صدك شطچ يابصره امزاعل الماي؟*** وصدك من العطش تبچي البساتين؟
صدك تاه الدليل وضيع الراي؟ *وشله مركب هوانه ونام عل طين؟
وصدك حملچ طاح ويريد تچاي؟* لچن اهل البخت كلهم مساجين؟
صدك درب الكلافه ماله شراي؟ *وعله دروب المشوا بعدچ تتانين؟
صدك طولچ گصر ويريد مشاي؟ *اذا ردتي عله صفحتكم تعبرين؟
صدك حيلچ تعب والتطلب اهواي؟ *وتغفين اعل حدچ من تنطرين؟
صدك كدروا عليچ وحكموا اعداي؟ *وانه الظنيت عمرچ ماتذلين؟
كبر حزنج عليچ وصار نهاي * وحلف بچفوف سعدچ ماتصيرين
غدوا اهلچ ضعن والموت حداي *وانتي مهدله هودومچ تلطمين؟
صدك عشارچ ابلواه محتار؟ *وصدك حزنان يبچي حي الحسين؟
صدك بطل بعد سيابچ اشعار ؟ *وهده لنار الزعل كل الدواوين؟
وايامچ لطم عاشور چن صار؟ *وچنه هسه انكتل يابصره الحسين؟
صدك بيچ الجهال ابساعت العيد؟ *يعايدها الدمع ويجرح الخدود؟
وصدك محد يحط عيديه بالايد؟ وشباچ الفرح ليهسه مسدود
برداً وسلاماً يابصرتي
رد مع اقتباس
المشاركة الأصلية كتبت بواسطة فقار الكرخي
