض ..وبلمح البصر تخيلت انها لابسه فستان الفرح والشُرعة ..شوي الا دخل ابوها واثره ثوبه ..!
بغيت اجاوبه بالمبخره الي قدامي على الطاولة .. لانه هز كياني وقرقع قلبي وانا لامنه انهز كياني اتهور ...وسمعته وهو يقول ادخلي يا فطوم..
ياااااااا قلبي .... قالت سم يا يبه ..دخلت ومعاها كوبين عصير كوكتيل وحطتهم على الطاولة وقعدت جنبي ..وهي مستحية
وانا تجيني النفاضه تقول اني قاعد في سامري ..انا انتفض وهي تدق رقبه من الحياء ..!
وابوها يناظر فينا وهو يضحك يقول اركدو وتعوذو من ابليس ..
ماعرفت اتكلم .. وهي ساكته ..شاف الوضع ابوها وقال عن اذنكم وراجع ..
الاوانا اتعلق في طرف ثوبه قلت لا ياعمي لا تخلينا >> قايلكم خجول مره
قال اركد يا الملكع الحين برجع ..
طيب اسمع يابو فطوم .. بقول لك شئ قبل تذلف ..وكلام يوصلك ويتعداك .. أيام دراستي في الصين تعرفت على حضاراتهم عن قرب .. والأمثال الصينية مثل الإبر الصينية ..لها تأثير في الكيفيه .. وبعيدة كل البعد عن الكمية والنتائج .. اناظر في فطوم فاتحه فمها ولسان حالها يقول ..ياحبيبي ياهنري من يومك نصاب ونصبك هو اللي زايدك ملح ..وعمي أبو فطوم يحك في رأسه مايدري وش الطبخة ..قلت من الأمثال الصينية شائعة الإستخدام مثل يقول اذا نجح زواج ابنتك ، فقد كسبت ابناً ، و اذا فشل فقد خسرت بنتا ..
قال أقول على شحم هذي البنت عندك ..وبتوضأ وأرجع ما ألاقيك جالس سامع ..!
ويناظر في بنته ويقزها بعين حاره ××!
خرج عمّي ..وحالة من الصمت والهدوء تسود الصاله ..
واقعد شوي قلت ياولد ياهنري شكلك بتطيح من عين البنت ولازم تبادرها بسؤال ..ماعرفت وش اقول لها قلت مالك الا تقول لها لُغز ..!
قلت فطوم ..؟
قالت نعم !
بقول لك لغز واذا حليتيه لك الي تبي ..
قالت قول ..
قلت فيه حمار واسد وقرد في غرفه طول سورها 9 امتار والغرفة مقفله ومالها باب وشلون يخرجون ؟؟
قالت يتسلل الحمار بعدين الاسد بعدين القرد..
الا وانا اضحك واقول هذي نفس فكرة الحمار..الا وهي تكشر وتقول تنكت وتستخف دمك
حسيت ان الوضع التمس وبدأ يخرج من يدي وابلحق عليه ..
قلت انا اسف بس حبيت اضيف جو من المرح والضحك ..
قالت عارفتك ..
قلت فطوم ..
قالت لبيه ..
قلت تعرفي عن الإنجليز شي ..؟
قالت ايه ..وقامت تسرد الحروف الإنجليزيه كلها a،b،c،d...الخ .!
قلت يازينك زيناه ..والله مايبي لك الا أمزعك بالطوفرية
فيه عند الأنجليز ..شُعّار مثل خلف بن هذال ..ومطربين مثل محمد السالم ..وممثلين مثل عادل امام ..وفلاسفة وأدباء ..ومنهم شخص يُدعى بـ بارناردشو ، هذا الشخص عميق الرؤية والفكر وهو خبير في الحياة ومن أقواله يقول " تقلق المرأة على المستقبل حتى تجد زوجا ، ولا يقلق الرجل على المستقبل الا بعد أن يجد زوجته "
خلصت من كلامي ..وأناظرها ألقاها تشرب العصير ..وهي تصدر ذلك الصوت الذي ينم عن انتهاء المشروب !!
فكرت بيني وبين نفسي ياولد وش طيحك هالطيحة ..البنت مزيونه وما يعيبها شئ ..وعقلها وتفكيرها أنت وش تبي فيه ..مالك داعي ياهنري ..!
قلت فطوم ..
قالت نعم ..
قلت انتي قابلة فيني ؟
قالت ايه قابله فيك ..
الا وانا انهبل واتجنن واطلع اركض كاني طيارة للحوش حقهم والف حول نفسي من الفرحه وارجع بسرعة للصاله قبل يجي عمي ويطردني ..
وهي تضحك ..
ورجعت جلست وقلت لها فطوم ..
قالت نعم..
قلت تعرفي تطبخي ؟
وقبل ما تجاوب قلت لا تستعجلين بالجواب وامامك ثلاث طرق لطلب المساعده من الجمهور او الاتصال على احد من خوياتك او حذف اجابتين ..
الا وجرس نهاية الحلقة يرن ، وقلت خليكم معنا في الاسبوع القادم مع المتسابقه فطوم في من سيربح الفتى هنري
تدري تفاصيل خطوبتك اكبر من الفيه ابن مالك
متابع حبيت
كح كح خلص بعد لا تابع لأن خلصت التفاصيلالمشاركة الأصلية كتبت بواسطة مؤرفين 'ۦ 'ۦ
تدري تفاصيل خطوبتك اكبر من الفيه ابن مالك
متابع حبيت
لا تججي فصحه فدوه
وهسه انت خطبت لو لا
رد مع اقتباس
