هنا

[(حُر)]

مقدمة

في ساعة متـأخرة من أحدى ليالي الشتاء البارده رجعت للبيت ولقيت ابوي وأمي حفظهم الله قاعدين عند التلفزيون ويتابعون لهم فيلم لعل يجي فيه لقطه تهيظهم ، دخلت عليهم وسلمت ولا رد احد منهم طنشتهم واندمجت مع الفلم قام ابوي ومسك جواله وخذ الريموت وحط التلفزيون على قناة روتانا وقعد يكتب بالجوال رساله وشوي الا اقرأ في الشريط اللي تحت حق الرسايل ، قلبي انت يا لابس الاحمر نروح ننوم ، شوي الا امي ماخده جوالها وكاتبه يا لابس العلاق وشورت الاوميك ياللي ما يطلع في صدره شعر يابو هنري يابعد قلبي اصبر شوي الين يروح يرقد هالثور اللي جنبي ، قام ابوي وكتب طيب افرضي انه ما نام الا الفجر بنقعد نساهره ، اخذت جوالها وتوها بتكتب ، قلت هاااااااااااااااه انتي واياه 200 مليون عربي دروا عنكم ، قم رح انت واياها فضحتونا الله يفضح عدوكم
^
^
^
^
ترى الموضوع بيصير مثل ذا المقطع اللي فوق ،،، يعني لا تستغربون اذا لقيتوني ( اتمايل ) !! <<<< من فوائد مجالس الشيّاب

يتبع ..>>>

هذي يقالك مدخل للسالفة ،،

[(حُر)]

قبل فتره اتصلت عليّ امي وقالت كيفك هينروووه.. ؟
قلت بخير يا ميمه.
قالت يقولون انك عقلت امس !
قلت انا من يومي عاقل بس محد معطيني وجه
قالت خل عنك الهبال وتعال الاربعاء القادم ابيك في هرجة رأس !!
قلت فديتك ولا يهمك اطلع من الدوام يوم الاربعاء ولا اغسل يدي الا عندكم >> شغال في مطبخ
وجاء يوم الاربعاء ورحت يم اهلي في القرية وبعد الاستقبال والسلام جلست مع امي قالت ياوليدي ما ودك تكمل نص دينك .. ؟
ما خلصت كلمتها الا وانا ناقز أحبها فوق رأسها .. الا ودي ونص وثلاث ارباع، قالت اركد والزم الارض هذا وانت طالع لك ضرس العقل .. فشلتني واستحيت وجلست وانا عيني على الارض ..قالت خلاص روح غرفتك وانا بكلم ابوك واشوف وش يقول .. قمت وحبيت راسها ورحت غرفتي .
وعقب المغرب نادتني وانا خارج وقالت وش نويت عليه ياوليدي يا هنري ؟
قلت بروح امر واحد من الشباب وبنروح السوق ..!
قالت ياملكع انا اقصد مستقبلك وش نويت عليه ؟
قلت ناوي ادور لي شغل بعد الظهر
قالت وجع يوجعك انت ما تترك ثقالة الدم ..اقلك وانا امك كلمت ابوك يخطب لك فطوم بنت الشيخ حمد !
وشهوووووو فطوم فطوم ماغيرها ..!
قالت ايه فطوم ماغيرها .
ليه يايمه قلّو البنات ..؟
قالت فطوم تسواك وتسوى اهلك بعد .. انت تطول حتى ظفرها ..
وفطوم الحين مزيونه وتجنن وتهبل وخطابها كثيرين وزين اذا وافقت عليك !!
قلت يعني الحين فطوم صارت مزيونه ..؟
قالت ايه وان شاءالله بس توافق عليك .
قلت يارب توافق لاني احب فطوم من الطفولة ..
بلا نصب انت وخشتك توك تقول انك ما تبيها ..!
يايمه انا اتذكرها من زمان كان وجهها كنه مخطط وخشمها كنه جرّة ...والحين تقولين حلوه ..يمه انا ابيها واحبها توسطي لي عندهم تكفين .
قالت طيب.. يوم الخميس بنروح نشوف اهلها ونخطبها لك ..


يتبع>>>>>

[(حُر)]

وينكم ..

ترى والله أن ماشفت تعليقات ماني مكمل .؟!

[^_AHMED_^]

استمر

[(حُر)]

:

يوم اجى الخميس راحت امي وابوي يشوفون فارسة احلامي وأنا كنت انتظر على احر من الجمر رجعة الوالدين حفظهما الله من المدينه وانا متضايق ورحت لعشة الحمام وامسك لي فرخ وانتفه واقول بتوافق مهيب موافقه ، بتوافق مهيب موافقه ، بتوافق مهيب موافقه ، شوي الا صوت سيارتي ابوي واجيك نازل مع الدرج انا اذكر ان درج بيتنا حوالي 32 درجة << هذه ضروس مهيب درج ، بس ذاك اليوم صاروا ثلاث بقدرة قادر ، والقى الوالده يخليها ربي توها بتدخل البيت ، قلت هاه وش قالت وافقت عسى ما قالت ابشوفه قالت امي اصبر شوي خلني ابفصخ عباتي واصفطها لاني مطيبته بدخون عندهم وش زين ريحه وعطني التلفون خلني اكلم ام دحيم اعلمها اني ذقت الكيوي الي يقولون ، قلت ياميمتي والله انتي فاضيه البنت وش قالت عساها وافقت بدون شروط قالت امي ايه وافقت لكن بشرط انها تقابلك وتجلس معك وتسألك اسئلة وعلى ضوئها ، كأني قلت على ضوئها ياربيه احس ان لساني انطلق عقب هالكيوي ، تقرر هي توافق والا لا ، قلت طيب ياميمتي معزمه هي ، قالت مرررره هذا شرطها وتقول بعد لازم يكون هالكلام بعد يومين ، بس وش هالبيت عندهم من كبره وشجر وهالسناميك تمشي على سناميك ، قلت لها وشو سناميكه يابنت الحلال هذا اسمه سراميك ،المهم البنت زينه ، قالت يقول زينه ياولدي هذه البنات مهوب بناتنا في هالديرة ما تفرقهم عنكم الا بالصلاة في المسجد ، هذه طول وعرض وشعر وخشيم وعيون وثويمها كنه شق في وجها مهوب مثل مرة اخوك وبراطمها كنها عاضة عقال ، قلت يمه بس ترى ابتغر انا ما اتحمل ، قالت لا اجل لو تشوف حمامهم والله انه ازين من حجرتي ، يمه الحين اقول علميني عن البنت وانتي تقولين حمامهم زين ، اقول وين ابوي هو الي بيعلمني بكل شي ، وشوي الا هو داخل قلت هلا والله هاه يابوي وش رايك قال والله لو تشوف مغاسل الرجاجيل قلت ياربيه هذه غلطتي اني ما رحت معكم ، بس يالله تقول بعد يومين بتقابلني مهيب مشكله اقابلها بعد يومين وش يصير

