هنا

[✿ عِشق ✿]

كلمات قصيدة طبيبي - حسين فيصل (مكتوبة/كتابة)





حُسـين واحُسـين واحُسـين واحُسـينا
غريـب وا غريـب وا غريـبا
....

بأول نظرة حبيتك
عمري وروحي سميتك
يحبك كولشي بيه
اريد اتحن عليه
بعت كل غالي واشريتك

حبيبـي ..
طبيبـي ...
اقسملك ابرب العشگ

خيالي ..
يغالي ..
يحسين بس بابك يدگ

الحب مذلة اعله الهوه
وطبع العشك ذله
بس انته عشگك يختلف
بيه الفخر كله
اليعشگ ابصافي الگلب
عن كولشي يتخله
والمر إذا لجل الولف
مثل الشهد واحله

حُسـين واحُسـين واحُسـين واحُسـيناه
غريـب وا غريـب وا غريـباه
...

گبرك يبقه عنواني
بي ترجعلي الواني
يمك انسه روحي
وما احس ابجروحي
اضيع وبيك الگآني

حبيبـي ..
طبيبـي ..
منك اخذ عطره الورد

غرامي ..
وهيامي ..
عنك ابد ما ابتعد

طير انه يحسين وبنيت
ابروضتك عشي
من ابتعد عنك اشوف
ابكل نعش نعشي
بلياك مخنوگ الوگت
و بكل ثگل يمشي
وكولشي يصير ابلا طعم
وبلا وجه كولشي

حُسـين واحُسـين واحُسـين واحُسـينا
غريـب وا غريـب وا غريـبا
...

غيرك ماتصد عيني
منك نظره تكفيني
تكفر عن ذنوبي
ولا ترضه لعيوني
تفرق بينك وبيني

حبيبـي ..
طبيبـي ..
منك ابد ماينشبع

حياتي ..
ومماتي ..
البسمه لجلك والدمع

بيت الله بيتك ياحسين
وبابه من بابك
انته الوحيد الما ترد
ابلحظة احبابك
احمل جبال الهم وابد
ما احمل اغيابك
لوبيدي اتحول واصيرن
ذره بترابك

حًسـين واحُسـين واحُسـين واحُسـينا
غريـب وا غريـب وا غريـبا
...

بيك ابدي عباراتي
واختم بيك چلماتي
يبو الروح الحنينه
يمصباح وسفينه
يماضي وحاضر وآتي

حبيبـي ..
طبيبـي ..
يادعوة أم وگت الفجر

جمالك ..
حلالك ..
يحلالك الحب والشعر

كل نقطه من اسمك غفت
لو دمعة لو بسمه
يارحمة الله الواسعه
ويا اغلى كل نعمه
بأمك عليك اقسم واحشمك
يا عزيز أمه

ما انحرم من خدمتك
واگضي العمر خدمه

حُسـين واحُسـين واحُسـين واحُسـينا
غريـب وا غريـب وا غريـبا
...


كلمات الشاعر - احمد البغدادي

اداء الرادود - حسين فيصل


تدوين القصيدة لــ زهراء العبيدي

1439 هـ

منتديات درر العراق
:
قسم القصائد

[M̲u̲S̲h̲T̲a̲Q̲ツ]

احسنتي ،،،نشر موفق

[✿ عِشق ✿]

احسنتي ،،،نشر موفق

شـكرا للتواجد .. نورت

[كاسر القانون]

مبدع في ميزان حسناتك

[✿ عِشق ✿]

مبدع في ميزان حسناتك

شكرا لك