قصيدة هلال محرم
قصيدة هلال محرم
لسان حال امام الزمان (عج) روحي له الفدا
من يهل اهلال حزني والمآسي
ألبس أسود بِيّه أبيض شيب راسي
آ يأهلي آ يأهلي
لو بده اهلال المُحَرّمْ عمتي زينب
من گبرهه ابعيني اتهل نبدي ننحب
نسهر ابليل الحزن بگلوب تلهب
نبچي للغالي وْنِذِكْرَه من تخضب
والخُيُول البِصّدُرْ حافرهه قاسي
لابس أسود بِيّهْ أبيض شيب راسي
آ يأهلي آ يأهلي
تبدي اتسولف ألمهه والمنايه
تتعب وماتٍخْلَصٍ اجْروح الرزايه
حيل ماعدهه الأخوهه اتشيل رايه
وچفهه أنظر منچوي مثل العبايه
والظهر منهه انكسر حمله رواسي
لابس أسود بيه أبيض شيب راسي
آ يأهلي آ يأهلي
جرحي أكبر من گمر فوگ الشريعه
والنجوم ابصفه متگطعه صريعه
والشمس منحوره وبسيف الفجيعه
جرحي أكبر والجرح سبي الوديعه
وطاري الديوان يلچم كل حواسي
لابس أسود بيه أبيض شيب راسي
آ يأهلي آ يأهلي
كلشي ابروحي انوجد ولگاهه صحره
لو بده الناعي ابألم لحسين يقره
مره اهل لحسين دمعي لُمّي مره
عالمجالس تفتر اوعيناهه حمره
اتنادي ابحسره ودمع وين اليواسي
لابس أسود بيه أبيض شيب راسي
آ يأهلي آ يأهلي
اباب كل مجلس نون بَايّام عاشور
ولو خلص للزهره أنظر گلبي مكسور
أمي اتگلي الخدمنه عندي مأجور
بالنيابه يبني عني گله مشكور
وابتدي فردن فرد أشكرهه ناسي
لابس أسود بيه أبيض شيب راسي
آ يأهلي آ يأهلي
سيد حامد النعيمي
رد مع اقتباس