يتبع>>>>

[مؤرفين 'ۦ ']

استمر

[الياسمين]

​هههههههههههههه يا قلبي وربي راح يوقف من الضحك
وش نويت عليه ياوليدي يا هنري ؟ هههههههههههه مو راكبة الجملة مع هنري ابدا
وبعدين يا حرام ايش دخل الفرخ توافق البنت ولا ما توافق تنتف ريشه
وكله كوم والأم اللي بتتصل ع ام دحيم عشان تقول لها ع الكيوي اللي أطلق لسانها
وربي مبدع كمل متشوقين جدا نشوف اللقاء التاريخي
يسعدك ربي

[(حُر)]

​هههههههههههههه يا قلبي وربي راح يوقف من الضحك

سلامة قلبك وخيتي وما تشوفين شر ، اهم شي انك ضحكتي وانبسطتي وياربي عساها دوم وانتي في كامل روقانك واناقتك

وش نويت عليه ياوليدي يا هنري ؟ هههههههههههه مو راكبة الجملة مع هنري ابدا

أنا مانكبني غير هالأسم
انا كانت عنـدي مشكله يوم حنا صغارين .. كنت الوحيد الي ما يدلع
لأن اسمي غير قابل بأي شكل من الأشكال انه يدلع
و الصدق انه كانت بنفسي هالسالفه يعني اشوف كل الي بعمري يدلعون وانا لا

بس تي الصدق هي قالت صقيران ماقالت هنري كح كح

وبعدين يا حرام ايش دخل الفرخ توافق البنت ولا ما توافق تنتف ريشه

ياأخي فريت الحوش بدور ورده مالقيت الأ فرخة جارتنا أم حمود قدامي ..؟!

وكله كوم والأم اللي بتتصل ع ام دحيم عشان تقول لها ع الكيوي اللي أطلق لسانها

أجل أم دحيم كانت تحسبها فلافل بس مثل واحد من الشيباب يوم يلفها بقشرها ويقول ترى الفايده يعيالي في القشر <----من ستر على مسلما

[هــاجــر]

اويلي .. اني ع اللهجه

كمل كمل

[(حُر)]

المهم يوم الخميس العصر وانا في القرية وعند ميمتي تلقنّي بعض النصائح السديدة واقعد اتطيب وامي تبخرني وتلبسني الثوب وامطخها ببوسه على راسها وهي تدعي لي بالتوفيق .. وامر على ابوي وانسدح عن رجوله واقول سامحني يابابا .. ويرفسني برجوله وقال وجع وين انت رايح وراك تقول هالكلام ...قلت عفواً يا ابتي انني ذاهب الى المجهول ..وتخبرني يا أبتي قليل خبره ..والملعون شكسبير يقول لا تطلب الفتاة من الدنيا الا زوجا ، فأذا جاء طلبت منه كل شي !! وأنا خايف يابابا ..
عندي فكرة يابويه .. وش رأيك تتصل على أبوها وتخليه يجيبها ويجي ..؟
قال أبوي .. وحسافة التربية فيك يالسربوت..أقول تكلم زين ولا تفشلنا مع البنيه واهلها وخلك ثقيل ولا تضحك كثير ..والله يوفقك ياوليدي ..وتصير هالبنيه من نصيبك ..!
وامطخة بحبة على خشمة وادرعم على بيت أبو فطوم ..
ووصلت بيتهم ودقيت الجرس الا وابو فطوم يفتح الباب ..واول ما شافني قال يالله حيه .. قلت يالله عقرب تلسعك في خشمك ( بزعمي انكت معه وأبي أكسر حاجز الخجل وحالة التوتر فيني )
وهو يكشر بوجهي ويقول محاولة جيده يا هنري للتنكيت ..الا وانا تطاولة وامطخة ببوسة على رأسة واقول له مساء الخير يا عمي .
ادخل ادخل يالله حيه ..ودخلني داخل وانا عيوني تبترم تكستشف المحل كله اغدي العيون الساهره الي تتفرج ولا تشوف
ويقعد ابو فطوم يسولف معي وانا معطية الطناش افكر وش ابي اقول لفطوم حشاشة جوفي ..وشوي الا وابو فطوم يناديني ..
قلت سم يا عمي ..
قال ما كنك معطيني الخامس .. ؟
قلت لا حاشاك بس مهوجس شوي ..!
قالي ايه يدرب الحب شو بيزل وشوي طالع فيني وقال انا طالع وابي ارسل لك فطوم ..
قلت خلاص وانا في الانتظار ..

عاد انتوا انتظروني

يتبع