عندج الف عافيه دكتورتنا الغالية،
لو تسمحيلي اوصفلج الجهاز المناعي بالانسان بطريقتي ،
آني اشبّه الانسان بدولة بيها جيش جرّار قوي جداً، فلو كان قائد الجيش شجاع و ما يخاف ، راح يكدر يهزم أي عدو مهما كانت قوته.
بس لو جان قائد هذا الجيش جبان و خوّاف ، راح ينهزم جيشه بأبسط معركة.
بجسم الانسان خلايا قاتلة(killer cells) تكدر تدمّر أي مكوّن غريب بسرعة و كفاءة ، هذي الخلايا مرتبطة ارتباط مباشر بايعازات قائدها(الدماغ)، فلو اتشجّع الدماغ و طرد الخوف من باله راح تقوم الخلايا القاتلة بدورها بصورة ممتازة، و العكس صحيح.
تشجّعي و خلْي لجيشج قائد شجاع ، والله الشافي.
